მომსახურებებისა და შთაბეჭდილებების უმეტესობის შემთხვევაში მოქმედებს გაუქმების 1‑დღიანი წესები. ეს ნიშნავს, რომ სტუმრებს ჯავშნის გაუქმება და თანხის სრულად დაბრუნება შეუძლიათ მომსახურების ან შთაბეჭდილების დაწყების დრომდე (მომსახურების ან შთაბეჭდილების ადგილობრივი დროით) არაუგვიანეს 24 საათით ადრე, ხოლო მასპინძელი ამ ჯავშნისთვის ანაზღაურებას არ მიიღებს.
გარკვეული მომსახურებებისა და შთაბეჭდილებების შემთხვევაში, მასპინძლებს შესაძლებლობა ექნებათ, აირჩიონ გაუქმების 3‑დღიანი წესები თავიანთი განცხადების შექმნისას ან მართვისას. ეს ნიშნავს, რომ სტუმრებს შეუძლიათ გააუქმონ ჯავშანი და სრულად დაიბრუნონ თანხა მომსახურების ან შთაბეჭდილების დაწყების დრომდე (მომსახურების ან შთაბეჭდილების ადგილობრივი დროით) არაუგვიანეს 72 საათით ადრე, ხოლო მასპინძელი ამ ჯავშნისთვის ანაზღაურებას არ მიიღებს. გაუქმების წესების ეს ვარიანტი ხელმისაწვდომია მხოლოდ გარკვეული მასპინძლებისთვის, მათი მომსახურების ან შთაბეჭდილების მახასიათებლების მიხედვით.
მასპინძლის მიერ დადგენილი გაუქმების წესების გაცნობა სტუმრებს შეუძლიათ მომსახურების ან შთაბეჭდილების დაჯავშნისას.
არსებობს გარკვეული გარემოებები, რომლებშიც სტუმარს, შესაძლოა, ჰქონდეს თანხის დაბრუნების უფლება, მიუხედავად მომსახურების ან შთაბეჭდილების გაუქმების წესებისა. მაგალითად, თუ საცხოვრებლის მდებარეობის რეგიონში მასშტაბური მოვლენის გამო სტუმრობის განხორციელება შეუძლებელია ან კანონით იკრძალება, გავრცელდება მნიშვნელოვანი გამართულობის შემწყვეტი მოვლენების დებულება და სტუმარს შეეძლება, გააუქმოს ჯავშანი და სრულად დაიბრუნოს თანხა. მასპინძელი არ მიიღებს ანაზღაურებას ამ ჯავშნისთვის, განურჩევლად საცხოვრებელში ან შთაბეჭდილებაში გაუქმების წესებისა.
განცხადებაში მითითებული გაუქმების წესები, შესაძლოა, ასევე, არ იმოქმედოს, თუ მასპინძელი პასუხისმგებელია ჩვენი მომსახურებებისა და შთაბეჭდილებების დაბრუნების წესებით გათვალისწინებულ პრობლემაზე.
თუ მასპინძელს ჯავშნისთვის ანაზღაურება გაეწია, ხოლო მისი გაუქმების წესები არ იმოქმედა, Airbnb‑ს შეუძლია, დაიბრუნოს მასპინძლის მიერ გადასახდელი ნებისმიერი თანხა, როგორც ეს გათვალისწინებულია ჩვენი საგადახდო მომსახურების პირობებით. კორექტირების ოდენობა ავტომატურად გამოიქვითება მომდევნო დაგეგმილი ანაზღაურებიდან.
გაუქმებასთან და თანხის დაბრუნებასთან დაკავშირებული ჩვენი საბოლოო გადაწყვეტილებები არ ახდენს გავლენას სხვა სახელშეკრულებო ან კანონით გათვალისწინებულ უფლებებზე, რომლებიც, შესაძლოა, გქონდეთ. ამას არ შეეხება სტუმრების ან მასპინძლების უფლება, მიმართონ სასამართლოს.
ზოგჯერ გაუქმების ახალ წესებს ვცდით. თუ ამ სტატიაში თქვენი გაუქმების წესების აღწერას ვერ იპოვით, გაეცანით შესაბამისი ჯავშნის დეტალებს.