საცხოვრებლის შესახებ განცხადების მოხსნა ან წაშლა

თუ გსურთ, აღარ მიიღოთ ახალი ჯავშნები და თქვენი განცხადება ძიების შედეგებიდან წაიშალოს, რამდენიმე ვარიანტი გაქვთ. აირჩიეთ თქვენთვის შესაფერისი ვარიანტი განცხადების მართვისთვის:

• მოხსენა განსაზღვრული ვადით (6 თვემდე).
• მოხსნა განუსაზღვრელი ვადით. შემდეგ კი ხელახლა განათავსეთ ის, როცა მზად იქნებით.
• თუ საცხოვრებელს აღარ შესთავაზებთ, სამუდამოდ წაშალეთ ის (ამ შემთხვევაშიც, ყველა დადასტურებული ჯავშანი უნდა შესრულდეს).

თუ განცხადებას მოახსნით, დადასტურებული ჯავშნების მქონე სტუმრებს მაინც უნდა უმასპინძლოთ.

კონკრეტულ თარიღებში მოხსნა

სურვილისამებრ, შეგიძლიათ წინასწარ განსაზღვროთ, რომელ თარიღებში იყოს მოხსნილი თქვენი განცხადება, რომ ის ამ პერიოდში არ მოხვდეს ძიების შედეგებში.

განცხადების მოხსნა, სანამ კვლავ იქნებით მზად მასპინძლობისთვის

ძიების შედეგებიდან განცხადების მოხსნა შეგიძლიათ განუსაზღვრელი ვადით. განცხადების ხელახლა განთავსების საშუალება ნებისმიერ დროს გექნებათ.

მომავალი თარიღებისთვის მოხსნა არ დაბლოკავს თქვენს კალენდარს ახლა

თუ გსურთ, მომავალში კონკრეტულ თარიღებში მოხსნათ თქვენი განცხადება, სტუმრებს მაინც შეეძლებათ ამ თარიღების დაჯავშნა, თუ ხელით არ დაბლოკავთ მათ თქვენს კალენდარში.

თუ მომავალი ჯავშნები გაქვთ, განცხადების სამუდამოდ წაშლა არ შეგიძლიათ

განცხადების მოხსნა შეგიძლიათ კონკრეტული პერიოდით ან განუსაზღვრელი ვადით, ნებისმიერ დროს, თუმცა მისი სამუდამოდ წაშლა ვერ მოხერხდება, სანამ ყველა ჯავშანი არ შესრულდება. შეგიძლიათ გააუქმოთ ნებისმიერი დადასტურებული ჯავშანი, თუმცა ამ შემთხვევაში გამოჩნდება მასპინძლის მხრიდან გაუქმების გადასახადები და სხვა სანქციები.

განცხადების წაშლა

საჭიროებისამებრ, შეგიძლიათ ჯერ მოხსნათ განცხადება, შემდეგ კი წაშალოთ ის, როცა ყველა მომავალი სტუმრობა დასრულდება.

გაითვალისწინეთ, რომ თუ თქვენი განცხადება მოიხსნება, მასთან დაკავშირებული ყველა მიმოხილვა კვლავ აისახება თქვენს პროფილში და მათი წაშლა ვერ მოხერხდება.