მასპინძლობის ბიზნესის განვითარება
მასპინძლობის ბიზნესის ზრდის პარალელურად ჯავშნების რაოდენობის მატებისა და შემდგომი განვითარების გზების ძიება დაგჭირდებათ.
მიზნების მიღწევა
Airbnb‑ს მეშვეობით მასპინძლობა ხელს შეგიწყობთ ბიზნესმიზნების მიღწევაში მიუხედავად იმისა, ახალი/არსებული ობიექტების დამატებას აპირებთ თუ უკვე განთავსებულ სივრცეებში გეგმავთ ინვესტირებას.
- პოპულარობა სტუმრობის მსურველთა შორის: სტუმრობის მსურველთა მხრიდან მოთხოვნა მაღალი რჩება. 2023 წლის ივლისში, აგვისტოსა და სექტემბერში დაჯავშნილი ღამეებისა და შთაბეჭდილებების რაოდენობა 14%‑ით გაიზარდა 2022 წლის ანალოგიურ პერიოდთან შედარებით.*
- სტაბილური განვითარება: 2023 წლის ივლისი-სექტემბრის პერიოდში Airbnb‑ზე რეგისტრირებული მასპინძლების შემოსავალმა 19 მილიარდ აშშ დოლარზე მეტი შეადგინა. 2023 წლის ნოემბრის მდგომარეობით, Airbnb‑ზე მოქმედი განცხადებების რაოდენობის ორნიშნა პროცენტული ზრდა დაფიქსირდა ყველა რეგიონსა და ბაზარზე.*
- ინვესტირება მომხმარებელთა მხარდაჭერაში: 2023 წლის ზაფხულში მომხმარებლების ზარების 94%‑ს ინგლისურ და 9 სხვა ენაზე ორი წუთის განმავლობაში ვპასუხობდით. 2023 წლის ნოემბერში დავიწყეთ მომხმარებელთა დაკავშირება მხარდაჭერის გუნდის იმ სპეციალისტებთან, რომელთაც კონკრეტული პრობლემების უფრო სწრაფად მოგვარება შეუძლიათ.*
- მუდმივი გაუმჯობესება: Airbnb‑ს გაუმჯობესებასთან დაკავშირებით უამრავი გამოხმაურება მივიღეთ. 2021 წლიდან წელიწადში ორჯერ ვაახლებთ ჩვენს პროდუქტს და უკვე 350 ახალი ფუნქცია თუ განახლება დავნერგეთ.
მარკეტინგის სპეციალისტთან დაკავშირება
Airbnb‑ზე სამი ან მეტი განცხადების მქონე მასპინძლებს ბიზნესის განსავითარებლად შეუძლიათ მიმართონ მარკეტინგის სპეციალისტს.
მარკეტინგის სპეციალისტი, თავის მხრივ:
- დაგეხმარებათ Airbnb‑ზე ახალი ობიექტების განთავსებაში
- ხელს შეგიწყობთ განცხადებებისთვის ოპტიმალური პარამეტრების შერჩევაში
- გიპასუხებთ პროფესიულ მასპინძლობასთან დაკავშირებულ შეკითხვებზე
- მოგაწვდით ინფორმაციას ჯავშნების გაფორმების კუთხით არსებული ტენდენციებისა და აპრობირებული მეთოდების შესახებ
- გაგაცნობთ Airbnb‑ს წესებსა და პროფესიული მასპინძლობის ხელსაწყოებში შესულ ცვლილებებს
გაითვალისწინეთ, რომ მარკეტინგის სპეციალისტები ვერ დაგეხმარებიან მომხმარებელთა მომსახურების საკითხებში (მაგალითად, არსებულ ჯავშნებთან დაკავშირებული პრობლემების ან ანგარიშის თაობაზე მსგავსი შეკითხვების შემთხვევაში).
მარკეტინგის სპეციალისტი რომ დაიხმაროთ, მოგვწერეთ ელფოსტით და გვაცნობეთ, სად იმყოფებით და რამდენი განცხადება გაქვთ. გთხოვთ, ამისთვის გამოიყენოთ Airbnb‑ზე თქვენს ანგარიშთან დაკავშირებული ელფოსტის მისამართი. ჩვენ დაგიკავშირდებით, რომ ერთად დავნიშნოთ ზარი.
*ეფუძნება Airbnb‑ს 2023 წლის III კვარტლის ანგარიშს შემოსავლების შესახებ
თუ API‑ს მეშვეობით დაკავშირებულ პროგრამულ უზრუნველყოფას იყენებთ, ამ ფუნქციებით სარგებლობას თქვენთვის ჩვეული ინტერფეისიდანვე შეძლებთ (თუ პროგრამული უზრუნველყოფის მომწოდებელს ისინი ინტეგრირებული აქვს). თუ ფუნქციები ჯერ არ არის ინტეგრირებული, მიმართეთ პროგრამული უზრუნველყოფის მომწოდებელს და შეიტყვეთ, როდის იგეგმება ეს.
სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.