შემოთავაზებულ შედეგებზე წვდომისთვის გადადით წინ
    ეს კონტენტი თქვენ მიერ არჩეულ ენაზე მიუწვდომელია, ამიტომაც ამჟამად იმ ენაზე გთავაზობთ, რომელიც მასთან ყველაზე ახლოსაა.

    გამოხმაურებისა და დათანხმების სიხშირეების შესახებ

    შეიტყვეთ, რა პრინციპით მუშაობს ეს სიხშირეები, რატომ არის ისინი მნიშვნელოვანი და როგორ გააუმჯობესოთ თქვენი მაჩვენებლები.
    ავტორი: Airbnb (20 ივლ, 2018)
    4-წუთიანი საკითხავი
    განახლების თარიღი: 21 აპრ, 2021

    ბევრი თქვენგანისთვის მასპინძლობა მნიშვნელოვანია, მაგრამ ამას გარდა, გაქვთ სამუშაო, პირადი ცხოვრება, გყავთ ოჯახი… როცა დატვირთული დღე გაქვს, არ არის მარტივი, დროულად გამოეხმაურო დაინტერესებებს სტუმრების მხრიდან და არც დაჯავშნის მოთხოვნებზე დათანხმებისა თუ მათი უარყოფის პროცენტული მაჩვენებლების გაკონტროლებაა მთავარი პრიორიტეტი. ხშირად გვეკითხებიან, რას გულისხმობს ეს მაჩვენებლები, რატომ არის ისინი მნიშვნელოვანი და როგორ შეიძლება მათი გაუმჯობესება. პასუხებისთვის უშუალოდ ამ ხელსაწყოების შემქმნელებს მივმართეთ. აი, რას გვიყვებიან ისინი:

    რა განსხვავებაა გამოხმაურებისა და დათანხმების სიხშირეებს შორის?

    • გამოხმაურების სიხშირის მაჩვენებელი განსაზღვრავს, რამდენად რეგულარულად პასუხობთ დაჯავშნით დაინტერესებებსა და დაჯავშნის მოთხოვნებს 24 საათის განმავლობაში. ბოლო 365 დღის მაჩვენებლის გასაცნობად დაწკაპუნებით აირჩიეთ ჯერ „ეფექტურობის“ ჩანართი, შემდეგ — „ძირითადი მოთხოვნები“.
    • დათანხმების სიხშირის მაჩვენებელი განსაზღვრავს, რა სიხშირით ეთანხმებით ან უარყოფთ დაჯავშნის მოთხოვნებს. დათანხმების სიხშირის მაჩვენებელი არ ითვალისწინებს დაჯავშნით დაინტერესებებს. ბოლო 365 დღის მაჩვენებლის გასაცნობად დაწკაპუნებით აირჩიეთ ჯერ „ეფექტურობის“ ჩანართი, შემდეგ — „ძირითადი მოთხოვნები“.

    გამოხმაურების სიხშირე მხოლოდ პირველი შეტყობინების/დაინტერესების მიხედვით განისაზღვრება თუ შემდგომი მიმოწერაც ითვლება?
    ჩვენ ვითვალისწინებთ სტუმრის მხოლოდ პირველ შეტყობინებასა თუ დაჯავშნით დაინტერესებაზე პასუხს 24 საათის განმავლობაში — შემდგომი მიმოწერა გამოხმაურების სიხშირეზე არ აისახება.

    თუ დაჯავშნის მოთხოვნის დაკმაყოფილების, წინასწარ დადასტურების ან უარყოფის ნაცვლად მხოლოდ შეკითხვას ვუპასუხებ, როგორ აისახება ეს დათანხმების სიხშირეზე?
    თუ სტუმარი დაჯავშნას მოითხოვს, თქვენ კი მხოლოდ შეკითხვაზე უპასუხებთ (მოთხოვნის მოქმედების ვადის ამოწურვამდე მისი დაკმაყოფილების ან უარყოფის გარეშე), ეს მოთხოვნის უარყოფად ჩაითვლება.

    განვიხილოთ დეტალურად: აუცილებელია იმის გაცნობიერება, რომ დაჯავშნით დაინტერესებასა და დაჯავშნის მოთხოვნას შორის დიდი სხვაობაა. დაინტერესება არის უბრალო შეტყობინება, რომელშიც სტუმარი, შესაძლოა, გთხოვდეთ საყოფაცხოვრებო პირობებთან, თარიღებსა თუ სახლის წესებთან დაკავშირებული საკითხების დაზუსტებას. მაგალითად, როცა სტუმარს საცხოვრებლის დაჯავშნა სურს და გეკითხებათ, შეუძლია თუ არა ძაღლის წამოყვანა, ეს დაჯავშნის მოთხოვნა კი არა, დაინტერესებაა. მას შეგიძლიათ ჩვეულებრივად გასცეთ პასუხი, წინასწარი დაუდასტუროთ სტუმარს ჯავშანი ან უარყოთ. უარის თქმით სტუმარს შეატყობინებთ, რომ საცხოვრებელი მისთვის შეუფერებელია და სხვა ვარიანტი უნდა მოძებნოს. აღნიშნული ქმედებები უშუალოდ არ აისახება დათანხმების სიხშირის მაჩვენებელზე. თუ სტუმარს წინასწარ დასტურს გაუგზავნით, ის კი საცხოვრებელს დაჯავშნის, ეს დათანხმებად ჩაითვლება. თუ წინასწარი დასტურის მიუხედავად სტუმარი არ დაჯავშნის საცხოვრებელს, ეს არ აისახება დათანხმების სიხშირის მაჩვენებელზე. არც დაჯავშნით დაინტერესების უარყოფა იმოქმედებს მასზე.

    დაჯავშნის მოთხოვნა იმას ნიშნავს, რომ სტუმარი ოფიციალურად ითხოვს საცხოვრებლის დაჯავშნას და თქვენი მხრიდან მოთხოვნის დაკმაყოფილებას ან უარყოფას ელოდება. დათანხმების სიხშირესთან მიმართებაში მხოლოდ დაჯავშნის მოთხოვნის საბოლოო შედეგს ვითვალისწინებთ — ამ შემთხვევაში მხოლოდ სამი არჩევანი გაქვთ: დაეთანხმოთ, უარყოთ ან დაელოდოთ, სანამ მოთხოვნას მოქმედების ვადა ამოეწურება. თუ დაჯავშნის მოთხოვნას მოქმედების ვადა ამოეწურება, ეს მოთხოვნის უარყოფად ჩაითვლება (იმ შემთხვევაშიც კი, თუ შეკითხვებს პასუხობთ, მაგრამ 24 საათის განმავლობაში არც ეთანხმებით და არც უარყოფთ მოთხოვნას).

    როგორ აისახება ეს მაჩვენებლები ჩემზე, როგორც მასპინძელზე?
    შესანიშნავი შეკითხვაა. ფორმალური თვალსაზრისით, გამოხმაურების დაბალი სიხშირის გამო შეიძლება ვერ მიიღოთ სუპერმასპინძლის სტატუსი, ხოლო დათანხმების სიხშირე აისახება Airbnb Plus პროგრამაში მონაწილეობის უფლებაზე. დაბალი მაჩვენებლების მქონე მასპინძლებს, შესაძლოა, დაეკისროთ გარკვეული ჯარიმები, განცხადებების მოქმედების დროებით შეჩერების ჩათვლით. ამის მიუხედავად, დაჯავშნის მოთხოვნაზე პასუხის არგაცემის ან მისი უარყოფის ერთჯერად შემთხვევებს, დიდი ალბათობით, არ მოჰყვება რეაგირება. ჩვენ უფრო ის შემთხვევები გვაღელვებს, როცა ამგვარი ტენდენცია ნორმად იქცევა.

    როგორ შევინარჩუნოთ გამოხმაურების და დათანხმების სიხშირის მაღალი მაჩვენებლები?
    მასპინძლები თავიანთი სფეროს ექსპერტები არიან, ამიტომ თქვენსავე იდეებსაც გავაზიარებთ. გამოხმაურების სიხშირის შესანარჩუნებლად გირჩევთ, გამოიყენოთ Airbnb აპი, რომ ნებისმიერი წერტილიდან უპასუხოთ შეტყობინებებს. თუ წინასწარ იცით, რომ გარკვეული დროის განმავლობაში პასუხის გაცემას ვერ მოახერხებთ, შეგიძლიათ დროებით მოხსნათ განცხადება და მშვიდად წახვიდეთ შვებულებაში, დაესწროთ სამუშაო კონფერენციას ან, უბრალოდ, ცოტა ხნით დაისვენოთ — შეტყობინებებზე პასუხი არ გექნებათ გასაცემი.

    თუ გსურთ, განცხადება დროებით მოხსნათ და ის ძიების შედეგებში გარკვეული დროის განმავლობაში აღარ მოხვდეს:

    1. გადადით თქვენს განცხადებებზე და აირჩიეთ შესაბამისი განცხადება
    2. დაწკაპუნებით აირჩიეთ განცხადების დეტალები
    3. განცხადების სტატუსის გვერდით დაწკაპუნებით აირჩიეთ რედაქტირება
    4. განცხადების სტატუსის სექციაში აირჩიეთ დროებით მოხსნილი ჩამოსაშლელი მენიუდან
    5. მიუთითეთ დაწყებისა და დასრულების თარიღები, შემდეგ კი დაწკაპუნებით აირჩიეთ შენახვა

    განცხადების მოქმედება ავტომატურად აღდგება თქვენ მიერ განსაზღვრული პერიოდის დასრულების შემდეგ. ამის შესახებ ერთი დღით ადრე ელფოსტით შეგახსენებთ.

    გთავაზობთ რამდენიმე რჩევას გამოხმაურების სიხშირის მაღალი მაჩვენებლის შესანარჩუნებლად, რომლებიც მასპინძლებმა გაერთიანების ცენტრში გააზიარეს:

    • ყოველდღიურად გამოყავით დრო, რომ დაჯავშნის მოთხოვნებს და დაჯავშნით დაინტერესებებს უპასუხოთ.
    • სთხოვეთ თანამასპინძელს ან მეგობარს, რომ სტუმრებს თქვენ მაგივრად უპასუხოს, თუ ვერ იცლით და არ გსურთ, განცხადება დროებით მოხსნათ.
    • წინასწარ მოამზადეთ პასუხები ხშირად დასმულ შეკითხვებზე და დაზოგეთ დრო — იპოვეთ „შენახული შეტყობინების გამოყენების“ ფუნქცია სტუმართან აქტიურ მიმოწერაში. მისი მეშვეობით შეგიძლიათ წინასწარი პასუხების მომზადება.
    • თუ ვერ იცლით და საცხოვრებელზე მოთხოვნის ზრდას ვერ უმკლავდებით, დაიქირავეთ ვირტუალური ასისტენტი.

    დათანხმების სიხშირის მაღალი მაჩვენებლის შესანარჩუნებლად კალენდრისა და დაჯავშნის პარამეტრები ყოველთვის ზუსტი და განახლებული უნდა გქონდეთ. მაგალითად, თუ სტუმრების დაბინავებას ჯავშნის ფორმების დღესვე ვერ ახერხებთ, განაახლეთ განცხადების პარამეტრები ჯავშნებს შორის მოსამზადებლად საჭირო დროის გათვალისწინებით. მასპინძლები, ასევე, გვირჩევენ, ხშირად განვაახლოთ სახლის წესები, რომ დაჯავშნის მოთხოვნამდე სტუმრებს წარმოდგენა შეექმნათ, რა არის დაშვებული და რა — არა. თუ მკაფიოდ მიუთითებთ, რას ელით სტუმრებისგან, დაჯავშნის არასასურველ მოთხოვნებს, სავარაუდოდ, აღარ მიიღებთ.

    შეუძლია თუ არა მასპინძელს, თავი აარიდოს ჯარიმებს Airbnb‑სგან, თუ უარყოფს დაჯავშნის საეჭვო ან უკანონო მოთხოვნას?
    გვესმის, რომ ზოგჯერ დაჯავშნის მოთხოვნებში აშკარად იკვეთება თქვენი სახლის წესების დარღვევის რისკი ან რაიმეს რეკლამირების მცდელობა, რის გამოც, შესაძლოა, რთულ მდგომარეობაში აღმოჩნდეთ, რადგან დათანხმების სიხშირე გაღელვებთ, მაგრამ სხვა გამოსავალიც არ გაქვთ. საკითხის მოსაგვარებლად უნდა შეგეძლოთ მსგავსი შემთხვევების შესახებ ჩვენთვის შეტყობინება. ამ ეტაპზე ასეთ ფუნქციას ვერ გთავაზობთ, თუმცა ვაცნობიერებთ, რომ ეს დიდი პრობლემაა და მისი აღმოფხვრის გზებზე ვმუშაობთ.

    თქვენ თავად უნდა წყვეტდეთ, ვის უმასპინძლოთ და ვისთან იგრძნობთ თავს მშვიდად. რა თქმა უნდა, დაჯავშნის მხოლოდ კანონიერ მოთხოვნებზე პასუხისმგებლობა გსურთ და უკვე ვმუშაობთ ამ მიმართულებით.

    ყველაფერი მშრალი ციფრებით არ შემოიფარგლება
    გამოხმაურებისა და დათანხმების სიხშირეებზე ზრუნვა, რა თქმა უნდა, მნიშვნელოვანია, თუმცა ეს მაჩვენებლები რეალურად სტუმრების მიმართ ყურადღებას და გულისხმიერებას გამოხატავს. სტუმრებზე მრავალი ფაქტორი მოქმედებს, ამიტომ მასპინძლების გაერთიანება სამართლიანად ამაყობს გულითადი მასპინძლობით და საცხოვრებლებში შინაურული გარემოს შექმნით. არ დაგავიწყდეთ, დროულად უპასუხოთ სტუმრების შეტყობინებებს, შეუქმენით კომფორტული საცხოვრებელი პირობები და გაამართლეთ მათი მოლოდინი. ამასთანავე, იცოდეთ, რომ ციფრები მხოლოდ ნაწილობრივ გამოხატავს თქვენი მასპინძლობის უნარს.

    სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.

    Airbnb
    20 ივლ, 2018
    სასარგებლო იყო?

    გაეცანით სხვა თემებს