კონტენტზე გადასვლა
    შემოთავაზებულ შედეგებზე წვდომისთვის გადადით წინ

    როგორ დავჯავშნო ონლაინ-შთაბეჭდილება?

    Airbnb-ს მეშვეობით ონლაინ-შთაბეჭდილებები ისევე იჯავშნება, როგორც ადამიანების ფიზიკური მონაწილეობით დაგეგმილი ღონისძიებები. ონლაინ-შთაბეჭდილებებისთვის გამოიყენება Zoom. Zoom არის ღრუბლოვანი ვიდეოსაკონფერენციო პლატფორმა, რომლის გამოყენებაც შესაძლებელია დესკტოპ-კომპიუტერებზე, პლანშეტებსა და მობილურ მოწყობილობებზე.

    ფასები

    ონლაინ-შთაბეჭდილების შემთხვევაში ნაგულისხმევად დაწესებულია ფასი ერთ ადამიანზე. ადგილი უნდა დაიჯავშნოს თითოეული მონაწილისთვის. თუკი მასპინძელი გადაწყვეტს, რომ ერთი მოწყობილობიდან რამდენიმე სტუმარს მისცეს მონაწილეობის უფლება, ამის შესახებ გაცნობებთ Airbnb შთაბეჭდილების გვერდზე, სექციებში „რას გააკეთებთ“ და „მონაწილეობის წესი“.

    ჯავშნის გაუქმება

    გაუქმება შეგიძლიათ დაწყების დრომდე არაუგვიანეს 7 დღით ადრე ან დაჯავშნიდან 24 საათის განმავლობაში. გაუქმების წესები იგივეა როგორც ონლაინ, ისე ადამიანების ფიზიკური მონაწილეობით შეთავაზებული Airbnb შთაბეჭდილებებისთვის.

    ჯავშნის შეცვლა

    ჯავშნის შეცვლა შეგიძლიათ შეხვედრამდე არაუგვიანეს 72 საათით ადრე. არსებული ჯავშნების შეცვლის წესები იგივეა როგორც ონლაინ, ისე ადამიანების ფიზიკური მონაწილეობით შეთავაზებული Airbnb შთაბეჭდილებებისთვის.

    ონლაინ-შთაბეჭდილებისთვის მომზადება

    ვიდეოჩართვისთვის მოსამზადებლად გაეცანით მონაწილეობის წესისა და სტუმრების მიმართ მოთხოვნების სექციებს Airbnb შთაბეჭდილების გვერდზე. აღნიშნულ ინფორმაციას ჯავშნის დამადასტურებელ ელწერილშიც მიიღებთ.

    შეხვედრის ფორმატი

    დამადასტურებელ ელწერილში მითითებული იქნება ბმული ონლაინ-შთაბეჭდილებაში ჩართვისთვის. შეხვედრის დაწყებამდე შეხსენებასაც მიიღებთ. ამას გარდა, ბმული მოცემული იქნება ინფორმაციაში ჯავშნის შესახებ, მოგზაურობების გვერდზე.

    Zoom-ის გამოყენების წესი

    დესკტოპ-კომპიუტერის მეშვეობით მონაწილეობის მისაღებად შეგიძლიათ ბრაუზერის გამოყენება ან Zoom აპის ჩამოტვირთვა. თუ iOS-ის ან Android-ის სისტემის ტელეფონს იყენებთ, დაგჭირდებათ Zoom-ის მობილური აპის ჩამოტვირთვა. Zoom ანგარიშის შექმნა არ მოგეთხოვებათ. გაეცანით სტატიას იმის შესახებ, თუ რა გაითვალისწინოთ Zoom-ის მეშვეობით ონლაინ-შთაბეჭდილებაში ჩართვამდე.

    არ გაუზიაროთ Zoom შეხვედრის ბმული სხვას, ვინც ჯავშანში არ არის მითითებული. ამასთანავე, მასპინძელს უფლება აქვს, არ დაუშვას სტუმარი, რომელიც Zoom-ის შეხვედრის ოთახის გვერდის ავლით დააპირებს ჩართვას.

    Zoom-თან დაკავშირებული პრობლემები

    შეამოწმეთ, რომ ონლაინ-შთაბეჭდილებისთვის სწორი ბმული გაქვთ. თუ ბმული არ მუშაობს, დახურეთ Zoom და ხელახლა ისარგებლეთ ბმულით. თუ პრობლემა არ მოგვარდება, მისწერეთ მასპინძელს და ჰკითხეთ, მასაც ხომ არ აქვს რაიმე პრობლემა Zoom-თან დაკავშირებით.

    თუ Zoom პაროლის შეყვანას გთხოვთ, მისწერეთ მასპინძელს Airbnb-ს მეშვეობით და სთხოვეთ პაროლი.

    დაბოლოს, თუ მასპინძელი უპრობლემოდ ახერხებს დაკავშირებას, ეწვიეთ Zoom-ის დახმარების ცენტრს.

    შეუსაბამო კონტენტი

    შეუსაბამო კონტენტის აღმოჩენის შემთხვევაში შეატყობინეთ მის შესახებ Airbnb გაერთიანების მხარდაჭერის გუნდს. მიუთითეთ შეძლებისდაგვარად მეტი ინფორმაცია, რომ Airbnb-მ სათანადოდ შეისწავლოს საკითხი.

    თანხის დაბრუნება

    ონლაინ-შთაბეჭდილებების შემთხვევაში თანხის სრულად დაბრუნება შესაძლებელია მასპინძლის ან მონაწილეების მოწყობილობებთან დაკავშირებული ტექნიკური პრობლემების (მაგ., აუდიო- თუ ვიდეოკავშირის გაუმართაობის) გამო. დეტალური ინფორმაციისთვის გაეცანით Airbnb შთაბეჭდილებების სტუმრებისთვის თანხის დაბრუნების წესების სრულ ვერსიას.

    დაკავშირებული სტატიები
    მიიღეთ სათანადო დახმარება?