მიზეზი, რატომაც ტეხასელმა მასპინძელმა ლტოლვილების ოჯახი მიიღო

Open Homes გარდაიქმნა Airbnb.org‑ად

Airbnb‑ს პროგრამა Open Homes მუშაობას განაგრძობს Airbnb.org‑ის, 501(c)(3) კატეგორიის ახალი არაკომერციული ორგანიზაციის, სახელით. გმადლობთ Open Homes‑ში შეტანილი წვლილისთვის. მოხარული ვართ, რომ ჩვენს ურთიერთობაში ამ ახალ გვერდს თქვენთან ერთად ვშლით.

Airbnb‑ზე რეგისტრირებული მასპინძლები კარს უღებენ მსოფლიოს სხვადასხვა კუთხეში მცხოვრებ ადამიანებს და ბევრი მათგანი ამას მხოლოდ მოვალეობის მიზნით არ აკეთებს. ჩვენი გაერთიანების წევრების სიკეთემ და გულუხვობამ გადააწყვეტინა Airbnb‑ს, დაეწყო თანამშრომლობა სააგენტოებთან, რომლებიც ორიენტირებული არიან ლტოლვილებისთვის დროებითი საცხოვრებლის პოვნაზე.

ერთად შევქმნათ სამყარო, სადაც ნებისმიერი ადამიანი უცხო გარემოშიც კი თავს შინაურად იგრძნობს. ლინდა, სუპერმასპინძელი დალასიდან (აშშ), ჩვენს ფასეულობებს ცხოვრებაში ატარებს. როცა მას დაურეკეს და ლტოლვილების ოჯახის ორი კვირით მასპინძლობა სთხოვეს, ის უყოყმანოდ დათანხმდა. „ვგრძნობდი, რომ ეს იყო შანსი, დავხმარებოდი ადამიანებს“, — იხსენებს ის.

როცა მოჰამედი თავის ცოლთან და ჩვილ ვაჟთან ერთად ჩამოვიდა, ოჯახები მომენტალურად დაახლოვდნენ. მოჰამედი მუშაობდა ქსელის ადმინისტრატორად და თარჯიმნად აშშ‑ის სამხედრო ბაზაზე ერაყში. ის ეხმარებოდა ამერიკის შეერთებულ შტატებს, ამიტომ მის სიცოცხლეს საფრთხე ემუქრებოდა.

მასპინძლებსა და სტუმრებს შორის ურთიერთობა ახლო მეგობრობაში გადაიზარდა, რამაც საკმაოდ შეცვალა ორივე ოჯახის მსოფლმხედველობა.

ორკვირიანი პერიოდის დასრულების შემდეგ ლინდა და მისი ნათესავები კვლავ ეხმარებოდნენ მოჰამედს ბინისა და ავეჯის პოვნაში. მათ შესთავაზეს სტუმრებს, უფასოდ დარჩენილიყვნენ კიდევ ერთი თვით. ამ პერიოდში ლინდას მეუღლე მოელაპარაკა ახალნაპოვნი ბინის მფლობელს ქირის შემცირებაზე, ებრაული გაერთიანების წევრების მიერ გაღებული თანხის წყალობით კი მოჰამედმა აუცილებელი ავეჯი იყიდა.

საცხოვრებლად ახალ სახლში გადასვლის შემდეგად კი ადამიანები აგრძელებდნენ მოჰამედის ოჯახის დახმარებას. მეგობრებმა მათ ავტომობილის ფული შეუგროვეს. სინაგოგა მოჰამედის შვილს საბავშვო ბაღში მოწყობაში დაეხმარა. ორგანიზებული იყო შეხვედრა, რომ ლტოლვილების ოჯახი შეხვედროდა იმ ადამიანებს, რომლებიც მათ გვერდში დაუდგნენ.

მოჰამედის თქმით, ლინდა მისთვის დედასავით არის და მას რეგულარულად სტუმრობს, ახალ ბინაში გადასვლის შემდეგაც კი. ადამიანები, რომლებიც ერთმანეთს არც კი იცნობდნენ, ფაქტობრივად, ერთი ოჯახი გახდა.

ცხოვრების ნულიდან დაწყება იოლი არ არის. მოჰამედი არ ელოდა, სხვადასხვა ადამიანისგან შემდგარი მცირე საზოგადოება მას ასეთი სითბოთი და პატივისცემით თუ მიიღებდა. ლინდასა და მისი ოჯახის Airbnb‑ს მეშვეობით გაცნობამ ნამდვილად აგრძნობინა მას თავი შინაურულად.

შეუერთდით მათ, ვინც ეხმარება რთულ ვითარებაში აღმოჩენილ ადამიანებს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.