ოთახის განთავსება

ოთახები შესანიშნავი ვარიანტია მათთვის, ვისაც პირად სივრცესთან ერთად ადგილობრივებთან ურთიერთობაც სურს. ოთახის არჩევის შემთხვევაში სტუმრებს ექნებათ პირადი ოთახი საცხოვრებელში, ასევე, საზიარო სივრცეებით სარგებლობის შესაძლებლობა. მაგალითად, ოთახში მოსახვედრად მას, შესაძლოა, მოუწიოს ისეთ შიდა სივრცეებში გავლა, რომლებითაც სარგებლობს მასპინძელი ან სხვა სტუმარი.

ოთახის Airbnb‑ზე სათანადოდ განთავსების წესი

თქვენ მიერ განთავსებული საცხოვრებელი სივრცე ოთახების მაძიებელ სტუმრებს რომ შეხვდეს, განცხადებაში მისთვის მიკუთვნებული უნდა იყოს „ოთახის“ კატეგორია. ამას გარდა, დასაკმაყოფილებელია შემდეგი კრიტერიუმები:

• განთავსებული საცხოვრებელი უნდა იყოს საძინებელი, რომელსაც აქვს კარი და რომელიც განკუთვნილია მხოლოდ სტუმრისთვის.
• სტუმარს სარგებლობა უნდა შეეძლოს მინიმუმ ერთი საერთო დანიშნულების სივრცით, მაგალითად, სააბაზანოთი, სამზარეულოთი ან მისაღები ოთახით.
• განცხადებაში მითითებული უნდა იყოს მასპინძლის ნამდვილი სახელი — კომპანიის ან სხვა რაიმე სახელის (მაგალითად, მეტსახელის) გამოყენება დაუშვებელია. ვინაიდან სტუმრები საცხოვრებელს თქვენთან გაიზიარებენ, მათ უნდა იცოდნენ, ვინ იქნება მათი მასპინძელი.
• მრავალსართულიან შენობებში, კონდომინიუმებში, ტაუნჰაუსებსა და ბინებში არსებული ოთახები პირად ოთახებად ჩაითვლება იმ შემთხვევაში, თუ ისინი აკმაყოფილებს კრიტერიუმებს.

საცხოვრებელი სივრცეები, რომლებიც არა ოთახებად, არამედ სხვა ტიპის ვარიანტებად ითვლება

შემდეგი ვარიანტები ითვლება მთლიანად შემოთავაზებულ საცხოვრებლებად, საზიარო ოთახებად ან სხვა ტიპის ობიექტებად (მაგრამ არა ოთახებად):

• ლოფტები, ოთახები ან სხვა ვარიანტები, რომლებსაც არ აქვს კარი და გამოყოფილი არ არის საცხოვრებლის სხვა სივრცეებისგან.
• საზიარო ოთახები, კერძოდ კი, საძინებლები, რომლებით სარგებლობა სხვებსაც შეუძლიათ.
• კარვები, საცხოვრებელი ავტოფურგონები, Airstream‑ები ან ავტობუსები.
• სასტუმროები, აპარტ‑ოტელები, პანსიონატები, ჰოსტელები, თანამცხოვრებთან საზიარო ბინები, აპარტამენტები, საოჯახო სასტუმროები, სახლები ბუნებაში, გამაჯანსაღებელი ან სხვა ტიპის კურორტები.
• B&B‑ები შეიძლება განისაზღვროს ან არ განისაზღვროს ცალკე ოთახებად — მაგალითად, ის ცალკე ოთახად არ ჩაითვლება, თუ ის არის ბუტიკ‑ოტელის ან ჰოსტელის მსგავსი, ან არ აკმაყოფილებს მოთხოვნებს.
• ფლიგელები ან საოჯახო სასტუმროები, რომლებსაც საერთო უკანა ეზო აქვს, სხვა მხრივ კი იზოლირებულ საცხოვრებელ სივრცეებს წარმოადგენს.

თუ ოთახის სახით განთავსებული საცხოვრებელი არ აკმაყოფილებს მოთხოვნებს…

ვინაიდან ოთახები კონკრეტულ კრიტერიუმებს უნდა აკმაყოფილებდეს, თუ აღნიშნულთან დაკავშირებით რაიმე გაურკვეველი იქნება, თქვენ მიერ განთავსებულ საცხოვრებელ სივრცეს მიენიჭება „საცხოვრებლის“ ზოგადი კატეგორია და მის შესახებ განცხადება შეხვდება მათ, ვინც ნებისმიერი ტიპის საცხოვრებელს ეძებს. თუ განცხადებას მოთხოვნების დაცვით განაახლებთ, დაგვიკავშირდით, რომ დავადგინოთ, ჩაითვალოს თუ არა თქვენ მიერ განთავსებული ვარიანტი ოთახად.