დაჯავშნის პარამეტრების არჩევის წესი
სტუმრობის მსურველებისგან ჯავშნების მიღება ორი ვარიანტიდან ერთ‑ერთით შეგიძლიათ: ავტომატურად, მომენტალური დაჯავშნის ფუნქციის გამოყენებით, ან არაავტომატურად, რა შემთხვევაშიც ინდივიდუალურად უნდა გამოეხმაუროთ დაჯავშნის მოთხოვნებს. მრავალი სტუმარი და მასპინძელი უპირატესობას მომენტალურ დაჯავშნას ანიჭებს, რადგან ის დროის დაზოგვაში გეხმარებათ.
რას გულისხმობს მომენტალური დაჯავშნა?
მომენტალური დაჯავშნის ფუნქცია სტუმრობის მსურველებს საშუალებას აძლევს, მყისიერად დაჯავშნონ თქვენს კალენდარში დასაჯავშნად ხელმისაწვდომი ნებისმიერი თარიღი. დაჯავშნის მოთხოვნებს მიიღებთ მხოლოდ განსაკუთრებულ შემთხვევებში, როცა საჭიროა თქვენი დასტური (მაგალითად, თუ სტუმრობა 31 ღამეზე ხანგრძლივი პერიოდით იგეგმება).
სტუმრობის ყველა მსურველი უნდა დაეთანხმოს თქვენს სახლის წესებს და დააკმაყოფილოს Airbnb‑ს მოთხოვნები ჯავშნების გაფორმების მიმართ. განცხადების გამოქვეყნების შემდეგ საშუალება გექნებათ, განსაზღვროთ პარამეტრები, რომელთა მიხედვითაც მომენტალურად დაჯავშნის მსურველები ვალდებული იქნებიან:
- ჰქონდეთ დასრულებული ჯავშანი უარყოფითი მიმოხილვისა თუ Airbnb‑ს მხარდაჭერის გუნდისთვის შეტყობინებული ინციდენტის გარეშე.
- წაიკითხონ თქვენ მიერ მომზადებული დაჯავშნისწინა შეტყობინება, რომელსაც ისინი ავტომატურად მიიღებენ, და უპასუხონ მასში მოცემულ შეკითხვებს.
როგორ დავადასტურო პირველი 5 ჯავშანი?
როცა სტუმარი თქვენ მიერ განთავსებული საცხოვრებლის დაჯავშნას მოისურვებს, დაჯავშნის მოთხოვნას მიიღებთ. მოთხოვნის დაკმაყოფილებისთვის ან უარყოფისთვის გექნებათ 24 საათი, შემდეგ კი მოთხოვნის მოქმედების ვადა ამოიწურება. საჭიროებისამებრ, შეგიძლიათ გაფრთხილებების მიღების დაყენება, რომ დაჯავშნის მოთხოვნების შესახებ დროულად შეიტყოთ.
როცა სტუმრობის მსურველი დაჯავშნის მოთხოვნით მოგმართავთ, შესაბამისი თარიღები ავტომატურად იბლოკება თქვენს კალენდარში, რომ მათი დაჯავშნა სხვამაც არ მოითხოვოს. აღნიშნული თარიღები დაბლოკილი დარჩება, თუ დაჯავშნის მოთხოვნას დააკმაყოფილებთ, ან მას მოქმედების ვადა ამოეწურება, ამიტომ მნიშვნელოვანია, დროულად გამოეხმაუროთ თითოეულ მოთხოვნას.
დაჯავშნის პარამეტრები თავისით გადავა მომენტალურ დაჯავშნაზე, როცა 5 ჯავშანს დაადასტურებთ. პარამეტრების ჩასწორებას ნებისმიერ დროს შეძლებთ.
რომელი ვარიანტი ავირჩიო?
დაჯავშნის პარამეტრების არჩევისას გაითვალისწინეთ შემდეგი:
მომენტალური დაჯავშნა
- სტუმრების მსურველებს მოსწონთ, როცა ჯავშნები მყისიერად დასტურდება, რაც, თავის მხრივ, მეტი ჯავშნის მიღებაში დაგეხმარებათ.
- მომენტალური დაჯავშნის ფუნქციით მხოლოდ ის ჯავშნები დადასტურდება, რომლებიც თქვენ მიერ განსაზღვრულ პარამეტრებს აკმაყოფილებს.
- დაგჭირდებათ კალენდრის რეგულარული განახლება და მისი სინქრონიზაცია თქვენ მიერ გამოყენებულ სხვა კალენდრებთან (ასეთის არსებობის შემთხვევაში).
დაჯავშნის მოთხოვნები
- სტუმრობის მსურველებს მოსწონთ, როცა მასპინძლები მათ სწრაფად ეხმაურებიან, ამიტომ უმჯობესია, ეს ვარიანტი გამოიყენოთ მხოლოდ იმ შემთხვევაში, თუ პასუხის 24 საათის განმავლობაში გაცემა შეგიძლიათ.
- კარგი ვარიანტია, თუ გსურთ, სტუმრობის მსურველებთან ხაზგასმით განიხილოთ საცხოვრებელთან დაკავშირებული განსაკუთრებული წესები ან თავისებურებები, მაგალითად, ის, რომ ერთადერთ შესასვლელთან მიმავალი კიბე საკმაოდ დაქანებულია.
- მოთხოვნების უარყოფა დაუშვებელია ისეთი მიზეზებით, რომლებიც ეწინააღმდეგება Airbnb‑ს ანტიდისკრიმინაციულ პოლიტიკას.
აირჩიეთ ის ვარიანტი, რომელიც დაგეხმარებათ, აირიდოთ ჯავშნების თავიდან აცილებადი მიზეზით გაუქმების შემთხვევები და თანმდევი გადასახადები თუ სხვა უარყოფითი შედეგები.
სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.