საყურებელი: Airbnb ოთახები აახლოებს მასპინძლებსა და სტუმრებს

საუკეთესო მეგობრები, ემი და კეიტი, რომლებიც სტუმრობდნენ ტესას, მხატვარსა და Airbnb ოთახების მასპინძელს ედინბურგში, იხსენებენ, როგორ განიმსჭვალნენ საცხოვრებლის ზღაპრული ატმოსფეროთი და ამ ჯადოსნური განწყობით დაათვალიერეს ქალაქი. „ტესამ შექმნა საოცარი სივრცე, რომელშიც თავს ზღაპრის გმირად ვგრძნობდი“, — ამბობს კეიტი.

ახალ სარეკლამო კამპანიაში ყურადღებას სწორედ იმაზე ვამახვილებთ, თუ როგორ ეხმარება Airbnb ოთახები სტუმრებს, ადგილობრივივით შეიგრძნონ მსოფლიოს სხვადასხვა კუთხე. საერთაშორისო კამპანიის სამიზნე აუდიტორია 200 მილიონ ადამიანს მოიცავს. ნუ გაუშვებთ ხელიდან ამ შანსს! ახლავე შეავსეთ მასპინძლის გაცნობითი ბარათი.

ქვემოთ მოცემულ სარეკლამო რგოლებში წარმოგიდგენთ სტუმრებს, რომლებიც ედინბურგში (შოტლანდია), კიოტოში (იაპონია) და ფლორენციაში (იტალია) Airbnb‑ს მეშვეობით დაჯავშნილ ოთახებში გაჩერდნენ და იქაური მასპინძლების დახმარებით დატკბნენ ადგილობრივი ხელოვნებით, სახლში მომზადებული სუშითა და ახალმოდუღებული ყავით.

ტესას ედინბურგში მდებარე საცხოვრებელი მხატვრის დიდ სახელოსნოს ჰგავს. ემი და კეიტი, რომლებიც მასთან გაჩერდნენ, მუდმივად ამჩნევდნენ ინტერიერის საინტერესო დეტალებს, შემდეგ კი იმავე ცნობისმოყვარეობით იკვლევდნენ ქალაქის ქუჩებს.

ტაკაშის მასპინძლობის პროცესში ყველაზე მეტად მოსწონს სტუმრებისთვის თავისი საყვარელი კიოტოს ნამდვილი ცხოვრების ჩვენება. როცა სტუმრებმა, თაემინმა და იუნჯუმ, ტაკაშის სუშის კარგი რესტორნის შესახებ რჩევა ჰკითხეს, მან სპონტანურად გაუწია ორგანიზება საღამოს, რომელზეც ყველამ ერთად მოამზადა ტრადიციული იაპონური სუში.

ფლორენციაში ადგილობრივთან ერთად ცხოვრებას თავისი პლუსები აქვს. სტეფანია, რომელიც თავის Airbnb ოთახში იზაბელასა და ანტონიას მასპინძლობდა, უზიარებდა მათ სასარგებლო რჩევებს, ნამდვილი პასტის მომზადების საიდუმლოებებს და, რა თქმა უნდა, ბევრ ფინჯან ესპრესოს.

ძალიან გვაინტერესებს, თქვენ როგორ მასპინძლობთ სტუმრებს Airbnb ოთახში.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.