Airbnb for Work‑ის ადმინისტრატორებსა და ჯავშნების მენეჯერებს ხელმისაწვდომი აქვთ მოსახერხებელი მართვის პანელი, რომელიც მათ საქმიანი მოგზაურობების ორგანიზებაში ეხმარება.
Airbnb for Work‑ის მართვის პანელზე გადასასვლელად დესკტოპ‑კომპიუტერზე დააწკაპუნეთ თქვენი პროფილის ფოტოზე, შემდეგ კი აირჩიეთ კომპანიის მართვის პანელი ჩამოსაშლელი მენიუდან. Airbnb for Work‑ის მართვის პანელი მიუწვდომელია მობილური ბრაუზერიდან ან Airbnb‑ს აპიდან.
გაეცანით თანამშრომლების აქტიურ, დადასტურებულ და დასრულებულ მოგზაურობებს, ასევე, მოგზაურობებს, რომლებიც, შესაძლოა, საჭიროებდეს ყურადღებას. თითოეული მოგზაურობისთვის მითითებული იქნება მოგზაურ(ებ)ის სახელი, დანიშნულების ადგილის დეტალები, მოგზაურობის თარიღები და სტატუსი.
გაფილტრეთ ინფორმაცია დაჯავშნილი ღამეების რაოდენობის, დახარჯული თანხის ჯამური ოდენობისა და თქვენი კომპანიის მასშტაბით ერთ ღამეზე საშუალო ტარიფის მიხედვით. ამ გვერდიდან CSV‑ანგარიშების ექსპორტირებაც შეგიძლიათ.
შეგიძლიათ გაეცნოთ ინვოისებს მოგზაურთა თქვენი ჯგუფებისთვის. თითოეულ ერთეულში მითითებული იქნება ინვოისის ნომერი, თარიღი, გადახდის ბოლო ვადა და გადასახდელი თანხა.
განსაზღვრეთ წესები, რომლებიც დაშვებულია თქვენი სამოგზაურო პოლიტიკის მიხედვით და ვრცელდება თქვენი ორგანიზაციის ყველა წევრზე. შეგიძლიათ აირჩიოთ წესები ფასთან, საცხოვრებლის ტიპთან და ხარისხთან დაკავშირებით. თქვენ მიიღებთ გაფრთხილებებს, როცა ჯავშნები გაფორმდება თქვენ მიერ დადგენილი წესების დარღვევით.
შექმენით პროგრამები, რომლებიც თქვენს თანამშრომლებს Airbnb ბონუსებით სარგებლობის საშუალებას მისცემს, რომლებსაც მათ თავიანთი სურვილისამებრ გამოიყენონ.
დაათვალიერეთ და მართეთ თქვენს კომპანიასთან დაკავშირებული თანამშრომლების ანგარიშები. ამ გვერდიდან, ასევე, შეგიძლიათ მოიწვიოთ თანამშრომლები თქვენს პროგრამაში.
შექმენით სასურველი პარამეტრები ანგარიშის, ინვოისების პროფილების, გადახდის, თანამშრომლების წვდომის, შეტყობინებებისა და სამოგზაურო პარტნიორებისთვის.
გადახედეთ სამოქმედო პუნქტებს, რომლებიც საჭიროებს ყურადღებას, მაგალითად, თანამშრომლების დადასტურებას და გუნდის მოთხოვნებზე უარის თქმას ან მათ დადასტურებას.
მოგზაურობის ადმინისტრატორებსა და მოგზაურობის მენეჯერებს მართვის პანელის განსხვავებული ვერსიები აქვთ. ადმინისტრატორებს წვდომა აქვთ ყველა ჩანართზე, ხოლო ჯავშნების მენეჯერებს — ნაკლებ ჩანართზე, და მათ მხოლოდ თავიანთი ჯავშნების შესახებ ინფორმაციის მიღება შეუძლიათ. საქმიანი მოგზაურებისთვის მართვის პანელი საერთოდ არ არის ხელმისაწვდომი.