სპეცშემოთავაზებები სტუმრების დაინტერესებისა და კალენდრის სწრაფად შევსების ეფექტური ხერხია. ფასების ინდივიდუალიზებით ან სტუმრობის ალტერნატიული დეტალების შეთავაზებით შეგიძლიათ დაინტერესებული სტუმრებისგან დადასტურებული ჯავშნები მიიღოთ.
როდესაც ვინმე შეტყობინებას გამოგიგზავნით დაჯავშნამდე ან სტუმრობის მოთხოვნის გაგზავნამდე, პასუხად შეგიძლიათ სპეცშეთავაზება გაუგზავნოთ, რომელიც მოიცავს ინდივიდუალურ ფასს. ამას გარდა, შეგიძლიათ სხვა თარიღების ან თქვენ მიერ განთავსებული სხვა საცხოვრებლის შეთავაზება. თუ სტუმარი დაეთანხმება თქვენს სპეცშემოთავაზებას (ამისთვის მას 24 საათი აქვს), მისი ჯავშანი ავტომატურად დადასტურდება.
თუ სტუმარმა უკვე დაჯავშნა თქვენი საცხოვრებელი ან გამოგიგზავნათ დაჯავშნის მოთხოვნა, სპეცშემოთავაზების გაგზავნას ვერ მოახერხებთ, თუმცა მაინც შეგიძლიათ მისთვის ფასდაკლების შეთავაზება ჯავშნის დეტალების შეცვლის გზით.
პირველ რიგში, დარწმუნდით, რომ თქვენს კალენდარში თავისუფალი თარიღები გაქვთ და შეთავაზებულ თარიღებზე მომლოდინე მოთხოვნები არ გაქვთ — თუ გექნებათ, მათი უარყოფა მოგიწევთ. ასევე, დარწმუნდით, რომ გსურთ სტუმრის მასპინძლობა, რადგან მისი სტუმრობა ავტომატურად დადასტურდება, თუ ის დათანხმდება.
როდესაც თქვენი შეთავაზება გაიგზავნება, სტუმარი დაინახავს ყველა ხარჯს ნათლად დაყოფილს - მათ შორის ნებისმიერ ავტომატიზირებულ გადასახადს და მომსახურების საკომისიოს, როგორც ცალკეულ პუნქტებს.
როდესაც სპეცშემოთავაზებებს ერთსა და იმავე თარიღებზე რამდენიმე სტუმარს უგზავნით, უპირატესობა ენიჭება იმ სტუმარს, რომელიც პირველად დაეთანხმება შემოთავაზებას. აქედან გამომდინარე, გირჩევთ, შეტყობინებებში გულწრფელად აღნიშნოთ, რომ სხვა სტუმრებიც შეიძლება დაინტერესებული იყვნენ იმავე თარიღების დაჯავშნით.