ანაზღაურების მიღების წესი

სტუმრობისთვის კუთვნილი ანაზღაურების ოდენობა გამოითვლება თქვენ მიერ ერთ ღამეზე დაწესებული ფასის მიხედვით, რომელსაც ემატება თქვენ მიერვე განსაზღვრული არასავალდებულო გადასახადები (მაგ., დასუფთავების გადასახადი) და აკლდება მასპინძლებისთვის დაკისრებული მომსახურების გადასახადი.

ანაზღაურების გაცემის დრო დამოკიდებულია ჯავშნის ტიპზე, საცხოვრებელში სტუმრობის ხანგრძლივობაზე, შესაბამის გრაფიკსა და სხვა ფაქტორებზე.

რამდენიმეთვიანი ჯავშნების შემთხვევაში თანხის აკრეფა და გაცემა ხდება ყოველთვიურად.

Airbnb უფლებამოსილია, დააკავოს გადასახადები, თუ არ მიგითითებიათ ინფორმაცია გადასახადის გადამხდელის შესახებ. შეიტყვეთ, კიდევ რა შემთხვევაში შეიძლება დაგიკავდეთ თანხა ანაზღაურებიდან.

თუ სტუმარი გააუქმებს ჯავშანს დაბინავებამდე ან მის შემდეგ, მას ავტომატურად დაუბრუნდება თანხა მასპინძლის მიერ დადგენილი გაუქმების წესების შესაბამისად, თუმცა არსებობს გარკვეული გამონაკლისები.

მასპინძლის მხრიდან ჯავშნის გაუქმების შემთხვევაში მას თანხა არ ერგება და, შესაძლოა, დაეკისროს გაუქმების გადასახადი ან სხვა სახის სანქციები.

პირველ რიგში, დააყენეთ ანაზღაურების მიღების სასურველი მეთოდი თქვენი Airbnb პროფილიდან. Airbnb თქვენს კუთვნილ ანაზღაურებას შთაბეჭდილების შეთავაზებიდან მეორე დღეს გასცემს.

მომსახურების გადასახადი გვეხმარება ჩვენ მიერ შემოთავაზებულ პროდუქტებთან, მომსახურებებთან და მხარდაჭერასთან დაკავშირებული ხარჯების დაფარვაში.