შემოთავაზებულ შედეგებზე წვდომისთვის გადადით წინ
    ეს კონტენტი თქვენ მიერ არჩეულ ენაზე მიუწვდომელია, ამიტომაც ამჟამად იმ ენაზე გთავაზობთ, რომელიც მასთან ყველაზე ახლოსაა.

    სტუმრებთან კომუნიკაციის საფუძვლები

    დაიხმარეთ რჩევები და შაბლონი სტუმრობის მსურველებთან კომუნიკაციისთვის.
    ავტორი: Airbnb (8 იან, 2020)
    2-წუთიანი საკითხავი
    განახლების თარიღი: 6 ოქტ, 2022

    ყველაზე მნიშვნელოვანი

    • მნიშვნელოვან მომენტებში კომუნიკაცია აგრძნობინებს სტუმრებს, რომ მათზე ზრუნავთ

    • Airbnb გთავაზობთ ხელსაწყოებს, რომლებიც კომუნიკაციის ავტომატიზაციაში დაგეხმარებათ

    • შეტყობინებებში ინკლუზიური ენის გამოყენება მარტივად მიანიშნებს სტუმრებს, რომ ყველა მათგანს მიესალმებით

    სტუმრებთან ეფექტური კომუნიკაცია შესანიშნავი სტუმრობისკენ გადადგმული პირველი ნაბიჯია. თუ დაჯავშნით დაინტერესების მომენტიდან საცხოვრებლიდან გასვლამდე სტუმრებთან მკაფიო და ოპერატიული კომუნიკაცია გექნებათ, მათ ყველაფერი სასიამოვნოდ დაამახსოვრდებათ (და, დიდი ალბათობით, ამისთვის დადებით მიმოხილვებსაც დაიმსახურებთ).

    რჩევები ეფექტური კომუნიკაციისთვის

    იმოქმედეთ ღიად: დანიელი, მასპინძელი სან‑ფრანცისკოდან, აღნიშნავს, რომ ის ყოველთვის გულახდილად აზიარებს ინფორმაციას საცხოვრებლის შესახებ. „ის, თუ რას უყვებით სტუმრებს საცხოვრებელთან დაკავშირებით და რეალურად რა დახვდებათ, თანხვედრაში უნდა იყოს“, — ამბობს ის და დასძენს: „ჯობს, ზედმეტად შელამაზებულად არ აღწეროთ საცხოვრებელი და მან სტუმრების მოლოდინს გადააჭარბოს, ვიდრე პირიქით“.

    გამოიჩინეთ გულისხმიერება: გადადგით ნაბიჯი ინკლუზიურობისკენ და, უბრალოდ, ჰკითხეთ სტუმრებს, რა სჭირდებათ იმისთვის, რომ სტუმრობისას თავი კომფორტულად და შინაურულად იგრძნონ. გირჩევთ, წინასწარ არაფერი დაასკვნათ და გამოხატოთ თანაგრძნობა.

    იყავით კავშირზე: ანეტი, სუპერმასპინძელი სან‑ფრანცისკოდან, ყოველთვის ახსენებს სტუმრებს: „გთხოვთ, ნუ შეეცდებით რაიმეს დამოუკიდებლად შეკეთებას, თუნდაც პრობლემა უმნიშვნელო იყოს. დაგვიკავშირდით და ყველაფერზე ჩვენ ვიზრუნებთ“. რუტინული საკითხებისთვის გამოცდილი მასპინძლები სარგებლობენ მზა პასუხების ფუნქციით, რომელიც უმარტივებს მათ სტუმრებთან კომუნიკაციას.

    გამოიჩინეთ ყურადღება: სიკეთის უმნიშვნელო გამოვლენამაც კი შეიძლება სტუმრობა დაუვიწყარ მოგონებად აქციოს თქვენთვისაც და სტუმრებისთვისაც. სტუმრების თქმით, როცა პრობლემა წამოიჭრება, ძალიან მნიშვნელოვანია, როგორ რეაგირებს მასპინძელი.

    გამოიყენეთ ტექნოლოგიები: თუ სტუმრებთან კომუნიკაცია Airbnb‑ს აპის მეშვეობით გექნებათ, უფრო დაცული იქნებით, რადგან თქვენი მიმოწერები ინახება იმ შემთხვევისთვის, თუ ოდესმე პრობლემა შეგექმნებათ და მხარდაჭერის გუნდის დახმარება დაგჭირდებათ. აპი, ასევე, გაგიმარტივებთ საჭირო ინფორმაციის პოვნას თქვენი ყველა სტუმრის შესახებ.

    სტუმრებთან კომუნიკაციის მნიშვნელოვანი ეტაპები

    დაჯავშნით დაინტერესება: როცა სტუმრობის მსურველი საცხოვრებლის დაჯავშნასთან დაკავშირებით მოგმართავთ, ის ოპერატიულ პასუხს მოელის. ოპერატიულობა მხოლოდ სტუმრების კმაყოფილებისთვის კი არ არის მნიშვნელოვანი, ის სუპერმასპინძლის სტატუსის მიღების კრიტერიუმებიდან ერთ‑ერთია.

    5‑ვარსკვლავიან სტუმრობაზე ზრუნვის დაწყება პირველივე მომენტიდან შეგიძლიათ — მაგალითად, თუ სტუმრების მხრიდან მიღებულ ყველა დაინტერესებას 24 საათის განმავლობაში გამოეხმაურებით. ამასთან, სტუმრებისთვის გასაზიარებელი ინფორმაციის წინასწარ მომზადებაში და მის დროულად გაგზავნაში დაგეგმილი შეტყობინებების ფუნქცია დაგეხმარებათ.

    ჯავშნის გაფორმების მომენტი: სტუმრებს სიამოვნებთ, როცა მასპინძლები შეტყობინებას უგზავნიან და ჯავშნის გაფორმებისთვის მადლობას უხდიან. მისასალმებელ შეტყობინებას ინდივიდუალური ელფერი რომ შემატოთ, დაურთეთ მას გარკვეული ინფორმაცია, რომელიც მითითებულია სტუმრის პროფილში.

    მაგალითად, შეგიძლიათ დაუსვათ სტუმარს შეკითხვები მისი ინტერესების, მშობლიური ქალაქისა თუ ჰობის შესახებ. ამ ეტაპზევე გაქვთ საშუალება, დაინტერესდეთ სტუმრობის მიზნით, სტუმრის თანმხლები პირების ვინაობითა და სხვა დამატებითი საკითხებით.

    დაბინავებამდე: მოგზაურობისას ყველაზე რთული, ხშირ შემთხვევაში, დანიშნულების ადგილამდე მისვლაა, ამიტომ სტუმრებისთვის განსაკუთრებით მნიშვნელოვანია, ჰქონდეთ მკაფიო ინფორმაცია საცხოვრებლამდე მისასვლელ გზასა და დაბინავებასთან დაკავშირებით.

    ხშირად დასმულ შეკითხვებს მარტივად შეგიძლიათ უპასუხოთ „განცხადებების“ ჩანართის სექციიდან „ინფორმაცია სტუმრებისთვის“. ამისთვის შეავსეთ ყველა ველი, მათ შორის, მიუთითეთ საცხოვრებლამდე მისასვლელი გზა, დაბინავების ინსტრუქცია და Wi‑Fi ქსელის მონაცემები. აღნიშნული ინფორმაცია სტუმრებთან გაზიარდება დაბინავებამდე 48 საათით ადრე, „სტუმრობების“ ჩანართში.

    დაბინავება: სტუმრები (განსაკუთრებით კი, ისტორიულად მარგინალიზებული ჯგუფების წარმომადგენლები) ჩვენთან აღნიშნავენ, რომ დამოუკიდებლად დაბინავებას ამჯობინებენ, თუმცა თუ ახლომახლო იმყოფებით, შეგიძლიათ, ყოველი შემთხვევისთვის, ჰკითხოთ სტუმრებს, ხომ არ ურჩევნიათ, პირადად დახვდეთ მათ. ამას გარდა, შეგიძლიათ შექმნათ სტუმრის ცნობარი, რომელსაც დაურთავთ ინფორმაციას საცხოვრებელში არსებული სხვადასხვა სისტემისა თუ მოწყობილობის გამოყენების წესის შესახებ.

    სტუმრობის პირველი ღამის შემდეგ: მრავალი მასპინძლის თქმით, ისინი უპირატესობას ანიჭებენ სტუმრებთან რეგულარულ კომუნიკაციას. სასურველია, პერიოდულად მოიკითხოთ ხოლმე სტუმრები.

    გასვლამდე: კარგი იქნება, თუ შეახსენებთ სტუმრებს გასვლის დროს, ასევე, შეატყობინებთ, სად დატოვონ გასაღები და სხვა რა უნდა გააკეთონ (მაგალითად, ნაგავი გაიტანონ).

    გასვლის შემდეგ: ზოგიერთი მასპინძელი სტუმრებს უგზავნის შეტყობინებას, რომლითაც მადლობას უხდის სტუმრობისთვის. მსგავსი შეტყობინებები სტუმრებს იმასაც შეახსენებს, რომ მიმოხილვა დაგიტოვონ, სანამ ყველა დეტალი კარგად ახსოვთ. სასურველია, თქვენც მალევე მიმოიხილოთ სტუმრები. იყავით გულწრფელი და თავაზიანი ყველა სტუმრის მიმართ, მათი შეფასებისას კი ერთი სტანდარტით იხელმძღვანელეთ.

    დაიხმარეთ ჩვენი გზამკვლევი პირველი სტუმრების სასიამოვნოდ გასაოცებლად

    ყველაზე მნიშვნელოვანი

    • მნიშვნელოვან მომენტებში კომუნიკაცია აგრძნობინებს სტუმრებს, რომ მათზე ზრუნავთ

    • Airbnb გთავაზობთ ხელსაწყოებს, რომლებიც კომუნიკაციის ავტომატიზაციაში დაგეხმარებათ

    • შეტყობინებებში ინკლუზიური ენის გამოყენება მარტივად მიანიშნებს სტუმრებს, რომ ყველა მათგანს მიესალმებით
    Airbnb
    8 იან, 2020
    სასარგებლო იყო?

    გაეცანით სხვა თემებს