დახმარების ცენტრი – მთავარი გვერდი
ვარიანტების გასაცნობად დაიწყეთ საძიებო მოთხოვნის აკრეფა. ნავიგაციისთვის გამოიყენეთ კლავიშები ზემოთ ან ქვემოთ მიმართული ისრებით. ასარჩევად გამოიყენეთ კლავიში Enter. არჩეული ფრაზა საძიებო ველს დაემატება, ბმულის არჩევის შემთხვევაში კი ბრაუზერში შესაბამისი გვერდი გაიხსნება.
შესვლა ან რეგისტრაცია
გაერთიანების წესები
•
სტუმარი

რა შემთხვევაში ვრცელდება ჯავშანზე COVID-19-თან დაკავშირებული საპატიო მიზეზების დებულება?

შენიშვნა: 2022 წლის 31 მაისიდან საპატიო მიზეზების დებულება აღარ გავრცელდება კორონავირუსის პანდემიასთან დაკავშირებულ გარემოებებზე. 2022 წლის 31 მაისამდე გაფორმებული ჯავშნების შემთხვევაში კვლავ იქნება გათვალისწინებული კორონავირუსთან დაკავშირებული გარკვეული გარემოებები. განსხვავებული წესები ვრცელდება Airbnb Luxe ტიპის ჯავშნებსა და სამხრეთ კორეის რეზიდენტების მიერ გაფორმებულ ადგილობრივ ჯავშნებზე.

ამ სტატიაში დეტალურად არის განმარტებული შემთხვევები, რომლებიც გათვალისწინებულია COVID‑19‑თან დაკავშირებული საპატიო მიზეზების დებულებით.

ქვემოთ გთავაზობთ მოკლე შეჯამებას.

თუ ჯავშანი 2020 წლის 14 მარტის ჩათვლით გააფორმეთ, ის კრიტერიუმებს შეესაბამება, თუ:

  • დაბინავება/შეხვედრა დაგეგმილია დღეიდან 45 დღის განმავლობაში
  • და ის ჯერ არ გაგიუქმებიათ
  • და ჯერ არ დაბინავებულხართ/მონაწილეობა არ მიგიღიათ
  • და სტუმრობას ვერ ახერხებთ პანდემიის გამო

ამ შემთხვევაში ჯავშნის გაუქმება შეგიძლიათ დამოუკიდებლად, რა დროსაც გაუქმებისა და თანხის დაბრუნების სხვადასხვა ვარიანტი გექნებათ. დებულების შესაბამისად გასაუქმებლად უნდა დაადასტუროთ/დაასაბუთოთ, რომ სტუმრობას COVID-19-ის გამო ვერ ახერხებთ.

თუ ჯავშანი 2020 წლის 14 მარტიდან 2022 წლის 31 მაისამდე პერიოდში გააფორმეთ, ის კრიტერიუმებს შეესაბამება, თუ:

  • დაბინავება/შეხვედრა დაგეგმილია დღეიდან 14 დღის განმავლობაში
  • და ის ჯერ არ გაგიუქმებიათ
  • და ჯერ არ დაბინავებულხართ/მონაწილეობა არ მიგიღიათ
  • და თქვენ ან თქვენი თანამოგზაური ამჟამად ინფიცირებული ხართ COVID‑19‑ით

ყველა ზემოაღნიშნულ პირობასთან შესაბამისობის შემთხვევაში ჯავშნის გაუქმებას შეძლებთ გაერთიანების მხარდაჭერის გუნდთან დაკავშირების მეშვეობით. ჩვენ გთხოვთ, მოგვაწოდოთ დამადასტურებელი დოკუმენტაცია, როგორიცაა, მაგალითად, COVID‑19‑ზე დადებითი პასუხის მტკიცებულება (თუ ამის კანონიერი უფლება გვაქვს). ამასთან, თქვენი ანგარიშისთვის დროებით შეიზღუდება ახალი ჯავშნების გაფორმების შესაძლებლობა და გაგიუქმდებათ ყველა ჯავშანი, რომელიც ითვალისწინებს დაბინავებას/შეხვედრას მომდევნო 14 დღის განმავლობაში.

სხვა შემთხვევაში, დასაბრუნებელი თანხის ოდენობა განისაზღვრება მასპინძლის მიერ დადგენილი გაუქმების წესების შესაბამისად. თანხის ზუსტ ოდენობას გაუქმების დასრულებამდე შეიტყობთ. სხვა სიტყვებით რომ ვთქვათ, მასპინძლის/სტუმრის კუთვნილი თანხის ოდენობა გამოითვლება მასპინძლის მიერ დადგენილი გაუქმების იმ წესების მიხედვით, რომლებსაც დაჯავშნისას დაეთანხმეთ.

შენიშვნა: ჯავშნის გაუქმებისას Airbnb ხელმძღვანელობს მასპინძლის მიერ დადგენილი გაუქმების წესებით და მათ მიხედვით განსაზღვრავს მასპინძლის/სტუმრის კუთვნილი თანხის ოდენობას. აქედან გამომდინარე, საპატიო მიზეზების დებულების მოქმედების გამოცხადებამდე ან გახანგრძლივებამდე გაუქმებული ჯავშნები არ გადაიხედება.

თუ ჯავშანი 2022 წლის 31 მაისს ან მომდევნო პერიოდში გააფორმეთ, ის არ შეესაბამება კრიტერიუმებს,* თუმცა გთავაზობთ შემდეგ დამატებით ვარიანტებს:

თუ დროში შეზღუდული არ ხართ, მასპინძელთან შეთანხმებით ჯავშნის სხვა თარიღებზე გადატანა შეგიძლიათ.

ამას გარდა, შეგიძლიათ მიმართოთ მასპინძელს და შეუთანხმდეთ დასაბრუნებელი თანხის ოდენობაზე, რომელსაც, მასპინძლის თანხმობის შემთხვევაში, საკითხების გადაწყვეტის ცენტრის მეშვეობით მიიღებთ.

თუ ჯავშანი უკვე გააუქმეთ ან დაბინავდით/მიიღეთ მონაწილეობა, დახმარებისთვის დაუკავშირდით გაერთიანების მხარდაჭერის გუნდს.

განსხვავებული წესები ვრცელდება Airbnb Luxe ტიპის ჯავშნებსა და სამხრეთ კორეის რეზიდენტების მიერ გაფორმებულ ადგილობრივ ჯავშნებზე.

დაგეხმარათ ეს სტატია?

დაკავშირებული სტატიები

მიიღეთ დახმარება ჯავშნებთან, ანგარიშთან და სხვა საკითხებთან დაკავშირებით.
შესვლა ან რეგისტრაცია