საცხოვრებლის მინიმუმ 28 ღამით დაჯავშნას აქვს მრავალი უპირატესობა, მათ შორის, შემცირებული ფასი.
ერთ‑ ან რამდენიმეთვიან სტუმრობებზე გათვლილ საცხოვრებლებში დამატებითი კომფორტისთვის, ხშირ შემთხვევაში, შემდეგი საყოფაცხოვრებო პირობებია:
საცხოვრებლის ერთი ან რამდენიმე თვით ძიებისას, აღნიშნული საყოფაცხოვრებო პირობები გამოყოფილი იქნება როგორც ძიების შედეგებში, ისე განცხადების გვერდზე, სექციაში რა დაგხვდებათ.
გრძელვადიანი სტუმრობისას თავი უფრო შინაურულად რომ იგრძნოთ, ზოგიერთ მასპინძელს შეუძლია დაგახვედროთ სხვა ნივთებიც — მაგალითად, დამატებითი ბალიშები თუ საბნები, ქოლგა, ან, ვთქვათ, ტოსტერი და ბლენდერი სამზარეულოში. ამას გარდა, ზოგიერთი მათგანი უსასყიდლოდ სთავაზობს სტუმრებს დასუფთავებას სტუმრობის პერიოდში (უბრალოდ, ჰკითხეთ მასპინძელს, რამდენად შესაძლებელია ეს).
კონკრეტულ ან არაფიქსირებულ თარიღებში ძიებისას მაქსიმალურად მეტი თავისუფალი საცხოვრებელი რომ შეგხვდეთ, საშუალება გაქვთ, განავრცოთ საძიებო დიაპაზონი 14 დღემდე პერიოდით.
თუ ერთი ან რამდენიმე თვით სტუმრობას აპირებთ, მაგრამ სხვადასხვა საცხოვრებელი გირჩევნიათ, შეგიძლიათ, ისარგებლოთ სტუმრობის გაყოფის ფუნქციით, რომელიც საშუალებას გაძლევთ, გარკვეული დრო ერთ საცხოვრებელში გაატაროთ, ხოლო დარჩენილი დრო — მეორეში.
სტუმრობის გაყოფის ფუნქციის გამოყენების შემთხვევაში, თქვენთვის სასურველი პერიოდი გაიყოფა 2 დამოუკიდებელ სტუმრობად ერთმანეთის მიყოლებით, რითაც, თავის მხრივ, მეტი ვარიანტი გექნებათ იმისთვის, რომ ერთი გრძელვადიანი სტუმრობისთვის შეარჩიოთ სხვადასხვა საცხოვრებელი, უბანი, ზოგიერთ შემთხვევაში კი — დასახლებული პუნქტი.
გრძელვადიანი ჯავშნების გაფორმების კიდევ ერთი პლუსია თანხის დაზოგვის შესაძლებლობა (ეს კი ვის არ უყვარს?!). ზოგიერთი მასპინძელი სტუმრობის მსურველებს საგანგებოდ სთავაზობს ფასდაკლებას 28 ან მეტი ღამის ხანგრძლივობის ჯავშნებზე, რომელიც ძიებისას აისახება.