კონტენტზე გადასვლა
    შემოთავაზებულ შედეგებზე წვდომისთვის გადადით წინ
    Airbnb-ს საფუძვლები

    რა არის ონლაინ-შთაბეჭდილებები?

    ონლაინ-შთაბეჭდილებები პირდაპირი, ინტერაქტიური ვიდეოჩართვებია მცირე ჯგუფებისთვის. მათი მეშვეობით, გამოცდილ მასპინძლებთან ერთად, ონლაინ-ფორმატში გაიცნობთ და დაუახლოვდებით ადამიანებს მთელი მსოფლიოდან.

    განსხვავება ონლაინ-ფორმატსა და ადამიანების ფიზიკურ მონაწილეობას შორის

    ონლაინ-შთაბეჭდილებებისთვის გამოიყენება Zoom. Zoom არის ღრუბლოვანი ვიდეოსაკონფერენციო პლატფორმა, რომლის გამოყენებაც შესაძლებელია დესკტოპ-კომპიუტერებზე, პლანშეტებსა და მობილურ მოწყობილობებზე.

    ხარისხის სტანდარტები

    როგორც ონლაინ, ისე ადამიანების ფიზიკური მონაწილეობით შეთავაზებული Airbnb შთაბეჭდილებები უნდა შეესაბამებოდეს ხარისხის სტანდარტებს. ამასთანავე, ონლაინ-შთაბეჭდილებები უნდა აკმაყოფილებდეს დამატებით მოთხოვნებს.

    სტუმრების მიმოხილვები

    სტუმრებმა მიმოხილვა შეხვედრის დასრულებიდან 30 დღის განმავლობაში უნდა დაწერონ. პირადი გამოხმაურება განკუთვნილია მასპინძლისთვის, ხოლო საჯარო — მომავალი სტუმრებისთვის. შეიტყვეთ ვრცლად შთაბეჭდილებების მიმოხილვის შესახებ.

    ჯავშნის შეცვლა

    გაუქმება შეგიძლიათ დაწყების დრომდე არაუგვიანეს 7 დღით ადრე, ან დაჯავშნიდან 24 საათის განმავლობაში, ჯავშნის შეცვლა კი შესაძლებელია შეხვედრამდე არაუგვიანეს 72 საათით ადრე. არსებული ჯავშნების შეცვლის წესები იგივეა როგორც ონლაინ, ისე ადამიანების ფიზიკური მონაწილეობით შეთავაზებული Airbnb შთაბეჭდილებებისთვის.

    ფასები

    ონლაინ-შთაბეჭდილების შემთხვევაში ნაგულისხმევად დაწესებულია ფასი ერთ ადამიანზე. ადგილი უნდა დაიჯავშნოს თითოეული მონაწილისთვის. თუკი მასპინძელი გადაწყვეტს, რომ ერთი მოწყობილობიდან რამდენიმე სტუმარს მისცეს მონაწილეობის უფლება, ამის შესახებ სტუმრებს აცნობებს Airbnb შთაბეჭდილების გვერდზე, სექციებში „რას გააკეთებთ“ და „მონაწილეობის წესი“.

    თანხის დაბრუნება

    ონლაინ-შთაბეჭდილებების შემთხვევაში თანხის სრულად დაბრუნება შესაძლებელია მასპინძლის ან მონაწილეების მოწყობილობებთან დაკავშირებული ტექნიკური პრობლემების (მაგ., აუდიო- თუ ვიდეოკავშირის გაუმართაობის) გამო. დეტალური ინფორმაციისთვის გაეცანით Airbnb შთაბეჭდილებების სტუმრებისთვის თანხის დაბრუნების წესების სრულ ვერსიას.

    პრობლემების მოგვარების ცენტრი

    მასპინძლებს ან სტუმრებს თანხის გაგზავნა/მოთხოვნა თუ დამატებითი მომსახურების საფასურის გადახდა (მაგ., გაუქმების წესებით გაუთვალისწინებელ შემთხვევებში თანხის დაბრუნების მოთხოვნა) შეუძლიათ პრობლემების მოგვარების ცენტრის მეშვეობით.

    დაკავშირებული სტატიები
    მიიღეთ სათანადო დახმარება?
    ვერ იპოვეთ სასურველი ინფორმაცია?
    იპოვეთ სხვადასხვა კატეგორიის კონტენტი დახმარების ცენტრის სხვა სექციებში.