Airbnb‑ზე განცხადების ხელახლა განთავსების შემოთავაზება

მასპინძლებს, რომლებიც აკმაყოფილებენ განცხადების ხელახლა განთავსების პრომოაქციის („პრომოაქცია“) პირობებს, Airbnb‑სგან თანხის მიღება შეუძლიათ.

პირობების დასაკმაყოფილებლად მასპინძელმა უნდა: (1) დააწკაპუნოს ბმულზე ელწერილში, push‑გაფრთხილებაში ან შეტყობინებაში ჩვენს პლატფორმაზე; (2) ხელახლა აამოქმედოს არსებული განცხადება, ან შექმნას ახალი განცხადება, 2023 წლის 1 აპრილის 11:59‑მდე (თბილისის დროით); და (3) უმასპინძლოს კრიტერიუმების შესაბამის სტუმრობას, რომელიც საცხოვრებლიდან გასვლას ითვალისწინებს არაუგვიანეს 2023 წლის 1 ივნისის 11:59‑სა (თბილისის დროით).

„კრიტერიუმების შესაბამის სტუმრობად“ ითვლება სტუმრობა (i) Airbnb‑ზე რეგისტრირებულ მასპინძელთან, (ii) მის მიერ განთავსებულ ერთ‑ერთი საცხოვრებელში, რომლის შესახებ განცხადებაც (ა) მანამდე უმოქმედო იყო ან (ბ) 2023 წლის 16 თებერვლის შემდეგ განთავსდა; და რომელიც (iii) საცხოვრებლიდან გასვლას ითვალისწინებს არაუგვიანეს 2023 წლის 1 ივნისისა, იმ პირობით, რომ (iv) ჯავშანი არ გაუქმდება არც სტუმრობამდე და არც მის განმავლობაში. მასპინძლებმა თავად უნდა შეამოწმონ, შეესაბამება თუ არა საცხოვრებელი ყველა მოთხოვნასა და ადგილობრივ კანონს.

კრიტერიუმების შესაბამისი სტუმრობის დასრულების შემდეგ მასპინძლებს Airbnb‑სგან თანხა ჩაერიცხებათ ანაზღაურების მიღების სტანდარტული მეთოდის მეშვეობით. თანხა გაიცემა კრიტერიუმების შესაბამისი პირველი სტუმრობისთვის, რომელიც 2023 წლის 1 ივნისამდე დასრულდება მასპინძლის მიერ განთავსებულ მაქსიმუმ ორ (2) საცხოვრებელში (თუ მასპინძელს რამდენიმე განცხადება აქვს). გადახდა განხორციელდება საცხოვრებლიდან სტუმრების გასვლიდან 90 დღის განმავლობაში. თანხის ოდენობა, რომელიც თითოეულ მასპინძელს ეკუთვნის, მითითებულია Airbnb‑სგან ელფოსტით მიღებულ შემოთავაზებაში. მასპინძლები, რომლებსაც Airbnb‑სგან ელფოსტით არ მიუღიათ შემოთავაზება, პრომოაქციაში ვერ ჩაერთვებიან.