Airbnb‑ს მეშვეობით მასპინძლობის დაწყებამდე უაღრესად მნიშვნელოვანია, გაერკვეთ თქვენს ქალაქში მოქმედ კანონებში. ეს წესები ზოგჯერ დამაბნეველი შეიძლება იყოს, ამიტომ ჩვენი მიზანია, ვითანამშრომლოთ მსოფლიოს სხვადასხვა ქვეყნის მთავრობებთან, რომ ეს წესები ყველასთვის უფრო გასაგები გახდეს.
ზოგიერთ ქალაქში სტუმრების მოკლე ვადით მასპინძლობა შეზღუდულია კანონმდებლობით, ხოლო მოკლევადიანი ჯავშნების გარკვეული ტიპები, შესაძლოა, აკრძალული იყოს. ეს კანონები ხშირად ქალაქის ზონირების ან ადმინისტრაციული კოდექსების ნაწილია. ბევრ ქალაქში საცხოვრებლის განთავსებამდე ან სტუმრების მიღებამდე საჭიროა რეგისტრაცია, ნებართვის ან ლიცენზიის მიღება.
ადგილობრივი ხელისუფლებები განსხვავებულად ახორციელებენ ამ კანონების აღსრულებას. სანქციები შეიძლება მოიცავდეს ჯარიმებს ან სხვა სახის აღკვეთილ ზომებს.
საგადასახადო იურისდიქციების ზოგიერთ შემთხვევაში Airbnb თქვენი სახელით იზრუნებს ადგილობრივი ბინადრობის გადასახადის გამოთვლაზე, აკრეფასა და გადარიცხვაზე. ბინადრობის გადასახადის გამოთვლის წესი განსხვავდება თითოეულ იურისდიქციაში, ჩვენ კი აქტიურად ვმუშაობთ, რომ ეს შეღავათი მსოფლიო მასშტაბით მეტ მასპინძელს შევთავაზოთ.
გვერდზე „პასუხისმგებლიანი მასპინძლობა“ შეგიძლიათ შეიტყოთ, რა არის საჭირო თქვენს რეგიონში მასპინძლობისთვის. თქვენი ქალაქის კანონებისა და რეგულაციების შესახებ დამატებითი ინფორმაცია, შესაძლოა, ხელმისაწვდომი იყოს პასუხისმგებლიანი მასპინძლობის შესახებ თქვენი ადგილობრივი გვერდის სექციაში თქვენი ქალაქის რეგულაციები.
ჩვენი მომსახურების პირობების მიღებითა და განცხადების გააქტიურებით ადასტურებთ, რომ დაიცავთ ადგილობრივ კანონმდებლობასა და რეგულაციებს.