ანაზღაურების გამოთვლის წესი

მზად ხართ, გამოთვალოთ თქვენი შემოსავალი? აი, როგორ ხდება ეს (თუ განცხადების მფლობელი ხართ):

თქვენი ერთ ღამეზე დაწესებული ტარიფი პლუს თქვენ მიერ დამატებით დაწესებული მოსაკრებლები (დასუფთავების გადასახადი, დამატებითი სტუმრებისთვის დაწესებული გადასახადი და ა.შ.) მინუს მასპინძლის მომსახურების გადასახადი და თანამასპინძლებისთვის გაცემული ანაზღაურებები = თქვენი ანაზღაურება.

მასპინძლის მომსახურების გადასახადის გამოთვლის წესი

მასპინძლის მომსახურების გადასახადი გამოითვლება ჯავშნის ჯამური ღირებულების გარკვეულ პროცენტზე გამრავლებით, შემდეგ კი ავტომატურად გამოაკლდება თქვენს ანაზღაურებას. თქვენი საცხოვრებლის ღირებულების გარდა, სტუმრები Airbnb‑ს მომსახურების გადასახადსაც გადაიხდიან, ამიტომ სტუმრის მიერ გადასახდელი ჯამური თანხა თქვენი ანაზღაურების ოდენობაზე მეტი იქნება.

თქვენი ანაზღაურებების შესახებ დამატებითი ინფორმაციისთვის გადადით „შემოსულებზე“.

რატომ არ ემთხვევა თქვენი ანაზღაურება საერთო ფასს

თუ თქვენი ანაზღაურება და ერთი ღამის ფასი, როგორც ჩანს, არ ემთხვევა ერთმანეთს, ქვემოთ მოცემულია რამდენიმე ფაქტორი, რომლებმაც, შესაძლოა, გავლენა მოახდინონ თქვენს ანაზღაურებაზე და განმარტონ, რატომ შეიძლება იყოს შეუსაბამობა:

• კალენდრის მიხედვით ფასწარმოქმნა: შაბათ‑კვირისთვის კორექტირებული ან კალენდრის მიხედვით ინდივიდუალურად დაწესებული ფასები.
• ფასდაკლებები სტუმრობის ხანგრძლივობის მიხედვით: თქვენ მიერ დაწესებული ფასდაკლება ერთ კვირაზე ან ერთ თვეზე.
• ერთ თვემდე ხანგრძლივობის სტუმრობები: თანხები აკრეფილდება და გაიცემა ყოველთვიურად.
• თანამასპინძლებისთვის განკუთვნილი ანაზღაურება: თანხები, რომლებიც თქვენ მიერ დადგენილი წესით გაუნაწილდებათ თანამასპინძლებს სტუმრობების ჯავშნებიდან მიღებული ანაზღაურებიდან. შეიტყვეთ ვრცლად თანამასპინძლებისთვის განკუთვნილი ანაზღაურებების პრინციპის შესახებ.
• გადანაწილების წესები ან მინიმალური ანაზღაურების ოდენობები: გადანაწილების წესების ან მინიმალური ანაზღაურების ოდენობის პარამეტრების შეცვლა.
• დღგ: Airbnb‑ს მომსახურების გადასახადს, შესაძლოა, დაემატოს დღგ (დამატებული ღირებულების გადასახადი).
• საფასური დამუშავებისთვის: თქვენი საფინანსო დაწესებულება, შესაძლოა, თავად ითხოვდეს გარკვეულ საფასურებს. ნებისმიერ შეკითხვაზე პასუხის მისაღებად დაუკავშირდით მას.
• სწრაფი გადახდის საკომისიო: სწრაფი გადახდის საკომისიოები, თუ მათი გამოყენების უფლება გაქვთ, შესაძლოა, გამოეჭრას თითოეულ ანაზღაურებას. ვრცლად სწრაფი ანაზღაურების შესახებ.
• ვალუტის კონვერტაცია: თუ თქვენი განცხადების ვალუტა არ ემთხვევა ანაზღაურების მიღების ვალუტას, კონვერტაციის საკომისიო გამოიქვითება თქვენი ანაზღაურებიდან გადახდის მომენტში (ამ საკომისიოს თავიდან ასაცილებლად უბრალოდ შეცვალეთ ვალუტა თქვენი განცხადების ფასწარმოქმნის პარამეტრებში). 
• კორექტირების საკომისიო: თუ სტუმრისთვის თანხის დაბრუნება დაიწყეთ, ან თუ წინა ჯავშანი გააუქმეთ.
• მასპინძლის ვაუჩერი: თუ თქვენმა სტუმარმა გამოიყენა თქვენ მიერ გაგზავნილი მასპინძლის ვაუჩერი.