კონტენტზე გადასვლა
ნდობა და უსაფრთხოება

თქვენი უსაფრთხოება ჩვენი პრიორიტეტია

გარემოს შესაქმნელად, სადაც ყველას შინაურად იგრძნობს თავს, საჭიროა ნდობა, რაც თავის მხრივ, აგებულია მასპინძლისა და სტუმრის ურთიერთშესაბამის ქცევებზე. ჩვენ შევქმენით გაერთიანების სტანდარტები იმ ქცევისა და ღირებულებების გასამყარებლად, რომლებიც ჩვენს საერთაშორისო გაერთიანებას უდევს საფუძვლად.

ეს განახლებადი დოკუმენტია — ჩვენ მუდმივად ვცდილობთ, დავხვეწოთ ჩვენი მიდგომა და მაქსიმალურად დავაკმაყოფილოთ გაერთიანების საჭიროებები. ჩვენ განსაკუთრებით ვამახვილებთ ყურადღებას შემდეგ ხუთ სტანდარტზე— უსაფრთხოება, დაცულობა, სამართლიანობა, გულწრფელობა და საიმედოობა— მათი მეშვეობით უზრუნველვყოფთ უსაფრთხოებას და შინაურობის განცდას. ჩვენ თავდაუზოგავად ვზრუნავთ მათ შესრულებასა და დაცვაზე.

უსაფრთხოება

თქვენი Airbnb შთაბეჭდილება იწყება მაშინ, როცა თავგადასავლს მიენდობით. ეს მხოლოდ იმ შემთხვევაშია შესაძლებელი, როცა გაერთიანების მიმართ ნდობა და დაცულობის შეგრძნება გაქვთ. შესაბამისად, თქვენგან მოვითხოვთ, რომ არ დაემუქროთ ან არ შეუქმნათ საფრთხე სხვებს.

ზიანის მიყენება საკუთარი თავისთვის ან სხვებისთვის

გეკრძალებათ ფიზიკური ან სექსუალური ძალადობა, სექსუალური შეურაცხყოფა ან შევიწროება, ოჯახური ძალადობა, ძარცვა, ადამიანით ვაჭრობა, სხვა სახის ძალადობა ან ვინმეს იძულებით დაკავება. სახიფათო ორგანიზაციების, მათ შორის, ტერორისტული, ორგანიზებული დანაშაულის და მოძალადე რასისტული ჯგუფების წევრები ამ გაერთიანებაში არ დაიშვებიან. Airbnb ვალდებულია, ითანამშრომლოს სამართალდამცავ ორგანოებთან და მოახდინოს რეაგირება მათგან მომდინარე შესაბამის მოთხოვნებზე.

ჩვენ თვითმკვლელობას, თვითდაზიანებას, კვების ფუნქციის მოშლასა და ნარკომანიას განსაკუთრებით სერიოზულად ვეკიდებით — ვმუშაობთ, რომ ამ ადამიანებს გასაჭირში დავეხმაროთ.

მუქარა

თქვენი სიტყვებით ან ფიზიკური საქციელით სხვებს განზრახ ზიანს ნუ მიაყენებთ. ჩვენ აგრეთვე დიდი სერიოზულობით ვეკიდებით თვითდაზიანების საფრთხეს და თუ ეჭვი გვაქვს მის არსებობაზე, აუცილებლად ჩავერევით.

სახიფათო სიტუაციების შექმნა

თქვენს სახლში არ უნდა ინახებოდეს ხელმისაწვდომი იარაღი, საცხოვრებელი არ უნდა იყოს სარისკო დაავადებების მატარებელი, არ უნდა გყავდეთ საშიში ცხოველები; არ უნდა შექმნათ ისეთი პირობები, რომლებიც გაზრდის ხანძრის საშიშროებას, ან საგანგებო სიტუაციაში ხელს შეუშლის სახლიდან თავის დაღწევას.

უსაფრთხოება

Airbnb გაერთიანების წევრები აზიარებენ თავიანთ სახლებს, უბნების გზამკვლევებსა და შთაბეჭდილებებს. არ აქვს მნიშვნელობა, მასპინძელი ხართ, თუ სტუმარი, რომელსაც მასპინძელი ემსახურება — დარწმუნებული იყავით, რომ თავს დაცულად იგრძნობთ. გთხოვთ, პატივი სცეთ სხვის საკუთრებას, ინფორმაციასა და პირად ნივთებს.

ქურდობა, ვანდალიზმი, ან გამოძალვა

დაუშვებელია სხვისი საკუთრების მითვისება ან მესაკუთრის ნებართვის გარეშე საკუთრებით სარგებლობა, სხვისი გასაღების ან პირადობის დამადასტურებელი დოკუმენტების ასლები, სხვისი საკუთრების დაზიანება, საცხოვრებელში დარჩენა სტუმრობის ვადის დასრულების შემდეგ, მუქარა ცუდი შეფასების დატოვების სახით, რაიმე სხვა ჯარიმით ან ზიანის მიყენებით, კომპენსაციის ან რაიმე სხვა სარგებლის მიღების მიზნით.

სპამი, ფიშინგი ან თაღლითობა

ნუ განახორციელებთ ტრანსაქციებს Airbnb-ს გადახდის სისტემის გარეთ, ნუ განახორციელებთ ყალბ ჯავშნებს, ნუ გამოიყენებთ ყალბ საკრედიტო ბარათს, ნუ გაათეთრებთ ფულს; ნუ შეეცდებით მომხმარებლის მოზიდვას სხვა ვებსაიტზე, ნუ გაყიდით Airbnb-სთან არასოცირებულ პროდუქტებს; ნუ მიითვისებთ სხვებისთვის განკუთვნილ თანხებს; ბოროტად ნუ ისარგებლებთ მოსაწვევად გასაწევრიანებელი სისტემით ან გაერთიანების წევრების წინააღმდეგ ცრუ ბრალდებებს ნუ წამოაყენებთ.

სხვების კონფიდენციალურობის ან ინტელექტუალური საკუთრების უფლების შელახვა

თქვენ არ უნდა უთვალთვალოთ სხვა ადამიანებს. განცხადებაში კამერის არსებობა დაუშვებელია, გარდა იმ შემთხვევებისა, როცა მათ შესახებ წინასწარ იტყობინებიან და ახლა თვალსაჩინო ადგილასაა; კამერების დამონტაჟება არ შეიძლება პირად სივცრცეებში (მაგ., აბაზანებში ან საძინებლებში). სხვების ანგარიშებში ნებართვის გარეშე არ უნდა შეხვიდეთ, არ უნდა შელახოთ კონფიდენციალურობის და საავტორო, ან სავაჭრო ნიშნების გამოყენების უფლებები.

სამართლიანობა

Airbnb-ს გლობალური გაერთიანება ისეთივე მრავალფეროვანი, უნიკალური და სიცოცხლით სავსეა, როგორიც მსოფლიო ჩვენ გარშემო. სამართლიანობა არის ის, რაც გვაერთიანებს, რაც გვაძლევს ერთმანეთის ნდობის, გაერთიანებაში უპრობლემოდ ინტეგრირების შესაძლებლობას და ნამდვილად შინაურად გვაგრძნობინებს თავს.

დისკრიმინაციული ქცევა ან სიძულვილის ენა

ნებისმიერ ურთიერთობაში ყველას პატივისცემით უნდა მოეპყროთ. ასე რომ, საჭიროა, დაიცვათ ყველა მოქმედი კანონი და ყველას თანაბრად მოექცეთ, მიუხედავად მათი რასის, ეთნიკურობის, წარმომავლობის, რელიგიური კუთვნილების, სექსუალური ორიენტაციის, სქესის, გენდერის, გენდერული იდენტურობის, შეზღუდული შესაძლებლობის ან მძიმე დაავადებების გამო. ასევე, დაუშვებელია ამ საფუძვლებით სხვა ადამიანების შეურაცხყოფა.

სხვების დაშინება ან შევიწროება

ნუ გააზიარებთ პირად ინფორმაციას სხვების შესარცხვენად ან დასაშანტაჟებლად, ნუ მოექცევით ცუდად სხვებს, ნუ შეულახავთ ადამიანებს რეპუტაციას, ნუ დაარღვევთ ჩვენი მიმოხილვისა და შინაარსის სტანდარტებს.

საზოგადოებრივი წესრიგის დარღვევა

დაუშვებელია ხმაურისა და წესრიგის დაღვევა საერთო სივრცეებში, მეზობლების მიჩნევა სასტუმროს რეგისტრაციის პერსონალად, თქვენ გარშემო მყოფი ადამიანების შეწუხება და მეზობლის ან საზოგადოების შენიშვნების უპასუხოდ დატოვება.

გულწრფელობა

თქვენი Airbnb შთაბეჭდილება უნდა იყოს გასაოცარი თავგადასავლებითა და ლაღი წუთებით სავსე. რადგან ჩვენი გაერთიანება აგებულია ნდობაზე, გულწრფელობა ჩვენი მთავარი პრინციპია. ის უნდა ითვალისწინებდეს საზიარო მოლოდინის და გულახდილი ინტერაქციის პრინციპებს და მოიცავდეს ზუსტ დეტალებს.

საკუთარ თავზე არასწორი მონაცემების წარდგენა

არ უნდა წარმოადგინოთ ყალბი სახელი ან დაბადების თარიღი, გამოიყენოთ განცხადება კომერციული მიზნებისთვის მასპინძლის ნებართვის გარეშე, მოაწყოთ ღონისძიებები ან წვეულებები მასპინძლის თანხმობის გარეშე, გქონდეთ პარალელურად დუბლიკატი ანგარიშები ან შექმნათ ანგარიში, თუ ჯერ არ ხართ 18 წლის.

საცხოვრებლების არასწორად აღწერა

ნუ წარადგენთ არასწორ ინფორმაციას მდებარეობის შესახებ, არასწორ თავისუფალ თარიღებს, შეცდომაში ნუ შეიყვანთ სხვებს თქვენი განცხადების ტიპის, ხასიათისა და დეტალების შესახებ. ნუ ჩაანაცვლებთ განცხადებას სხვა რომელიმე განცხადებით, ნუ გამოაქვეყნებთ ყალბ ან თაღლითურ განცხადებებს, ნუ დატოვებთ თაღლითურ მიმოხილვებს ან ნუ დააყენებთ დამაბნეველ ფასებს; ნუ დამალავთ მოსალოდნელ ან საყოფაცხოვრებ პრობლემებს.

შთაბეჭდილებები, რომლებიც უფრო მეტია, ვიდრე ტრანსაქციები

Airbnb შეიქმნა იმისთვის, რომ ადამიანებმა თავიანთი სახლის გაზიარება შეძლონ. Airbnb-ზე სახლის გაზიარების მასშტაბები გაიზარდა და მთელი მსოფლიო მოიცვა, მაგრამ ჩვენი მიზანია, თითოეული განცხადება არ მხოლოდ საქმიან გარიგებას არ ითვალისწინებდეს და სტუმრებმა თავი კომფორტულად იგრძნონ.

საიმედოობა

ყოველი Airbnb შთაბეჭდილება უნიკალურია, თითოეული სახლი, უბანი და მასპინძელი განსაკუთრებული თავისებურებით გამოირჩევა. ჩვენ ერთმანეთის საიმედოობის განცდა უნდ გვქონდეს, რადგან ჩვენი გაერთიანება ამ დეტალების შესრულების ვალდებულებას იღებს, რაც შეიძლება გულისხმობდეს დროულ კომუნიკაციას, სახლის მდგომარეობას, ან ჩვენ მიერ დაწესებული მოლოდინის შესრულებას.

საცხოვრებლად გამოუსადეგარი ადგილების შეთავაზება

თქვენი საცხოვრებელის სისუფთავის დონე არ უნდა იყოს მოთხოვნილ სტანდარტზე დაბალი, არ უნდა გქონდეთ წყალმომარაგებისა და ელექტროენერგიის პრობლემები. ნუ გამოაქვეყნებთ განცხადებას ისეთ სივრცეზე, რომელიც საძინებლის კატეგორიას არ შეესაბამება (მაგ., კემპინგის აღჭურვილობა), ან გადასაადგილებელ საშუალებას, რომელიც სტუმრობის განმავლობაში მოძრავ მდგომარეობაში იქნება (მაგ., კატერი); ნუ შეუზღუდავთ სტუმრებს სპეციალურ სველ წერტილებთან წვდომას (მაგ., ნუ მოუწოდებთ მათ, რომ საზოგადოებრივი საპირფარეშოებით ისარგებლონ).

ვალდებულებების დარღვევა

საპატიო მიზეზების არარსებობის შემთხვევაში არ უნდა გააუქმოთ გაუქმების შესაბამის წესებში მითითებული ვადის გასვლის შემდეგ. ასევე, არ უნდა დააგვიანოთ შესვლა ან თანხის გადახდა და არ უნდა დაარღვიოთ მასპინძლის სახლის წესები.

არაოპერატიულობა

არ უნდა გქონდეთ მუდმივად და ყველაფერში დაბალი შეფასება, არ უნდა გამოამჟღავნოთ უპასუხისმგებლობა დაჯავშნისას ან სტუმრობისას, თქვენთან, როგორც მასპინძელთან დაკავშირება არ უნდა იყოს რთული, აგრეთვე, უარი არ უნდა თქვათ პრობლემის მოგვარების პროცესში მონაწილეობის მიღებაზე.