შეზღუდული კონტენტი
ჩვენი გაერთიანების ყველა წევრისადმი პატივისცემის ნიშნად, გარკვეული ონლაინკონტენტის გამოყენება აკრძალულია. აღნიშნული ეხება როგორც საცხოვრებლების, ისე შთაბეჭდილებების აღწერილობებსა თუ მათ ამსახველ გამოსახულებებს. წინამდებარე გვერდის მიზანია, ზოგადი წარმოდგენა შეგიქმნათ Airbnb‑ს გაერთიანების წესებზე, თუმცა ის არ მოიცავს ყველა შესაძლო სცენარს.
Airbnb‑ზე კონტენტის გამოქვეყნებით თანხმდებით კონტენტის დებულების დაცვაზე.
შენიშვნა
ჩვენ ვიტოვებთ უფლებას, მთლიანად ან ნაწილობრივ წავშალოთ კონტენტი, რომელიც შეუსაბამოა კონტენტის დებულებასთან. განმეორებითი ან მძიმე დარღვევების შემთხვევაში, შესაძლოა, შესაბამისი Airbnb ანგარიშის მოქმედება დროებით ან სამუდამოდ შევაჩეროთ, ან ის წავშალოთ.
დაშვებულია
სიშიშვლის ან სექსუალური ქვეტექსტის შემცველი, წინასწარ განცხადებული კონტენტი: სიშიშვლის ან სექსუალური ქვეტექსტის შემცველი გარკვეული კონტენტის, ნივთებისა თუ ხელოვნების ნიმუშების გამოყენება არ იკრძალება, თუ საცხოვრებელი ან შთაბეჭდილება მიუწვდომელია 18 წლამდე ასაკის პირებისთვის, ხოლო მსგავსი შინაარსის მქონე ობიექტების შესახებ წინასწარ განცხადებულია საცხოვრებლის/შთაბეჭდილების აღწერილობაში.
Airbnb‑ს მეშვეობით ჯავშნის გაფორმების შემდეგ სტუმრები მოულოდნელად არ უნდა აწყდებოდნენ ზრდასრულთათვის განკუთვნილ ელემენტებს, რომლებსაც მათთვის დისკომფორტის შექმნა ან მათი აღშფოთება შეუძლია. ჩვენს რესურსების ცენტრში შეგიძლიათ გაეცნოთ რჩევებს განცხადების საინტერესო გვერდის შექმნის შესახებ.
დაუშვებელია
- კონტენტი, რომელიც არღვევს წესებს: ნებისმიერი კონტენტი, რომელიც არღვევს კონტენტის დებულებას ან საავტორო უფლებების დებულებას.
- ძალადობრივი შინაარსის ან ნატურალისტურად წარმოჩენილი კონტენტი საცხოვრებელში: სტუმრებისთვის განკუთვნილ საცხოვრებლებში არ უნდა იყოს ფიზიკური ზიანის ამსახველი გამოსახულებები, თუ ისინი ისტორიული ან კულტურული მნიშვნელობის მატარებელი არ არის (მსგავსი კონტენტის არსებობის შესახებ მკაფიოდ უნდა იყოს განცხადებული საცხოვრებლის აღწერილობაში).
- ძალადობრივი შინაარსის ან ნატურალისტურად წარმოჩენილი კონტენტი განცხადებაში: სტუმრებისთვის შეთავაზებული საცხოვრებლის აღსაწერად მასპინძლებმა თავი უნდა შეიკავონ ფიზიკური ძალადობის ამსახველი გამოსახულებების დართვისგან.
- სექსუალური შინაარსის კონტენტი Airbnb‑ზე: სექსუალური შინაარსის ფოტო‑ ან ვიდეოგამოსახულებების Airbnb‑ზე გამოყენება დაუშვებელია. ამის მიუხედავად, ზოგიერთი გამოსახულება სექსუალური ქვეტექსტით ანდა სექსუალური შინაარსის/ქვეტექსტის ან სიშიშვლის შემცველი ხელოვნების ნიმუშები ფოტოსა და ვიდეოსგან განსხვავებულ მედიუმებზე (მაგალითად, ნახატების, ქანდაკებების და სხვათა შემთხვევაში) დაშვებულია Airbnb‑ზე, თუ ისინი გამოიყენება საცხოვრებელსა თუ შთაბეჭდილების შეთავაზების ადგილას მსგავსი შინაარსის მქონე ნივთების შესახებ წინასწარ განცხადებისთვის.
- სექსუალური შინაარსის მატარებელი სიტყვები: მასპინძლებისთვის დაუშვებელია ისეთი ზეპირი თუ წერილობითი ლექსიკის გამოყენება/დემონსტრირება, რომელიც სექსუალურ აღგზნებას იწვევს, ასევე, სექსუალურ ქმედებებს აღწერს ან მათთან ასოციაციას აღძრავს.
დახმარება გჭირდებათ?
ჩვენი წესების დარღვევის შემჩნევის შემთხვევაში შეგვატყობინეთ.
დაკავშირებული სტატიები
- მასპინძელი
შეზღუდულია თუ არა საცხოვრებლების ტიპები?
Airbnb სიამოვნებით უთმობს სივრცეს სხვადასხვა ტიპის საცხოვრებლებს, რომლებიც ჩვენს კრიტერიუმებს შეესაბამება. - სტუმარი
აქტუალური და მიუკერძოებელი მიმოხილვების დაწერა
Airbnb‑ზე გამოქვეყნებული მიმოხილვები უნდა შეიცავდეს ზუსტ, ობიექტურ ინფორმაციას და გვსურს, თქვენც დარწმუნებული იყოთ ამაში. მიმოხილვები რომ სა… მიმოხილვის პრინციპი
მიმოხილვის მეშვეობით მასპინძლები და სტუმრები მარტივად უზიარებენ ერთმანეთს გამოხმაურებას. ქვემოთ მოცემული სტატიებიდან შეიტყობთ, რის გაზიარება…