სასაჩუქრე ბარათების გამოყენების წინამდებარე წესები და პირობები (მექსიკა) ვრცელდება თქვენზე, თუ თქვენი საცხოვრებელი ან საქმიანობის განხორციელების ქვეყანა მექსიკაა. თუ თქვენი საცხოვრებელი ქვეყანა ან კომპანიის რეგისტრაციის ადგილი მექსიკის ფარგლებს გარეთაა, იპოვეთ სასაჩუქრე ბარათების პირობები, რომლებიც თქვენთვის მოქმედებს.
ბოლო განახლების თარიღი: 10 ივნისი, 2025 წ.
წინამდებარე წესები და პირობები მექსიკაში განკუთვნილ სასაჩუქრე ბარათებთან დაკავშირებით („სასაჩუქრე ბარათების წესები“) არეგულირებს Airbnb‑ს სასაჩუქრე ბარათების („სასაჩუქრე ბარათები“) გამოყენებას Airbnb‑ს პლატფორმაზე. სასაჩუქრე ბარათების გამოყენებაზე, ასევე, Airbnb‑ს პლატფორმის მეშვეობით ხელმისაწვდომ მომსახურებებზე ვრცელდება Airbnb‑ს მომსახურების პირობები („პირობები“). თუ სასაჩუქრე ბარათების წინამდებარე პირობებში გამოყენებული იქნება განუსაზღვრელი ტერმინი, მას ექნება იგივე განმარტება, რაც პირობებში. ნებისმიერი სასაჩუქრე ბარათის გამოყენებით თქვენ თანხმდებით სასაჩუქრე ბარათების ამ პირობებზე.
1. ინფორმაცია თქვენი ბარათის შესახებ
მექსიკაში გაყიდულ სასაჩუქრე ბარათებსs ამოსცემს Airbnb Ireland UC („ემიტენტი“). სასაჩუქრე ბარათების შეძენა შესაძლებელია ვებსაიტის www.airbnb.mx/giftcards მეშვეობით, ასევე, უფლებამოსილი მესამე მხარის დისტრიბუტორებისგან. სასაჩუქრე ბარათები შეიძლება გაიცემოდეს როგორც ელექტრონული, ისე ფიზიკური ფორმით, გამცემის შეხედულებისამებრ.
სასაჩუქრე ბარათის გამოსაყენებლად Airbnb‑ზე ანგარიში უნდა გქონდეთ. თუ Airbnb‑ზე ანგარიში არ გაქვთ, სასაჩუქრე ბარათის გამოსაყენებლად მისი შექმნა დაგჭირდებათ. სასაჩუქრე ბარათის თქვენს Airbnb ანგარიშში დასამატებლად ეწვიეთ ვებმისამართს airbnb.mx/regalo. სასაჩუქრე ბარათის დამატებისას მისი სრული ღირებულება გადაირიცხება თქვენს Airbnb ანგარიშზე და ის იქ საჩუქრის ბარათის ბალანსის სახით აისახება. სასაჩუქრე ბარათ(ებ)ის ბალანს(ებ)ის გამოყენება შესაძლებელია მხოლოდ Airbnb‑ს პლატფორმაზე ხელმისაწვდომი იმ მომსახურებების შესაძენად, რომლებსაც Airbnb Ireland UC და მისი აფილირებული კომპანიები გთავაზობენ. Airbnb‑ს პლატფორმაზე სასაჩუქრე ბარათით განხორციელებული ნებისმიერი შესყიდვის ღირებულება ჩამოიჭრება თქვენი სასაჩუქრე ბარათ(ებ)ის ბალანს(ებ)იდან, ხოლო სასაჩუქრე ბარათ(ებ)ის ნებისმიერი გამოუყენებელი ბალანსი დარჩება თქვენს Airbnb ანგარიშზე, სანამ არ გამოიყენებთ. თუ შენაძენის ღირებულება აღემატება თქვენს ანგარიშში არსებულ სასაჩუქრე ბარათ(ებ)ის ბალანს(ებ)ს, გადასახდელი დარჩენილი თანხა უნდა გადაიხადოთ სხვა საგადახდო მეთოდის მეშვეობით. სასაჩუქრე ბარათ(ებ)ის ხელმისაწვდომი ბალანს(ებ)ის ნახვა შეგიძლიათ თქვენს Airbnb ანგარიშში შესვლით.
2. მოქმედების ვადის გასვლა; საკომისიოები
სასაჩუქრე ბარათებზე არ ვრცელდება არანაირი საკომისიო, ხოლო სასაჩუქრე ბარათებსა და მათ ბალანს(ებ)ს არ აქვს მოქმედების ვადა. სასაჩუქრე ბარათების ეს პირობები მოქმედებს მანამ, სანამ სასაჩუქრე ბარათის ბალანსს არ გამოიყენებთ.
3. შეზღუდვები
მექსიკაში შეძენილი სასაჩუქრე ბარათების გამოყენება შეუძლიათ მხოლოდ მექსიკაში მცხოვრებ პირებს. ამას გარდა, თქვენ უნდა გქონდეთ მექსიკაში გაცემული მოქმედი საგადახდო მეთოდი.
სასაჩუქრე ბარათების გამოყენება შესაძლებელია მხოლოდ საცხოვრებლების, შთაბეჭდილებების ან მომსახურებების დაჯავშნასთან დაკავშირებული გადასახადებისთვის; მათი გამოყენება არ არის შესაძლებელი Airbnb‑ს პლატფორმაზე ხელმისაწვდომ მომსახურებებთან დაკავშირებული სხვა გადასახადებისთვის, მათ შორის, (თუმცა, ამით არ შემოიფარგლება): (i) არსებული ჯავშნების ცვლილებებისთვის, (ii) საკითხების გადაწყვეტის ცენტრის მეშვეობით განხორციელებული გადახდებისთვის, (iii) ზიანის შესახებ შეტყობინებებში მითითებული თანხებისთვის ან (iv) სხვა სასაჩუქრე ბარათების შეძენისთვის. ასევე, სასაჩუქრე ბარათების გამოყენება დაუშვებელია Airbnb‑ს პლატფორმაზე ხელმისაწვდომი მომსახურებებისგან განსხვავებული მომსახურებების მისაღებად, ან ნაღდი ფულის, ელექტრონული საგადახდო სახსრებისა თუ ვირტუალური აქტივების გასაგზავნად, გადასარიცხად, მისაღებად ან სხვაგვარად მოსაპოვებლად.
სასაჩუქრე ბარათების ხელახლა შევსება, გადაყიდვა, ანაზღაურების სანაცვლოდ გადაცემა, ასევე, ნაღდ ან კანონიერ საგადახდო საშუალებად გადაცვლა დაუშვებელია როგორც ქვეყნის შიგნით, ისე ნებისმიერ სხვა იურისდიქციაში, გარდა იმ შემთხვევებისა, როცა ამას კანონი მოითხოვს. სასაჩუქრე ბარათებს არ აქვს ნაღდი ფულის სახით გამოხატული ღირებულება. სასაჩუქრე ბარათის Airbnb ანგარიშში დამატების შემდეგ მისი ღირებულების სხვა პირისთვის ან სხვა Airbnb ანგარიშისთვის გადატანა შეუძლებელია. ამას გარდა, Airbnb‑ს ერთ ანგარიშთან დაკავშირებული სასაჩუქრე ბარათის ბალანსის სხვა ანგარიშზე გადატანა, ან ნაღდ ფულად გადაცვლა ვერ მოხერხდება.
ამას გარდა, სასაჩუქრე ბარათები არ იძლევა რაიმე სახის პროცენტს და არც წარმოადგენს, არცერთი ფორმით, (i) კანონიერ საგადახდო საშუალებას, (ii) ელექტრონული გადახდის სახსრებს, (iii) განკარგვის საშუალებას, (v) ნებისმიერი სახის დეპოზიტს ან (vi) ვირტუალურ აქტივებს.
4. დაკარგული, მოპარული ან განადგურებული სასაჩუქრე ბარათები; ნებართვის გარეშე გამოყენებული სასაჩუქრე ბარათები
გთხოვთ, დაიცვათ თქვენი სასაჩუქრე ბარათი. როგორც კი ციფრული სასაჩუქრე ბარათი ელექტრონულად გადაეცემა მყიდველს ან დანიშნულ მიმღებს, ან ფიზიკური სასაჩუქრე ბარათი მიეწოდება მყიდველს ან დანიშნულ მიმღებს (შესაბამისობის მიხედვით), სასაჩუქრე ბარათის დაკარგვის რისკი და საკუთრების უფლება გადადის მყიდველზე ან დანიშნულ მიმღებზე. ემიტენტი არ იღებს პასუხისმგებლობას სასაჩუქრე ბარათის დაკარგვის, მოპარვის, განადგურების ან უნებართვოდ გამოყენების შემთხვევაში.
5. უკანონო საქმიანობა
თქვენ პირდაპირ აცნობიერებთ, რომ ემიტენტი და მისი აფილირებული კომპანიები იტოვებენ უფლებას, მიიღონ ნებისმიერი ზომა, მათ შორის, უარი თქვან სასაჩუქრე ბარათის გაცემაზე ან მიღებაზე, თაღლითობაზე ეჭვის მიტანის ან ნებისმიერი სხვა უკანონო თუ აკრძალული ქცევის შემთხვევაში. გამცემი და მისი აფილირებული კომპანიები, ასევე, იტოვებენ უფლებას, უარი თქვან არაკუთვნილ უფლებამოსილების მქონე გამყიდველებისა და გადამყიდველებისგან შეძენილი სასაჩუქრე ბარათის გამოყენებაზე. ემიტენტს და მის აფილირებულ კომპანიებს უფლება აქვთ, დახურონ ან დროებით შეაჩერონ წევრის ანგარიში და თანხა ჩამოაჭრან ალტერნატიული საგადახდო მეთოდიდან, თუ თაღლითური, უკანონო ან აკრძალული გზით მოპოვებული სასაჩუქრე ბარათი გამოყენებული იქნება Airbnb‑ს პლატფორმაზე შესყიდვების გასაფორმებლად ან შესყიდვების გასაფორმებლად მცდელობისთვის.
6. პასუხისმგებლობის შეზღუდვა
ჩვენ არ ვიძლევით რაიმე სახის გარანტიას, პირდაპირს თუ ნავარაუდევს, სასაჩუქრე ბარათებთან დაკავშირებით. იმ შემთხვევაში, თუ სასაჩუქრე ბარათი არ იმუშავებს, თქვენი ერთადერთი სამართლებრივი დაცვის საშუალება და ჩვენი ერთადერთი პასუხისმგებლობა იქნება ასეთი სასაჩუქრე ბარათის შეცვლა.
7. შეწყვეტა; უარის თქმა
სასაჩუქრე ბარათთან დაკავშირებით თქვენი უფლებები შეწყდება, თუ რაიმე ფორმით დაარღვევთ სასაჩუქრე ბარათის წინამდებარე პირობებს ან/და თუ თქვენი Airbnb ანგარიშის მოქმედება შეწყდება ან შეჩერდება ნებისმიერი მიზეზით. მოქმედების შეწყვეტის შემთხვევაში, ვალდებული ხართ, შეწყვიტოთ სასაჩუქრე ბარათით სარგებლობა, და აცნობიერებთ, რომ გამცემს და მის აფილირებულ პირებს უფლება აქვთ, პასუხისმგებლობის გარეშე, შეგიწყვიტონ წვდომა სასაჩუქრე ბარათის იმ ნაშთ(ებ)ზე, რომელიც/რომლებიც ამ დრომდე დაგროვდათ. საჩუქარი ბარათის წინამდებარე პირობებისა და/ან ზოგადი პირობების ემიტენტის მიერ არაღსრულება არ ნიშნავს ემიტენტის რომელიმე უფლებაზე უარის თქმას.
8. დავები
სასაჩუქრე ბარათებთან რაიმე ფორმით დაკავშირებული ნებისმიერი დავა ან პრეტენზია გადაწყდება პირობების იმ ნაწილის შესაბამისად, რომელიც ეხება დავების გადაწყვეტას, იურისდიქციასა და სასამართლო ორგანოს, ასევე, მსოფლიოს დანარჩენი ქვეყნებისთვის მოქმედ კანონმდებლობას.
9. ზოგადი პირობები
მექსიკაში სასაჩუქრე ბარათებს გასცემს:
Airbnb Ireland UC
8 Hanover Quay
დუბლინი 2, D02 DP23
ირლანდია
სასაჩუქრე ბარათების შესახებ ინფორმაციის მისაღებად ან თქვენი ბალანსის შესამოწმებლად უნდა შეხვიდეთ თქვენს Airbnb ანგარიშში ან დაგვიკავშირდეთ ნომერზე +525541704333.
სასაჩუქრე ბარათების წინამდებარე პირობები რეგულირდება და განიმარტება ირლანდიის კანონმდებლობის შესაბამისად. სასაჩუქრე ბარათების შეძენა, მიღება ან/და გამოყენება რეგულირდება ირლანდიის კანონმდებლობით და განიმარტება მის შესაბამისად, გარდა იმ შემთხვევებისა, როცა სხვა რამ არის მითითებული წინამდებარე პირობების სექციაში „დავების გადაწყვეტა, იურისდიქცია და სასამართლო ინსტანცია მსოფლიოს სხვა ქვეყნებში, ასევე, მარეგულირებელი კანონმდებლობა“. Airbnb უფლებამოსილია, ნებისმიერ დროს შეცვალოს სასაჩუქრე ბარათების ეს პირობები. საჩუქარი ბარათების ამ პირობებში არსებითი ცვლილებების შეტანის შემთხვევაში, საჩუქარი ბარათების განახლებულ პირობებს გამოვაქვეყნებთ Airbnb‑ს პლატფორმაზე და განვაახლებთ „ბოლო განახლების“ თარიღს საჩუქარი ბარათების ამ პირობების სათაურში. ამას გარდა, ნებისმიერი არსებითი ცვლილების შესახებ შეგატყობინებთ ელფოსტით, მათი ძალაში შესვლის თარიღამდე მინიმუმ 30 (ოცდაათი) დღით ადრე, და გაცნობებთ თქვენს უფლებას, შეწყვიტოთ Airbnb‑სთან დადებული ხელშეკრულება წინამდებარე პირობების შესაბამისად. თუ Airbnb‑სთან გაფორმებულ ხელშეკრულებას სასაჩუქრე ბარათების განახლებული პირობების ძალაში შესვლის თარიღამდე არ შეწყვეტთ, Airbnb‑ს პლატფორმით შემდგომი სარგებლობა ჩაითვლება სასაჩუქრე ბარათების განახლებული პირობების მიღებად.