საცხოვრებლის შესახებ განცხადების მოხსნა ან წაშლა

თუ გსურთ, შეწყვიტოთ ახალი ჯავშნების მიღება, თქვენი განცხადება კი აღარ მოხვდეს ძიების შედეგებში, რამდენიმე ვარიანტი გაქვთ. კერძოდ, შეგიძლიათ განცხადების:

• მოხსნა გარკვეული პერიოდით (6 თვემდე ვადით).
• მოხსნა განუსაზღვრელი ვადით, შემდეგ კი მისი ხელახლა განთავსება, როცა მზად იქნებით.
• სამუდამოდ წაშლა, თუ კონკრეტულ საცხოვრებელში მასპინძლობას აღარ აპირებთ (ამის მიუხედავად, უკვე დადასტურებული ჯავშნები არ გაუქმდება).

თუ განცხადებას მოხსნით, მაინც უნდა უმასპინძლოთ მათ, ვისაც უკვე დადასტურებული ჯავშანი აქვს.

კონკრეტულ თარიღებში მოხსნა

სურვილისამებრ, შეგიძლიათ წინასწარ განსაზღვროთ, რომელ თარიღებში იყოს მოხსნილი თქვენი განცხადება, რომ ის ამ პერიოდში არ მოხვდეს ძიების შედეგებში.

განცხადების მოხსნა, სანამ კვლავ იქნებით მზად მასპინძლობისთვის

ძიების შედეგებიდან განცხადების მოხსნა შეგიძლიათ განუსაზღვრელი ვადით. განცხადების ხელახლა განთავსების საშუალება ნებისმიერ დროს გექნებათ.

განცხადების სამომავლოდ მოხსნის დაგეგმვა ახლავე არ დაბლოკავს თქვენს კალენდარს

თუ განცხადების კონკრეტულ თარიღებში მოხსნას აპირებთ, გაითვალისწინეთ, რომ სტუმრობის მსურველები მაინც შეძლებენ აღნიშნული თარიღების დაჯავშნას, თუ ხელით არ დაბლოკავთ თარიღებს კალენდარში.

განცხადებას სამუდამოდ ვერ მოხსნით, თუ მომავალი ჯავშნები გაქვთ

განცხადების განსაზღვრული ან განუსაზღვრელი ვადით მოხსნა ნებისმიერ დროს შეგიძლიათ, თუმცა მას ვერ წაშლით, სანამ ყველა დაგეგმილი სტუმრობა არ დასრულდება. სურვილისამებრ, შეგიძლიათ გააუქმოთ დადასტურებული ჯავშნები, თუმცა ამას მოჰყვება მასპინძლის მხრიდან გაუქმებისთვის გათვალისწინებული გადასახადის დაკისრება და გარკვეული სხვა შედეგები.

განცხადების წაშლა

საჭიროებისამებრ, შეგიძლიათ ჯერ მოხსნათ განცხადება, შემდეგ კი წაშალოთ ის, როცა ყველა მომავალი სტუმრობა დასრულდება.

გაითვალისწინეთ, რომ განცხადების მოხსნის შემთხვევაში, მასთან დაკავშირებული მიმოხილვები მაინც აისახება თქვენს პროფილში და მათ ვერ წაშლით.