არა. ყველა მასპინძელი ავტომატურადაა დაზღვეული, თუ Airbnb Travel, LLC-თი არ სარგებლობს.

Airbnb-ზე განცხადების გამოქვეყნების დროს თანხმდებით, რომ დაცული იქნებით მასპინძლების დაზღვევით, რომელიც ვრცელდება სტუმრობისას მომხდარ ინციდენტებზე, პოლისის პირობებით გათვალისწინებულ ფარგლებში.

თუ არ გსურთ დაზღვევით სარგებლობა, უნდა:

• მოგვწეროთ ელფოსტის მისამართიდან, რომელიც დაკავშირებულია მასპინძლობისთვის გამოყენებულ ანგარიშთან
• მოგვაწოდოთ თქვენი სრული სახელი და ტელეფონის ნომერი, რომელიც დაკავშირებულია მასპინძლობისთვის გამოყენებულ ანგარიშთან
• მიუთითოთ შეთავაზებული საცხოვრებლის ზუსტი სახელი

გაითვალისწინეთ, რომ აღნიშნული ელფოსტის მისამართი გამოიყენება მხოლოდ და მხოლოდ უარის თქმის მოთხოვნების დასამუშავებლად.

Airbnb მასპინძლებზე ზრუნვის 1 000 000$-იანი გარანტია განკუთვნილია იმ იშვიათი შემთხვევებისთვის, როცა გირაო საკუთრების დაცულობისთვის არ არის შეტანილი ან მასპინძლისთვის მიყენებულ ზიანზე ნაკლებია.

მასპინძლებზე ზრუნვის გარანტიის პირობით არ ანაზღაურდება ზიანი, რომელიც უკავშირდება ნაღდ ფულსა თუ ფასიან ქაღალდებს, საკოლექციო ნივთებს, ხელოვნების იშვიათ ნიმუშებს, საიუველირო ნაკეთობებს, შინაურ ცხოველებსა და პირად პასუხისმგებლობას. მასპინძლებს ვურჩევთ, საცხოვრებლის გაქირავებისას შეინახონ ან გაიტანონ ფასეული ნივთები. აღნიშნული პროგრამა არც დაკარგვისა თუ ბუნებრივი ცვეთის შემთხვევებზე ვრცელდება. ვრცლად.

მასპინძლებზე ზრუნვის გარანტია და მასპინძლების დაზღვევა ორი სხვადასხვა პროგრამაა, რომლებსაც Airbnb სთავაზობს მასპინძლებს მატერიალურ თუ ფიზიკურ ზიანთან დაკავშირებული ხარჯების დასაფარად.

მასპინძლებზე ზრუნვის გარანტია: მასპინძლებზე ზრუნვის გარანტია მიზნად ისახავს მასპინძლების დაცვას იმ იშვიათ შემთხვევებში, როცა სტუმრები საცხოვრებელს ან ნივთებს დაუზიანებენ. მასპინძლებზე ზრუნვის გარანტია არ არის სადაზღვევო პროგრამა და არ ანაცვლებს ბინათმესაკუთრეთა თუ დამქირავებელთა დაზღვევას.

მასპინძლების დაზღვევა: მასპინძლების დაზღვევა სადაზღვევო პროგრამაა, რომელიც მიზნად ისახავს მასპინძლების დაცვას, თუ მესამე პირებს ფიზიკური/მატერიალური ზიანი მიადგებათ. მასპინძლების დაზღვევის პროგრამა მასპინძლებისთვის ხელმისაწვდომია მაშინაც კი, თუ ისინი სხვა დაზღვევებით სარგებლობენ, თუმცა ძირითადი სადაზღვევო დაფარვის სახით მისი გამოყენება შესაძლებელია მხოლოდ Airbnb სტუმრობების დროს მომხდარი ინციდენტების შემთხვევაში. ვრცლად.

Airbnb მასპინძლების დაზღვევა არის მასპინძლებისა და, შესაბამის შემთხვევებში, საცხოვრებლების მფლობელების პასუხისმგებლობის ძირითადი სადაზღვევო პოლისი, რომელიც ექვემდებარება გარკვეულ პირობებს, შეზღუდვებსა და გამონაკლისებს.

აღნიშნული პოლისისა და ბინათმესაკუთრეთა თუ დამქირავებელთა არსებული დაზღვევის ურთიერთქმედების შესახებ დამატებითი ინფორმაციისთვის მიმართეთ თქვენს სადაზღვევო კომპანიას. ზოგიერთი სადაზღვევო პოლისი იცავს ბინათმესაკუთრეებსა და დამქირავებლებს სტუმრებისთვის მიყენებული ფიზიკური ზიანის თაობაზე სასამართლო დავების შემთხვევაში, ზოგიერთი — არა. მიუხედავად იმისა, რომ მასპინძლების დაზღვევა Airbnb სტუმრობისას მიყენებულ ზიანზე პასუხისმგებლობის დაზღვევას ითვალისწინებს, მაინც გირჩევთ, შეატყობინოთ მზღვეველს, რომ საცხოვრებელს აქირავებთ. ვრცლად.

შთაბეჭდილებების დაზღვევა არის Airbnb შთაბეჭდილებების მასპინძლების პასუხისმგებლობის ძირითადი სადაზღვევო პოლისი, რომლითაც იფარება შთაბეჭდილების შეთავაზებისას სტუმრისთვის ან მესამე პირისთვის მიყენებული ფიზიკური/მატერიალური ზიანი. თითოეული Airbnb შთაბეჭდილებისთვის გათვალისწინებული ანაზღაურების ლიმიტია 1 მილიონი აშშ დოლარი. დაზღვევა მოქმედებს შეთავაზებული შთაბეჭდილების ტიპის მიხედვით. ამას გარდა, სადაზღვევო პერიოდში სტუმრებისთვის ცალკე დაწესებულია აგრეგირებული ლიმიტი 1 მილიონი აშშ დოლარის ოდენობით. ვრცელდება გარკვეული პირობები, შეზღუდვები და გამონაკლისები. ვრცლად.

შეგიძლიათ მოითხოვოთ გირაო საკუთრების დაცულობისთვის. მასპინძლების დასაცავად, შესაძლოა, ის ჩვენც მოვითხოვოთ. აღნიშნული ეხება ჯავშნების მხოლოდ მცირე რაოდენობას.

მასპინძლის მიერ მოთხოვნილი გირაო საკუთრების დაცულობისთვის: ნებისმიერ დროს შეგიძლიათ მოითხოვოთ გირაო საკუთრების დაცულობისთვის, რომლის ოდენობასაც თავად განსაზღვრავთ. აქვე უნდა აღინიშნოს, რომ თქვენ მიერ მოთხოვნილ გირაოს სტუმრები დაჯავშნისას არ გადაიხდიან. თანხა ჩამოეჭრებათ მხოლოდ იმ შემთხვევაში, თუ გირაოს პრობლემების მოგვარების ცენტრის მეშვეობით მოითხოვთ.

Airbnb-ს მიერ მოთხოვნილი გირაო საკუთრების დაცულობისთვის: ჩვენი მიზანია, Airbnb მასპინძლებსა და სტუმრებს საუკეთესო მომსახურება შევთავაზოთ. სწორედ ამიტომ, ზოგჯერ, გირაო საკუთრების დაცულობისთვის, შესაძლოა, სტუმრებისგან მოვითხოვოთ იმ შემთხვევაშიც კი, თუ თავად არ მიგითითებიათ. აღნიშნული გადაწყვეტილების მიღებისას ვითვალისწინებთ ისეთ ფაქტორებს, როგორიცაა დაჯავშნის დრო და საცხოვრებლის მახასიათებლები. ვრცლად.