სტუმართა რჩეულების შესახებ

Airbnb‑ზე განთავსებულია 8 მილიონზე მეტი საცხოვრებელი მსოფლიო მასშტაბით. თითოეული ვარიანტი უნიკალურია და სწორედ ეს არის Airbnb‑ს განმასხვავებელი ნიშანი.

როცა ადამიანმა იცის, რომელი საცხოვრებლები მოსწონთ სტუმრებს ყველაზე მეტად, სტუმრობისთვის შესანიშნავი ვარიანტის პოვნა საგრძნობლად მარტივდება. სტუმართა რჩეულების ცნება სწორედ ამიტომ შემოვიღეთ.

სტუმართა რჩეულები აერთიანებს სტუმრების ყველაზე საყვარელ საცხოვრებლებს Airbnb‑ზე. ისინი განისაზღვრება ნახევარ მილიარდზე მეტი სტუმრობის შემდეგ დაფიქსირებული შეფასებებისა და მიმოხილვების, ასევე, საიმედოობის კუთხით არსებული მონაცემების საფუძველზე. სტუმართა რჩეულები ყოველდღიურად ვლინდება — თუ თქვენ მიერ განთავსებულ საცხოვრებელს ეს სტატუსი ამ ეტაპზე არ მოუპოვებია, ყველაფერი ჯერ წინ გაქვთ.

სტუმართა რჩეულები განისაზღვრება სხვადასხვა ფაქტორის საფუძველზე. მათ შორისაა:

• ბოლო 4 წლის განმავლობაში მინიმუმ 5 მიმოხილვა სტუმრებისგან, მათ შორის, მინიმუმ 1 მიმოხილვა ბოლო 2 წლის განმავლობაში;
• შესანიშნავი მიმოხილვები და შეფასებები — საშუალოდ მინიმუმ 4,9 ვარსკვლავი;
• მაღალი შეფასებები დაბინავების, სისუფთავის, სიზუსტის, მასპინძელთან კომუნიკაციის, მდებარეობისა და ფასის ხარისხთან შეფარდების კუთხით;
• ბრწყინვალე საიმედოობა — მასპინძლის მხრიდან გაუქმების შემთხვევებისა და მხარდაჭერის გუნდისადმი ხარისხთან დაკავშირებით მიმართვიანობის 1%‑ზე დაბალი საშუალო მაჩვენებელი.

სტუმართა რჩეულები ვლინდება მსოფლიო მასშტაბით და მათი Airbnb‑ზე პოვნა მარტივია.

სტუმართა რჩეული საცხოვრებლები აღნიშნულია სპეციალური ნიშნით როგორც ძიების შედეგებში, ისე განცხადებების გვერდებზე. სტუმრობის მსურველებს სტუმართა რჩეული საცხოვრებლების პოვნა საგანგებო ფილტრითაც შეუძლიათ.

სუპერმასპინძლები განსაკუთრებული სტუმარ‑მასპინძლობის ისტორიით ხასიათდებიან. სუპერმასპინძლობის პროგრამის კუთხით არაფერი იცვლება. კრიტერიუმები იგივე რჩება, მასპინძელთა მაჩვენებლებს კი კვლავ ყოველკვარტალურად შევაფასებთ.

თუ ხართ სუპერმასპინძელი, რომლის მიერ განთავსებული საცხოვრებელიც სტუმართა რჩეულებს შორის მოხვდა, თქვენი განცხადების გვერდზე მითითებული იქნება ორივე სტატუსი, ძიების შედეგებში კი მოცემული იქნება სტუმართა რჩეულის ნიშანი. იმ შემთხვევაში კი, თუ სუპერმასპინძელი ხართ, მაგრამ თქვენ მიერ განთავსებულ საცხოვრებელს სტუმართა რჩეულის სტატუსი ჯერ არ მოუპოვებია, განცხადების გვერდსა და ძიების შედეგებში კვლავინდებურად მოცემული იქნება სუპერმასპინძლის ნიშანი.

სტუმართა რჩეულების გამოვლენისას, თქვენ მიერ განთავსებული საცხოვრებლები ცალ‑ცალკე შეფასდება კრიტერიუმებთან შესაბამისობაზე.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.