ამ სტატიის წაკითხვა შეგიძლიათ გერმანულად ან ინგლისურად.
ამ სტატიაში მოცემულია კონკრეტული ინფორმაცია ადგილობრივი კანონმდებლობის შესახებ, რომელიც ვრცელდება დრეზდენში საცხოვრებლის მასპინძლობის მსურველებზე. ჩვენი სტატიის მსგავსად, რომელიც გერმანიას ეხება, თქვენი პასუხისმგებლობაა, შეამოწმოთ და შეასრულოთ ყველა ვალდებულება, რომელიც მასპინძლის სტატუსით გეკისრებათ. ეს სტატია შეიძლება გახდეს თქვენი საწყისი წერტილი ან რესურსი, რომელზეც შეგიძლიათ დაბრუნდეთ, თუ შეკითხვები გექნებათ, თუმცა ის არ არის ამომწურავი და არ წარმოადგენს იურიდიულ ან საგადასახადო კონსულტაციას. კარგი იქნება, თუ შეამოწმებთ, რომ კანონები და პროცედურები აქტუალურია.
ზოგიერთი კანონი, რომელიც, შესაძლოა, გეხებოდეთ, რთულია. შეკითხვების შემთხვევაში მიმართეთ უშუალოდ დრეზდენის მუნიციპალიტეტს ან გაიარეთ კონსულტაცია ადგილობრივ მრჩეველთან, მაგალითად, იურისტთან ან საგადასახადო კონსულტანტთან.
2015 წლის 1 ივლისიდან დრეზდენის მუნიციპალიტეტმა დააწესა ბინადრობის გადასახადი.
2019 წლის 1 იანვრიდან, როცა სტუმარი დრეზდენში მდებარე საცხოვრებელს ჯავშნის, Airbnb ავტომატურად აკრეფს საცხოვრებელში განთავსების გადასახადს და მასპინძლების სახელით ურიცხავს მას მუნიციპალიტეტს. საცხოვრებელში განთავსების გადასახადი ცალკე იქნება მითითებული ინვოისში და დაემატება ჯამურ თანხას.
წინა წლებში მასპინძლებს თავად უწევდათ გადასახადის აკრეფა.
თუ საცხოვრებელში განთავსების გადასახადთან დაკავშირებით დამატებითი შეკითხვები გაქვთ, მიმართეთ უშუალოდ დრეზდენის მუნიციპალიტეტს.
საცხოვრებელში განთავსების გადასახადი შეადგენს სტუმრის მიერ ერთ ღამეზე გადასახდელი თანხის ერთი მეთხუთმეტედს, რომელიც დამრგვალდება ქვემოთ უახლოეს მთელ ევროცენტამდე. დაუკავშირდით დრეზდენის მუნიციპალიტეტს საგადასახადო ბაზის შესახებ დამატებითი ინფორმაციის მისაღებად, ან გაეცანით ბროშიურას (ხელმისაწვდომია გერმანულად ან ინგლისურად), რომელსაც მუნიციპალიტეტი უზრუნველყოფს სტუმრებისთვის.
საცხოვრებელ ადგილზე დაკისრებული გადასახადის გადახდა სავალდებულოა ყველა სრულწლოვანი სტუმრისთვის, რომელიც დრეზდენში ღამეს გაატარებს სასტუმროში, პანსიონატში, საოჯახო სასტუმროში, დასასვენებელ საცხოვრებელ ობიექტში, კემპინგში ან საცხოვრებელ ადგილის მსგავს ობიექტში, გარდა იმ შემთხვევებისა, როცა მოქმედებს გადასახადისგან გათავისუფლების საფუძველი.