ვარიანტების გასაცნობად დაიწყეთ საძიებო მოთხოვნის აკრეფა. ნავიგაციისთვის გამოიყენეთ კლავიშები ზემოთ ან ქვემოთ მიმართული ისრებით. ასარჩევად გამოიყენეთ კლავიში Enter. არჩეული ფრაზა საძიებო ველს დაემატება, ბმულის არჩევის შემთხვევაში კი ბრაუზერში შესაბამისი გვერდი გაიხსნება.
ინსტრუქცია
სტუმარი

როგორ მოვიქცე, თუ დაბინავებისას სისუფთავის პრობლემას აღმოვაჩენ?

პირველ რიგში, მისწერეთ მასპინძელს, რომ შესაძლო გადაწყვეტილების შესახებ შეთანხმდეთ. ის, სავარაუდოდ, მარტივად მოგიგვარებთ პრობლემას. თუ მასპინძელი ვერ დაგეხმარებათ, ან თანხის დაბრუნების მოთხოვნა გსურთ, ჩვენ მზად ვართ თქვენ დასახმარებლად.

მოითხოვეთ თანხის დაბრუნება

სამოქმედო რჩევები:

  1. შეაგროვეთ მტკიცებულებები: შეძლებისდაგვარად, გადაიღეთ ფოტო ან ვიდეო, რომელიც დაადასტურებს, რომ კონკრეტული საყოფაცხოვრებო პირობა თუ ნივთი არ დაგხვდათ ან არ მუშაობს.
  2. გადაგზავნეთ მოთხოვნა: თქვენ საშუალება გექნებათ, აღწეროთ პრობლემა და დაურთოთ ფოტოები ან ვიდეო (ასეთის არსებობის შემთხვევაში). საჭიროებისამებრ, შეგეძლებათ სთხოვოთ მასპინძელს პრობლემის მოგვარება, მოითხოვოთ დასუფთავების გადასახადის დაბრუნება ან, სერიოზული პრობლემების შემთხვევაში, ჯავშნის გაუქმება დარჩენილი ღამეების ღირებულების სრულად დაბრუნებით.
  3. დაელოდეთ პასუხს: თუ მასპინძელი უარყოფს მოთხოვნას, ან არ გამოგეხმაურებათ, დახმარებისთვის შეძლებთ Airbnb‑ს მიმართოთ. Airbnb საკითხის გადაწყვეტის ვარიანტს ხელახლა დაჯავშნისა და თანხის დაბრუნების წესების მიხედვით შემოგთავაზებთ.

საკითხის განხილვაში Airbnb‑ს ჩართვა

ჩვენ გვსურს, რომ მასპინძლებმა და სტუმრებმა ყველაფრის თავად მოგვარება შეძლონ, თუმცა გვესმის, რომ ეს ყოველთვის ვერ ხერხდება. თუ პრობლემა შეგექმნებათ და მას მასპინძელთან ვერ მოაგვარებთ (ასევე, თუ მასპინძელი უარყოფს ან არ გამოეხმაურება თანხის დაბრუნების მოთხოვნას), შეგვატყობინეთ და ჩვენი გუნდის ერთ‑ერთი წევრი დაგეხმარებათ.

თუ პრობლემა AirCover‑ით გათვალისწინებული იქნება, თანხას სრულად/ნაწილობრივ დაგიბრუნებთ ან, კონკრეტული გარემოებების შესაბამისად, მსგავს/უკეთეს საცხოვრებელს გიპოვით.

გახსოვდეთ, რომ პრობლემის შესატყობინებლად მისი აღმოჩენიდან 72 საათი გექნებათ.

ჯანმრთელობისთვის საფრთხის შემქმნელი პრობლემების (მაგ., საწოლის ბაღლინჯოების, ობის ან სხვა ალერგენებზე რეაქციის) შემთხვევაში, საჭიროებისამებრ, დაუკავშირდით გადაუდებელი დახმარების ადგილობრივ სამსახურებს. თუ დახმარება ჯავშანთან დაკავშირებით გჭირდებათ, მიმართეთ Airbnb‑ს — საკითხს ხელახლა დაჯავშნისა და თანხის დაბრუნების წესების მიხედვით გადავწყვეტთ.

დაგეხმარათ ეს სტატია?
მიიღეთ დახმარება ჯავშნებთან, ანგარიშთან და სხვა საკითხებთან დაკავშირებით.
შესვლა ან რეგისტრაცია