მასპინძლის პროფილის უპირატესობები

სტუმრებისგან შევიტყვეთ, რომ ოთახის დაჯავშნამდე სურდათ, სცოდნოდათ, ვისთან იქნებოდა საზიარო დანარჩენი სივრცე. მასპინძლის პროფილი საშუალებას გაძლევთ, წარუდგინოთ თავი სტუმრებს და მათ გარკვეული მოლოდინი შეუქმნათ.

თქვენი, როგორც მასპინძლის, პროფილი არის ის, რასაც სტუმრობის მსურველები თქვენ შესახებ ხედავენ Airbnb‑ზე. ზედა ნაწილში მითითებული იქნება თქვენი სახელი, მასპინძლობის გამოცდილების ხანგრძლივობა, ვარსკვლავებით მიღებული შეფასება და რამდენიმე სტუმრის მიმოხილვა. აღნიშნულის ქვემოთ აისახება დამატებითი პირადი ინფორმაცია. ამ სექციას შეგიძლიათ დაამატოთ ცნობები იმის შესახებ, თუ რა სფეროში მუშაობთ, რა ჰობი გაქვთ, რომელ ენებს ფლობთ, ასევე, მოჰყვეთ სახალისო ფაქტები თქვენ შესახებ, გააზიაროთ თქვენი შინაური ცხოველის სახელი და რას სთავაზობთ სტუმრებს განსაკუთრებულს.

მასპინძლის პროფილიდან გარკვეული ინფორმაცია, შესაძლოა, დაერთოს ოთახების ძიების შედეგებს. თქვენს ფოტოზე შეხებით სტუმრები თქვენს სრულ პროფილს იხილავენ. თქვენს პროფილზე გადასვლა, ასევე, შესაძლებელია თქვენი განცხადებიდანაც.

შეიტყვეთ, როგორ გადაიღოთ ფოტო შესანიშნავი პირველი შთაბეჭდილების მოსახდენად.

მასპინძლის პროფილი სტუმრებთან მეგობრული ურთიერთობის დამყარების შესანიშნავი ხერხია. განსაკუთრებით, თუ საერთო ინტერესები, საქმიანობის სფერო ან მუსიკალური გემოვნება გაქვთ.

„არ არის აუცილებელი, მასპინძელი ჩემი საუკეთესო მეგობარი იყოს, თუმცა მასთან ერთ საცხოვრებელში ყოფნისას თავს კარგად უნდა ვგრძნობდე“, — გვიყვება სტეისი, სტუმარი ოკლაჰომა‑სიტიდან (აშშ), და დასძენს: „პროფილები მასპინძლების ადამიანურ მხარეს წარმოაჩენს და გარკვეულ განწყობასაც გიქმნის სტუმრობასთან დაკავშირებით“.

დეტალური ინფორმაციის წინასწარ გაცნობა ეხმარება სტუმრობის მსურველებს, გადაწყვიტონ, რამდენად შეესაბამება საცხოვრებელი მათ საჭიროებებს — ყოველივე ეს დაგიზოგავთ დროს თქვენც და სტუმრებსაც. „ხანგრძლივი მიმოწერა აღარ მჭირდება, ჯავშნების გაფორმება კი უფრო მარტივია, რადგან ჩემს ყველა შეკითხვაზე პასუხი უკვე მოცემულია“, — ამბობს სტეისი.

კრისს, სუპერმასპინძელს მეიკონიდან (ჯორჯია, აშშ), პროფილი ეხმარება უხერხულობის დაძლევაში სტუმრების გაცნობისას. „მორიდებული ადამიანი ვარ და მეტად გახსნაში მეხმარება“, — ამბობს ის.

პროფილში კრისს უწერია, რომ ის ყოფილი სპორტსმენია, ადრე კი ამერიკულ ფეხბურთს თამაშობდა 2 უნივერსიტეტისთვის, რომლებშიც ისტორიულად სწავლობდნენ შავკანიანები. ის, ასევე, აღნიშნავს, რომ:

• ყველაზე დიდ დროს ართმევს გოლფი;
• დაიბადა 80‑იან წლებში;
• სტუმრებს სთავაზობს ყავის დახლს.

გამოყავით დრო — გაუზიარეთ სტუმრობის მსურველებს ოდნავ მეტი ინფორმაცია თქვენ შესახებ. ამგვარად, შესაძლოა, გეწვიონ ადამიანები, რომლებთანაც საერთო ინტერესები და გატაცებები გექნებათ.

სტეისი, მაგალითად, აღნიშნავს: „თუ წავიკითხავ, რომ ერთი მასპინძელი ყველაზე დიდ დროს კარაოკეს უთმობს, მეორე კი — Netflix‑ის ყურებას, მივხვდები, რომ ისინი სხვადასხვა ტიპის სტუმრებს მოელიან“.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.