Airbnb-ს კონტენტის დებულება

ჩვენი გაერთიანების წევრებისთვის პოზიტიური გარემოს შენარჩუნების მიზნით, Airbnb‑ს პლატფორმაზე გარკვეული კონტენტი აკრძალულია. კონტენტი მოიცავს ნებისმიერ წერილობით, ფოტოგრაფიულ, აუდიო, ვიდეო ან სხვა კონტენტს, მათ შორის, AI-ს გამოყენებით შექმნილ ან რედაქტირებულ კონტენტს. მაგალითები მოიცავს:

• წერა: განცხადებების სათაურები და აღწერილობები, პროფილების გვერდები, საჯარო და პირადი მიმოხილვები, გამოხმაურება, პუბლიკაციები გაერთიანების ცენტრში, ასევე, შეტყობინებები Airbnb‑სთვის, მასპინძლებისა თუ სტუმრებისთვის
• ვიზუალური მასალა: ფოტოები და ვიდეოები, ასევე, მათში ასახული გამოსახულებები (მაგალითად, საცხოვრებლის კედელზე დაკიდებული პლაკატები ან ხელოვნების ნამუშევრები)

Airbnb‑ზე დაუშვებელია შემდეგი:

• კონტენტი (მათ შორის, კომპანიის ლოგოები, ბმულები ან სახელები), რომელიც შექმნილია მხოლოდ იმ მიზნით, რომ რეკლამირებული იყოს განცხადებასთან დაუკავშირებელი კომპანია ან სხვა კომერციული სუბიექტი
• სპამი, არასასურველი კონტაქტი ან კონტენტი, რომელიც განმეორებით და შემაწუხებლად გაზიარდება
• კონტენტი, რომელიც უკანონოა, ან უკანონო/მავნე საქმიანობას უწყობს ხელს ან პოპულარიზაციას
• სექსუალური შინაარსის კონტენტი (მათ შორის, სრული სიშიშვლის, სექსუალური აქტივობის ან სექსუალური შინაარსის ენის ჩვენება, რომლის მიზანია სექსუალური აღგზნება ან სექსუალურ ქმედებებზე მითითება)
• კონტენტი, რომელიც შეიცავს ძალადობას, ბუნდოვან სურათებს, მუქარას, შეურაცხყოფას, შეურაცხყოფით გამოხატვას ან შევიწროებას
• კონტენტი, რომელიც არღვევს ანტიდისკრიმინაციულ პოლიტიკას
• კონტენტი, რომლის მეშვეობითაც ხდება სხვისი ვინაობით, ანგარიშით ან სუბიექტის სახელით, მათ შორის, Airbnb‑ს წარმომადგენლის სახელით, თავის მოჩვენების მცდელობა
• კონტენტი, რომელიც არღვევს სხვა პირის ან სუბიექტის უფლებებს (ინტელექტუალური საკუთრების, კონფიდენციალურობის და ა.შ.) ან ჩვენს წესებს საავტორო უფლებების შესახებ
• კონტენტი, რომელიც საჯაროდ ავლენს სხვა პირის პირად ინფორმაციას, მათ შორის, კონტენტი, რომლის მეშვეობითაც შესაძლებელია საცხოვრებლის მდებარეობის დადგენა

წესების დაცვის კონტროლი

მომხმარებლები თავად არიან პასუხისმგებელი თავიანთ კონტენტზე. ჩვენ ვიტოვებთ უფლებას, სრულად ან ნაწილობრივ წავშალოთ ნებისმიერი კონტენტი, რომელიც არღვევს წინამდებარე პოლიტიკას, ჩვენს მომსახურების პირობებს ან ჩვენს სხვა პოლიტიკას, მათ შორის, მიმოხილვების დებულებას, ჩვენი მომსახურების პირობების შესაბამისად. მძიმე ან განმეორებითი დარღვევების შემთხვევაში, შესაძლოა, შევზღუდოთ, დროებით შევაჩეროთ ან წავშალოთ შესაბამისი განცხადება ან ანგარიში Airbnb‑ზე.

ჩვენი წესების დარღვევის შესახებ შეტყობინების წესი

მომხმარებლებს შეუძლიათ შეგვატყობინონ კონტენტის შესახებ, რომელიც, მათი აზრით, არღვევს ამ წესებს. ამისთვის შეგიძლიათ პირდაპირ აპი გამოიყენოთ ან დაგვიკავშირდეთ.