კორონავირუსმა (COVID-19) წელს სერიოზული ზიანი მიაყენა მოგზაურობის ინდუსტრიასა და მასპინძლებს მთელ მსოფლიოში. ჩვენი გაერთიანების წევრების მხარდასაჭერად Airbnb-ს თანამშრომლებმა შეაგროვეს 1 მილიონი აშშ დოლარი და გადარიცხეს ფონდში, რომელიც ფინანსური კრიზისით დაზარალებული მასპინძლების დასახმარებლად შეიქმნა. ამასთანავე, Airbnb-ს დამფუძნებლებმა 9 მილიონი, ხოლო ინვესტორებმა 7 მილიონი აშშ დოლარი გამოყვეს. ჯამში ფონდის კაპიტალმა 17 მილიონი აშშ დოლარი შეადგინა.
„სოციალური მუშაკი ვარ. კომუნალური გადასახადების და ბავშვის სწავლის საფასურის დასაფარად ხელფასი არ მყოფნის. არც ისე დიდი ხნის წინ ბავშვის მამას კიბო დაუდგინდა და, სამწუხაროდ, გარდაიცვალა. Airbnb-დან მიღებული შემოსავალი მისი მკურნალობის ხარჯების დაფარვაში მეხმარებოდა, ახლა კი დედამისს ვუვლი. ერთადერთი სანუგეშო ის იყო, რომ Airbnb-ს მეშვეობით ახალ ადამიანებს ვხვდებოდი და კარგ მეგობრებს ვიჩენდი. ფულადი დახმარების მიღება რაღაც იმედის ნაპერწკალს მიჩენს ამ ძალიან რთულ პერიოდში“.
„COVID-19 საგრძნობლად აისახა ჩვენს ფინანსურ მდგომარეობაზე. სამსახურებიდან გაგვათავისუფლეს და ძლივს ვირჩენთ თავს, თან შუა კრიზისის დროს პატარაც შემოგვემატა. ფულადი დახმარებით კომუნალურებს დავფარავთ და ბავშვს ვარჩენთ“.
„მე პენსიაზე ვარ, მეუღლე კი უმუშევარია. COVID-19-ის პირობებში ონკოლოგიური ოპერაცია დამჭირდა, რომელიც მნიშვნელოვან, გაუთვალისწინებელ ხარჯებთან იყო დაკავშირებული. Airbnb-ს მეშვეობით მასპინძლობა იპოთეკური სესხისა და სხვა ხარჯების დაფარვაში მეხმარებოდა, თუმცა კორონავირუსი ჯავშნების რაოდენობაზე აისახა. ფულადი დახმარება, ფაქტობრივად, გადარჩენის ტოლფასია ამ რთულ პერიოდში“.