სასარგებლო რჩევები ჩემპიონთათვის შესაფერისი სტუმრობისთვის

გაითვალისწინეთ მეზობლები. კარგი სტუმარი, პირველ რიგში, უფრთხილდება როგორც საცხოვრებელს, ისე გარშემო მცხოვრებ ადამიანებს. გახსოვდეთ რამდენიმე მარტივი წესი: მოეპყარით საცხოვრებელს თქვენი საკუთარივით, დაიცავით სახლის ყველა წესი და ოპერატიულად აცნობეთ მასპინძელს ნებისმიერი წარმოქმნილი პრობლემის შესახებ.

სტუმრობამდე გაეცანით საცხოვრებლის აღწერილობასა და სახლის წესებს, რომ მიიღოთ ინფორმაცია სიმშვიდის საათების, პარკირებისა და ადგილობრივი თავისებურებების შესახებ. სტუმრობის პერიოდში ნუ გადააჭარბებთ ხმაურის დასაშვებ დონეს, ნუ შეხვალთ აკრძალულ ადგილებში  და ნუ დაარღვევთ წესებს მოწევასა თუ დაუშვებელ ნივთებთან დაკავშირებით. აუცილებლად დააზუსტეთ, შეგიძლიათ თუ არა სხვების დაპატიჟება.

შეგახსენებთ, რომ Airbnb სასტიკად კრძალავს წვეულებების გამართვას. სხვების შემაწუხებელი შეკრებები და ღონისძიებები, რომლებზე დასწრებაც თავისუფალია, ყოვლად დაუშვებელია. მასპინძლებს არ აქვთ უფლება, ამ კუთხით დაუშვან გამონაკლისი. სტუმრებისა და მასპინძლების მხრიდან ამ წესის დარღვევას, შესაძლოა, მოჰყვეს უარყოფითი შედეგები (Airbnb‑დან მათი ანგარიშების წაშლის ჩათვლით).

თუ სტუმრობისას რაიმე პრობლემა შეგექმნებათ, უშუალოდ მასპინძელთან დაკავშირება, ხშირ შემთხვევაში, საკითხის გადაწყვეტის ყველაზე სწრაფი ხერხი იქნება. ისარგებლეთ Airbnb‑ზე ხელმისაწვდომი მიმოწერის ფუნქციით, რომ დაუკავშირდეთ მასპინძელს შეკითხვების დასასმელად, რაიმეს დასაზუსტებლად ან პრობლემების მოსაგვარებლად როგორც სტუმრობამდე, ისე მისი მსვლელობისას თუ დასრულების შემდეგ.

საგანგებო სიტუაციის დროს ან საფრთხის შემთხვევაში დარეკეთ 911‑ზე პოლიციის, სახანძროს ან სასწრაფო სამედიცინო დახმარების სამსახურის გამოსაძახებლად.

ჩემპიონატის პერიოდში ადგილობრივი ხელისუფლების ორგანოები გააძლიერებენ უსაფრთხოების ზომებს დანაშაულებრივი ქმედებების, მათ შორის, ადამიანებით ვაჭრობისა და მათი ექსპლუატაციის შემთხვევების, აღსაკვეთად. თუ ადამიანებით ვაჭრობაზე მიიტანთ ეჭვს, დარეკეთ ადამიანებით ვაჭრობის საკითხებისთვის განკუთვნილ ეროვნულ ცხელ ხაზზე 1‑888‑373‑7888, გაგზავნეთ SMS ნომერზე 233733, ან გამოიყენეთ ონლაინჩატი ვებმისამართზე humantraffickinghotline.org/chat. გთხოვთ, შექმნილი სიტუაციის შესახებ Airbnb‑საც აცნობოთ.

თაღლითობის შემთხვევების აღკვეთის ხელშეწყობა შეგიძლიათ მასპინძლებთან მხოლოდ და მხოლოდ Airbnb‑ს პლატფორმის მეშვეობით ანგარიშსწორებისა და კომუნიკაციის გზით, ასევე, პლატფორმის გვერდის ავლით ნებისმიერ საგადახდო ოპერაციაზე უარის თქმით. თაღლითობაზე ეჭვის მიტანის შემთხვევაში შეატყობინეთ ამის შესახებ როგორც ფედერალურ სავაჭრო კომისიას, ვებმისამართზე ReportFraud.ftc.gov, ისე Airbnb‑ს.

უსაფრთხოებასთან დაკავშირებული სხვა რჩევების, მითითებებისა და ხშირად დასმულ შეკითხვებზე პასუხებისთვის ეწვიეთ უსაფრთხოების სექციას Airbnb‑ს დახმარების ცენტრში.

თუ კანადაში ან მექსიკაშიც აპირებთ მოგზაურობას, უსაფრთხოებისა და ადგილობრივი თავისებურებების შესახებ დამატებითი ინფორმაციისთვის გაეცანით გზამკვლევს კანადისთვის ან მექსიკისთვის.

სტუმრობისას თან იქონიეთ მრავალჯერადი გამოყენების ჩანთა. თუ მატჩზე აპირებთ დასწრებას, გაეცანით სტადიონის წესებს და დააზუსტეთ, რა შეგიძლიათ იქონიოთ თან. მაგალითად, ყველა მასპინძელ სტადიონზე მოქმედებს გამჭვირვალე ჩანთების წესი.

მაქსიმალურად იზრუნეთ ნარჩენების რაოდენობის შემცირებაზე და სათანადო წესით გადაყარეთ ისინი — გამოიყენეთ ნარჩენების გადამუშავებისა და კომპოსტირებისთვის განკუთვნილი ურნები, თუ ისინი ხელმისაწვდომია. ყოველთვის დაასუფთავეთ ესა თუ ის ადგილი თქვენ შემდეგ.

გონივრულად ხარჯეთ წყალი და ელექტროენერგია. საცხოვრებლიდან გასვლისას აუცილებლად გამორთეთ შუქი და გამოაერთეთ ელექტროქსელიდან ყველა მოწყობილობა, რომლებსაც არ იყენებთ, მათ შორის, კონდიციონერები.

არჩიეთ ფეხით, ველოსიპედით ან საზოგადოებრივი ტრანსპორტით სიარული (ხელმისაწვდომობის მიხედვით).