მასპინძლობის მეშვეობით ანაზღაურების მიღების წესი
ყველაზე მნიშვნელოვანი
ანაზღაურების მიღების მეთოდის მითითება დაგეხმარებათ კუთვნილი თანხის დაუბრკოლებლად მიღებაში
ანაზღაურების ოდენობის გამოთვლისას გაითვალისწინეთ როგორც თქვენ მიერ ერთ ღამეზე დაწესებული ტარიფი, ისე სტუმრებისა და მასპინძლებისთვის დაკისრებული გადასახადები თუ ოფიციალური მოსაკრებლები
- დაიხმარეთ ჩვენი სრული გზამკვლევი ეფექტური განცხადების შესაქმნელად
დამწყები მასპინძლები ხშირად ინტერესდებიან, როგორ მიიღებენ ანაზღაურებას. ანაზღაურების მიღების პარამეტრების დაყენება Airbnb‑ზე რამდენიმე მარტივი ნაბიჯის გავლით შეგიძლიათ.
ანაზღაურების მიღების ხერხი
მასპინძლობისთვის კუთვნილი ანაზღაურების მიღების მეთოდს თავად ირჩევთ. ვარიანტებს შორისაა სწრაფი ჩარიცხვა, საბანკო გადარიცხვა, PayPal, Payoneer‑ის სადებეტო ბარათები, Western Union და სხვა. მათი ხელმისაწვდომობა დამოკიდებულია თქვენს საცხოვრებელ ქვეყანაზე.
ანაზღაურების მიღების მეთოდის ასარჩევად გადადით თქვენი ანგარიშის „გადახდისა და ანაზღაურების“ სექციაზე. თქვენ მიერ არჩეული მეთოდი გამოყენებული იქნება მომავალში მისაღები ყველა ანაზღაურებისთვის, სანამ მას არ შეცვლით.
ამას გარდა, დაგჭირდებათ გადასახადის გადამხდელის ინფორმაციის მოწოდებაც, სათანადო საგადასახადო დოკუმენტაცია რომ მოგიმზადოთ. ზუსტად არ იცით, გეხებათ თუ არა აღნიშნული? შეიტყვეთ ვრცლად Airbnb‑სგან საგადასახადო ფორმების მიღების შესახებ.
კუთვნილი ანაზღაურება დაუბრკოლებლად რომ მიიღოთ, ანაზღაურების მიღების მეთოდი უნდა დადასტურდეს. დადასტურებას საშუალოდ 2‑დან 10 დღემდე სჭირდება. აღნიშნული არ ეხება „სწრაფ ჩარიცხვას“ — ეს მეთოდი მყისიერად დასტურდება.
ანაზღაურების ოდენობა
კუთვნილი ანაზღაურების ოდენობა რომ გამოთვალოთ, თქვენ მიერ ერთ ღამეზე დაწესებული ტარიფი უნდა გაამრავლოთ დაჯავშნილი ღამეების რაოდენობაზე, მიღებულ ჯამს კი დაამატოთ თქვენ მიერვე განსაზღვრული არასავალდებულო დამატებითი გადასახადები (მაგალითად, დასუფთავებისთვის). შედეგად მიიღებთ ჯავშნის შუალედურ ღირებულებას.
ჯავშნის შუალედურ ღირებულებას გამოაკელით მოქმედი გადასახადები და ოფიციალური მოსაკრებლები. ოფიციალური მოსაკრებლების ოდენობა დამოკიდებულია თქვენს საცხოვრებელ ქვეყანაზე, მასპინძლებისთვის დაკისრებული მომსახურების გადასახადი კი, როგორც წესი, 3%‑ია.
თუ ანაზღაურების მიღება გაჭიანურდება, ან ის მოსალოდნელზე დაბალი აღმოჩნდება, ამის მიზეზი, შესაძლოა, იყოს თქვენ მიერ დაწესებული ფასდაკლებები ან ჯავშნის გაუქმება თუ შეცვლა (რის შედეგადაც სტუმარს თანხა მთლიანად ან ნაწილობრივ დაუბრუნდა). ანაზღაურების მიღების ზოგიერთი მეთოდით სარგებლობისთვის, შესაძლოა, გარკვეული ოდენობის საკომისიოს გადახდაც იყოს საჭირო, თუმცა მათი უმეტესობის გამოყენება დამატებით გადასახადს არ ითვალისწინებს.ანაზღაურების მიღების დრო
მასპინძლობისთვის კუთვნილი ანაზღაურება გაიცემა სტუმრის დაბინავების დაგეგმილი დროიდან დაახლოებით 24 საათში. თქვენს ანგარიშზე თანხის ასახვის ზუსტი დრო დამოკიდებულია ანაზღაურების მიღების მეთოდზე.
გთავაზობთ ინფორმაციას ანაზღაურების მიღების სხვადასხვა მეთოდისა (მათი ხელმისაწვდომობა განსხვავდება) და ტრანსაქციების დამუშავების სტანდარტული ვადების შესახებ:
- სწრაფი ჩარიცხვა: 30 წუთამდე
- Payoneer: 24 საათამდე
- PayPal: 1 სამუშაო დღე
- Western Union: 1 სამუშაო დღე (შესაძლოა, განსხვავდებოდეს ქვეყნის/რეგიონის მიხედვით)
- საბანკო გადარიცხვა: 3–5 სამუშაო დღე
- საერთაშორისო საბანკო გადარიცხვა: 3–7 სამუშაო დღე
გრძელვადიანი ჯავშნების (28 ან მეტი ღამის ხანგრძლივობის) შემთხვევაში, Airbnb ანაზღაურებას ყოველთვიურად გასცემს. პირველი ანაზღაურება გაიცემა სტუმრის დაბინავების დროიდან დაახლოებით 24 საათში. ანაზღაურების სტატუსის შემოწმება ნებისმიერ დროს შეგიძლიათ ტრანსაქციების ისტორიიდან.
ყველაზე მნიშვნელოვანი
ანაზღაურების მიღების მეთოდის მითითება დაგეხმარებათ კუთვნილი თანხის დაუბრკოლებლად მიღებაში
ანაზღაურების ოდენობის გამოთვლისას გაითვალისწინეთ როგორც თქვენ მიერ ერთ ღამეზე დაწესებული ტარიფი, ისე სტუმრებისა და მასპინძლებისთვის დაკისრებული გადასახადები თუ ოფიციალური მოსაკრებლები
- დაიხმარეთ ჩვენი სრული გზამკვლევი ეფექტური განცხადების შესაქმნელად