ადაპტირებული პირობების მქონე შთაბეჭდილების პოვნა

ჩვენ გვჯერა, რომ ნებისმიერი ადამიანი უცხო გარემოშიც კი თავს შინაურად უნდა გრძნობდეს, ამიტომ ვცდილობთ, მაქსიმალურად გავუმარტივოთ მოგზაურობა ადაპტირებული პირობების საჭიროების მქონე სტუმრებს.

ახლა შეგიძლიათ მოიძიოთ შთაბეჭდილებები, რომლებიც გთავაზობთ ისეთ ადაპტირებულ პირობებს, როგორიცაა საგანგებოდ აღჭურვილი სააბაზანო თუ ჟესტების ენა.

ადაპტირებული პირობები

შთაბეჭდილებების გაფილტვრა შეგიძლიათ შემდეგი პირობების მიხედვით:

გადაადგილების შეზღუდვა

• კიბეებისა თუ საფეხურების არარსებობა
• ადაპტირებული სააბაზანო
• ადაპტირებული საპარკინგე ადგილი
• ძირითადად ბრტყელი ზედაპირი

კომუნიკაცია

• აუდიო ან ვერბალური ინფორმაცია
• ჟესტების ენა
• ტექნიკური მეთოდები ყრუთათვის
• პირადი გამძღოლი

სენსორიკა

• ძლიერი სენსორული გამაღიზიანებლების გარეშე
• ადგილი მშვიდი განმარტოებისთვის

დამხმარე პირები

• შშმ სტუმრების დამხმარე პირთა უფასოდ დასწრების შესაძლებლობა

შეიტყვეთ ვრცლად დამხმარე პირთა შესახებ.

ადაპტირებული პირობების მიხედვით გასაფილტრად:

ადაპტირებული პირობების შესახებ ინფორმაციის პოვნა შთაბეჭდილების შესახებ განცხადებაში

სათქვენო შთაბეჭდილების პოვნის შემდეგ ადაპტირებული პირობების დაზუსტება რამდენიმე ხერხით შეგიძლიათ.

• შთაბეჭდილების აღწერილობა: ხშირ შემთხვევაში, ადაპტირებული პირობების შესახებ ინფორმაციას მასპინძლები შთაბეჭდილების აღწერილობაში უთითებენ
• ადაპტირებულობის სექცია: მასპინძლებს დამატებული ექნებათ თითოეული ადაპტირებული პირობის დეტალური აღწერილობა
• მასპინძელთან დაკავშირების ღილაკი: ამა თუ იმ შთაბეჭდილების ადაპტირებულობის შესახებ დამატებითი ინფორმაციისთვის, ან თუ დამხმარე პირის მონაწილეობის საკითხის შეთანხმება გსურთ, მისწერეთ უშუალოდ მასპინძელს

ანტიდისკრიმინაციული პოლიტიკა

ჩვენი გაერთიანების ყველა წევრი ერთმანეთს წინასწარგანწყობების გარეშე და პატივისცემით უნდა ეპყრობოდეს. სწორედ ამიტომ, ჩვენი ანტიდისკრიმინაციული პოლიტიკის მიხედვით, დაუშვებელია სტუმრისთვის უარის თქმა მხოლოდ იმ მიზეზით, რომ მას შეზღუდული შესაძლებლობა აქვს. ამას გარდა, მასპინძლებსა და სტუმრებს ერთმანეთისთვის ადაპტირებულობასთან დაკავშირებული ინფორმაციის გაზიარების საშუალებას ვაძლევთ.