Airbnb‑ს მეშვეობით პირველი სტუმრების მასპინძლობა

პირველი სტუმრების მასპინძლობას ხშირად ღელვა ახლავს, მაგრამ გქონდეთ ჩვენი იმედი — ჩვენ ყოველ ეტაპზე დაგეხმარებით. გსურთ, დაუვიწყარი მასპინძლობა გაუწიოთ სტუმრებს? გაეცანით ქვემოთ მოცემულ 5 პუნქტს.

მასპინძლობა სტუმრების დაბინავებამდე იწყება. შეტყობინებებზე ოპერატიული პასუხით სტუმრები იგრძნობენ, რომ ზრუნავთ მათზე.

დაბინავებამდე მიმოწერით სტუმრებს გარკვეულ მოლოდინსაც უქმნით. გიზიარებთ რამდენიმე სასარგებლო რჩევას ამ კუთხით:

• იყავით გულწრფელი. სტუმრებს, შესაძლოა, ყურადღება არ მიექციათ მნიშვნელოვანი ინფორმაციისთვის, რომელიც საცხოვრებლის აღწერილობაში გაქვთ მითითებული. კარგი იქნება, შეახსენოთ სტუმრებს, რომ მათ, მაგალითად, მოუწევთ სივრცის გაზიარება თქვენთან, თქვენი ოჯახის წევრებთან, თქვენს შინაურ ცხოველებთან ან სხვა სტუმრებთან.
• გამოიჩინეთ გულისხმიერება. გადადგით ნაბიჯიინკლუზიურობისკენ და, უბრალოდ, ჰკითხეთ სტუმრებს, რა სჭირდებათ იმისთვის, რომ სტუმრობისას თავი კომფორტულად და შინაურულად იგრძნონ.
• ოპერატიულად გაეცით პასუხები. დაუკავშირდით სტუმრებს Airbnb‑ს მიმოწერის ხელსაწყოს ან აპის მეშვეობით, სადაც არ უნდა იმყოფებოდეთ.
• დაფიქრდით წინასწარ. თუ რამდენიმე სტუმრისთვის ერთი და იმავე ინფორმაციის გაგზავნა გიწევთ, დაზოგეთ დრო შეტყობინებების მიმოცვლის ხელსაწყოების გამოყენებით.

სტუმრებს დაბინავების პროცესი რომ გაუმარტივოთ, მათ მიერ ხშირად დასმულ შეკითხვებს შეგიძლიათ წინასწარ უპასუხოთ „განცხადებების“ ჩანართის სექციაში „ინფორმაცია სტუმრებისთვის“. ამისთვის შეავსეთ ყველა ველი, მათ შორის, საცხოვრებლამდე მისასვლელი გზა, დაბინავების ინსტრუქცია და Wi‑Fi ქსელის მონაცემები. ამ ინფორმაციის გაცნობას სტუმრები დაბინავებამდე 48 საათით ადრე „სტუმრობების“ ჩანართიდან შეძლებენ.

სტუმრების (განსაკუთრებით კი, ისტორიულად მარგინალიზებული ჯგუფების წარმომადგენლების) თქმით, ისინი დამოუკიდებლად დაბინავებას ამჯობინებენ. თუმცა, თუ ახლომახლო ხართ ხოლმე, შეგიძლიათ ჰკითხოთ სტუმრებს, ხომ არ ურჩევნიათ, რომ პირადად დახვდეთ.

ინკლუზიური მასპინძლობის გზამკვლევის გაცნობა

სტუმრები, რომლებიც საცხოვრებელს Airbnb‑ს მეშვეობით ჯავშნიან, იდეალურ სისუფთავეს მოელიან. ისინი უკმაყოფილო დარჩებიან, თუ საძინებელში მტვრის გროვა ან სამზარეულოში საჭმლის ნამცეცები დახვდებათ.

ძალიან არასასიამოვნოა საცხოვრებელში სხვისი თმების პოვნაც, ამიტომ ადგილები, სადაც თმა ხშირად გროვდება (მაგალითად, თეთრეულზე, პირსახოცებზე, იატაკზე და სააბაზანოში) განსაკუთრებით სუფთა უნდა იყოს. გაითვალისწინეთ ისიც, რომ ნივთების სიმრავლე მოუწესრიგებლობის შთაბეჭდილებას ტოვებს, ამიტომაც შეინახეთ ისინი კარადაში ან მოფარებულ ადგილას.

ყველა სტუმარს განსხვავებული საჭიროებები აქვს, მაგრამ ზოგიერთი ნივთი ყოველთვის უნდა იყოს საცხოვრებელში. გირჩევთ:

• სტუმრებისთვის მოიმარაგოთ პირველადი საჭიროების ნივთები (პირსახოცების, თეთრეულის, საპნისა და ტუალეტის ქაღალდის ჩათვლით)
• სტუმრის ცნობარში მიუთითოთ განახლებული ინფორმაცია იმ სივრცეების შესახებ, რომლებზეც წვდომა შეზღუდულია, ასევე, დაურთოთ მას ტექნიკის გამოყენების ინსტრუქცია, Wi‑Fi ქსელის მონაცემები და სხვა მნიშვნელოვანი ცნობები
• შექმნათ გზამკვლევი, რომელშიც აღნიშნავთ თქვენს რჩეულ რესტორნებს, სასურსათო მაღაზიებს, კაფეებსა და სხვა ობიექტებს
• იყოთ კონტაქტზე SMS‑ის, ტელეფონის ან ელფოსტის მეშვეობით, იმ შემთხვევისთვის, თუ რაიმე პრობლემა წარმოიქმნება
• ახლოს იქონიოთ სხვადასხვა საკონტაქტო პირის ტელეფონის ნომრები, მაგალითად, სანტექნიკოსის, შემკეთებლის, ინტერნეტპროვაიდერისა და საკაბელო ტელევიზიის კომპანიის წარმომადგენლის, ასევე, მეზობლის, რომელთანაც მარტივი იქნება დაკავშირება

საცხოვრებლიდან გასვლის შემდეგ სტუმრებს მიმოხილვის დატოვების საშუალება ექნებათ. პირველ მიმოხილვებს გადამწყვეტი მნიშვნელობა აქვს Airbnb‑ზე თქვენი წარმატებისთვის. სამი მიმოხილვის მიღების შემდეგ თქვენს განცხადებას დაერთვება ვარსკვლავებით დაფიქსირებული საშუალო შეფასება, რომელიც, შესაძლოა, აისახოს განცხადების პოზიციაზე ძიების შედეგებში.