Airbnb შთაბეჭდილებებისა და თავგადასავლებისთვის, რომლებიც ცხოველებთან დაკავშირებულია, Airbnb თანამშრომლობს World Animal Protection ‑თან, რომ სტუმრებს მიაწოდოს მითითებები და სტატიები, რომელთა მიზანია, ხელი შეუწყოს ველური ცხოველების უსაფრთხოებას ბუნებაში და ტყვეობაში, ასევე, ადამიანების მოვლის ქვეშ მყოფი შინაური ცხოველების უსაფრთხოებას.
Airbnb არ დაუშვებს შთაბეჭდილებებს, რომლებიც დაკავშირებულია ტყვეობაში მყოფ ზღვის ძუძუმწოვრებთან, გარდა გარკვეული სოციალურ პროექტების ფარგლებში შეთავაზებული შთაბეჭდილებებისა, რომლებშიც დამოწმებული არაკომერციული ორგანიზაცია ახორციელებს გადარჩენას ან რეაბილიტაციას. გასართობი მიზნით დატყვევება არაბუნებრივი და საზიანოა ზღვის ძუძუმწოვრებისთვის, როგორიცაა დელფინები, ვეშაპები, ზღვის ლომები და თეთრი დათვები.
ველურ დელფინებს დღეში 65 კილომეტრზე მეტის გავლა შეუძლიათ — ისინი ჯგუფის წევრებთან ერთად შეწყვილებაში, საკვების ძიებაში, ბრძოლასა და თამაშში მონაწილეობენ და ექოლოკაციის მეშვეობით ზღვის მრავალფეროვან გარემოს სწავლობენ. ამის საპირისპიროდ, ტყვეობაში მყოფ დელფინებს აიძულებენ, უსასრულო წრეებში ივარჯიშონ ხელოვნურ საცხოვრებელ სივრცეებში, ურთიერთობა ჰქონდეთ უცხო დელფინებთან და სხვა სახეობებთან და განახორციელონ არაბუნებრივი, ზოგიერთ შემთხვევაში კი მტკივნეული ქცევები. ატყვევებული დელფინები ასევე ექვემდებარებიან ადამიანის ინფექციების, ბაქტერიებისა და ქიმიური საშუალებების ზემოქმედებას და იტანჯებიან სტრესთან დაკავშირებული დაავადებებით.
თუ შეამჩნევთ შთაბეჭდილებას, რომელიც არღვევს ცხოველთა კეთილდღეობის სტანდარტებს, საფრთხეს უქმნის მასპინძლებისა თუ სტუმრების უსაფრთხოებას, ან ცხოველთა კეთილდღეობასა და/ან მათი არსებობის შენარჩუნებას, დაგვიკავშირდით. Საჭიროებისამებრ, მიუთითეთ თარიღი, დრო და მდებარეობა, ასევე, შთაბეჭდილებაში ჩართული ცხოველების ტიპი.
თუ გავარკვევთ, რომ შთაბეჭდილება ან/და მასპინძელი არღვევს ჩვენი გაერთიანების წესებს ან მომსახურების პირობებს, ჩვენ მივიღებთ შესაბამის ზომებს, მათ შორის, საჭიროების შემთხვევაში, სამუდამოდ გავრიცხავთ ჩვენი გაერთიანებიდან. ჩვენ მუდმივად ვამოწმებთ და ვასწორებთ ჩვენს წესებსა და დაცვის საშუალებებს, რათა ჩვენი გაერთიანება უფრო უსაფრთხო და ხარისხიანი იყოს.
World Animal Protection-ის წყალობით. ©2019 ცხოველთა მსოფლიო დაცვა. Ყველა უფლება დაცულია.
World Animal Protection-ის სახელწოდება გამოიყენება მისი ნებართვით, რაც არანაირად არ წარმოადგენს რაიმე პროდუქტის, მომსახურების, კომპანიის, მოსაზრების ან პოლიტიკური პოზიციის გამოხატულ ან ნაგულისხმევ მხარდაჭერას. დამატებითი ინფორმაცია მსოფლიოს ცხოველთა დაცვის ორგანიზაციის შესახებ ხელმისაწვდომია ვებსაიტზე worldanimalprotection.org.
გაეცანით World Animal Protection‑ის ორიგინალ სტატიას.