„შეტყობინებების“ ჩანართის მაქსიმალურად გამოყენება
„შეტყობინებების“ ჩანართი არის სივრცე, რომელშიც თავმოყრილია მასპინძლობასთან, სტუმრობასა თუ მხარდაჭერასთან დაკავშირებით Airbnb‑ს მეშვეობით მიღებული თქვენი ყველა შეტყობინება. „შეტყობინებების“ ჩანართში წარმოდგენილი ფუნქციების მეშვეობით შეგიძლიათ:
- შეტყობინებების გაფილტვრა და ძიება.
- წინასაწარ შედგენილი შაბლონების (ე.წ. „მზა პასუხების“) დაუყოვნებლივ ან განრიგის მიხედვით გაგზავნა.
- ბოლოდროინდელი შეტყობინებების ჩასწორება და მათი გაგზავნის გაუქმება.
- ჯავშანში დაფიქსირებულ ყველა სტუმართან ერთი მიმოწერის ფარგლებში კომუნიკაცია.
- შეტყობინებათა წაკითხვის დადასტურების მეშვეობით იმის გარკვევა, წაიკითხეს თუ არა სტუმრებმა თქვენი შეტყობინებები.
- თქვენი გზამკვლევის გაზიარება და Airbnb‑ზე წარმოდგენილი ადგილობრივი შთაბეჭდილებებისა თუ მომსახურებების რეკომენდება.
- შეტყობინებებისთვის ფოტოებისა და ვიდეოების მიმაგრება.
შეტყობინებების გაფილტვრა და ძიება
„შეტყობინებების“ ჩანართში შეტყობინებები გადანაწილებულია კატეგორიების მიხედვით. ძირითადი კატეგორიებია: საცხოვრებლები, შთაბეჭდილებები, მომსახურებები, სტუმრობა, მხარდაჭერა და პირადი შეტყობინებები.
ნაგულისხმევ ხედში, ყველა, ნაჩვენები იქნება მხოლოდ Airbnb‑ზე თქვენი ანგარიშის შესაბამის კატეგორიები. შეტყობინებები ტიპის მიხედვით რომ გაფილტროთ, აირჩიეთ ნებისმიერი კატეგორია.
საცხოვრებლების არჩევის შემთხვევაში საშუალება გექნებათ, გამოიყენოთ შემდეგი დამატებითი ფილტრები:
- წაუკითხავი, რომელიც გაჩვენებთ მხოლოდ გაუხსნელ შეტყობინებებს.
- სტუმრობის ეტაპი, რომელიც დაახარისხებს შეტყობინებებს დაჯავშნის მოთხოვნების, მომავალი ჯავშნების, მიმდინარე სტუმრობებისა და წარსული ჯავშნების მიხედვით.
- განცხადებები, რომელიც ახარისხებს შეტყობინებებს განცხადებების მიხედვით, თუ ერთზე მეტი განცხადება გაქვთ.
- ვარსკვლავით მონიშნული, რომელიც გაჩვენებთ მხოლოდ იმ შეტყობინებებს, რომლებიც ვარსკვლავით მონიშნეთ.
„შთაბეჭდილებებისა“ და „მომსახურებების“ შემთხვევაში ხელმისაწვდომია შემდეგი დამატებითი ფილტრები:
- წაუკითხავი, რომელიც გაჩვენებთ მხოლოდ გაუხსნელ შეტყობინებებს.
- ვარსკვლავით მონიშნული, რომელიც გაჩვენებთ მხოლოდ იმ შეტყობინებებს, რომლებიც ვარსკვლავით მონიშნეთ.
- ჯგუფური მიმოწერები, რომელიც ჯავშნების მიხედვით ახარისხებს მიმოწერებს ერთზე მეტ სტუმართან.
თუ თანამასპინძელი გყავთ, ან ბრენდის ელჩი სუპერმასპინძელი ხართ, „შეტყობინებების“ ჩანართში, ასევე, დაგხვდებათ შემდეგი ფილტრები:
- თანამასპინძელი, რომელიც გაჩვენებთ მიმოწერას თქვენსა და განცხადებაში მითითებულ ყველა თანამასპინძელს შორის.
- ბრენდის ელჩი სუპერმასპინძელი, რომელიც გაჩვენებთ თქვენსა და თქვენზე მომაგრებულ მასპინძლებს შორის დაგზავნილ შეტყობინებებს.
სტუმრობის ფილტრის გამოყენებით შეგიძლიათ ნახოთ შეტყობინებები, რომლებსაც სტუმრის სტატუსით გზავნით და იღებთ. მხარდაჭერის ფილტრი გაჩვენებთ თქვენს მიმოწერებს Airbnb‑ს მხარდაჭერის გუნდთან.
თუ კონკრეტული მიმოწერა გაინტერესებთ, შეტყობინებებში ძიება შეგიძლიათ სახელების, სიტყვებისა თუ ცალკეული ფრაზების მითითებით. შედეგებს თქვენ მიერ გამოყენებული ფილტრების გათვალისწინებით მიიღებთ, რაც მიმოწერების უფრო სწრაფად პოვნაში შეგიწყობთ ხელს.
მზა პასუხების გაგზავნა
მზა პასუხი გულისხმობს მოკლე, წინასწარ შედგენილ შეტყობინებას, რომელიც შაბლონის სახითაა შენახული თქვენს მიმოწერის პარამეტრებში.
ხელმისაწვდომია სხვადასხვა მონაცემის — მაგალითად, სტუმრის სახელის — შესავსებად განკუთვნილი ცვლადებიც, რომლებიც პერსონალურ ელფერს შესძენს თითოეულ შეტყობინებას. აღნიშნული მონაცემები მიიღება განცხადებაში ან ჯავშანში დაფიქსირებული ინფორმაციიდან.
მზა პასუხები გეხმარებათ მომართვებზე ოპერატიულად გამოხმაურებასა და დროის დაზოგვაში. შექმენით საკუთარი მზა პასუხები ან ჩაასწორეთ Airbnb‑ს მიერ მომზადებული შაბლონები, შემდეგ კი გაგზავნეთ ისინი დაუყოვნებლივ ან განრიგის მიხედვით, მნიშვნელოვან ეტაპებზე.
შეიტყვეთ ვრცლად საცხოვრებლების, შთაბეჭდილებებისა თუ მომსახურებათა მასპინძლებისთვის განკუთვნილი მზა პასუხების შესახებ.
ჯგუფთან კომუნიკაცია
ყოველი ჯავშნისთვის იქმნება ახალი მიმოწერა „შეტყობინებების“ ჩანართში. სტუმარს, რომელმაც გააფორმა ჯავშანი, შეუძლია მისი თანმხლები სხვა ადამიანების მოწვევა ჯავშანში დასაფიქსირებლად. ყველა, ვინც აღნიშნულ მოწვევაზე თანხმობას განაცხადებს, ავტომატურად დაემატება მიმოწერას.
თუ სტუმრებს შთაბეჭდილებას სთავაზობთ, ყველა ადამიანი, რომლებიც ერთსა და იმავე თარიღისა და დროისთვის დაჯავშნის ადგილს, ავტომატურად დაემატება ერთიან ჯგუფურ მიმოწერას. მათ, ასევე, საშუალება ექნებათ, მოიწვიონ თანმხლები პირები.
მასპინძლები და თანამასპინძლები შეტყობინებებს მთელ ჯგუფს უგზავნიან. სტუმრებს ყველა შეტყობინების წაკითხვა შეუძლიათ (იმ შემთხვევაშიც კი, თუ ისინი მიმოწერას გვიან შემოუერთდნენ), ამიტომ ინფორმაციის გამეორება აღარ მოგიწევთ.
შეეხეთ ღილაკს დეტალურად, რომ გაეცნოთ დამატებით ინფორმაციას ჯავშნისა და მიმოწერის შესახებ (ყველა დამატებული სტუმრის სიის ჩათვლით). სტუმრის პროფილზე გადასასვლელად და მის უკეთ გასაცნობად აირჩიეთ მისი ფოტო.
მიმოწერის სხვა ფუნქციების გამოყენება
„შეტყობინებების“ ჩანართის სხვა ფუნქციები ეხმარება მასპინძლებსა და თანამასპინძლებს როგორც ერთმანეთთან, ისე სტუმრებთან კომუნიკაციაში ჯავშნის გაფორმებამდე, მისი მოქმედების პერიოდში და სტუმრობის დასრულების შემდეგ.
- ჯაჭვური პასუხების ფუნქცია საშუალებას გაძლევთ, კონკრეტულ შეტყობინებაზე პასუხის გაცემისას შექმნათ პასუხების ჯაჭვი, რომელიც უშუალოდ თავდაპირველი შეტყობინების ქვეშ გამოჩნდება.
- ჩასწორების ხელსაწყოების დახმარებით შეტყობინების ჩასწორებას მისი გაგზავნიდან 15 წუთის განმავლობაში შეძლებთ, ხოლო გაგზავნილი შეტყობინების გაუქმებისთვის 24 საათი გექნებათ.
- შეტყობინებათა წაკითხვის დადასტურების ფუნქცია გაჩვენებთ, ნახეს თუ არა თქვენი შეტყობინებები სტუმრებმა თუ სხვებმა (თუ მათ გამორთული არ ექნებათ აღნიშნული ფუნქცია თავიანთი ანგარიშების პარამეტრებიდან).
- რეკომენდაციები გიმარტივებთ სხვებისთვის თქვენი გზამკვლევის გაზიარებასა და ადგილობრივ შთაბეჭდილებებსა თუ მომსახურებების რეკომენდებას.
- ფოტოებისა და ვიდეოების გაზიარება საშუალებას გაძლევთ, თანამასპინძლებისთვის ან სტუმრებისთვის (ჯავშნის დადასტურების შემდეგ) გაგზავნილ შეტყობინებებს ფაილები მიამაგროთ.
კითხვა‑პასუხი „შეტყობინებების“ ჩანართთან დაკავშირებით
სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.