დაბინავების პროცედურის გამარტივება
სტუმრობამ დაუბრკოლებლად რომ ჩაიაროს, უაღრესად მნიშვნელოვანია, სტუმრებმა ადვილად იპოვონ საცხოვრებელი და ადვილადვე მოახერხონ მასში შესვლა. ამასთან, მნიშვნელობა არ აქვს, მათ პირადად ხვდებით თუ ვირტუალურად ურთიერთობთ — მთავარია, მკაფიოდ აუხსნათ ყველაფერი სტუმრებს.
დაბინავების პროცედურის ორგანიზება
შეიმუშავეთ დაბინავების მარტივი, საიმედო პროცედურა და დააკვირდით, რამდენად ამართლებს ის ყველა სტუმრის შემთხვევაში.
აირჩიეთ დაბინავების მეთოდი: მრავალ სტუმარს ურჩევნია დამოუკიდებლად დაბინავება, რაც გულისხმობს ღილაკებიანი პანელებისა თუ გონიერი საკეტების მსგავსი მოწყობილობების გამოყენებას.
დაამატეთ დეტალური ინსტრუქცია „განცხადებების“ ჩანართიდან: გაითვალისწინეთ, რომ დაგჭირდებათ პროცესის ამსახველი ფოტოების ატვირთვა და სტუმრებისთვის მოკლე მითითებების მიცემა.
მიუთითეთ საცხოვრებლის სწორი მისამართი და შეამოწმეთ ნიშნულის მდებარეობის სიზუსტე: თუ საცხოვრებელი ძირითადი გზიდან მოშორებით მდებარეობს, ან იმ შემთხვევაში, თუ ახალო რადიუსში სატელეფონო კავშირი შეფერხებით მუშაობს, დაურთეთ ზედმიწევნით ზუსტი მითითებები, გაუგებრობები თავიდან რომ აიცილოთ.
მიაწოდეთ სტუმრებს ინსტრუქცია დაბინავებამდე სამი დღით ადრე: დააზუსტეთ სტუმრებთან, მიიღეს თუ არა მათ ინსტრუქცია და რაიმე შეკითხვა ხომ არ აქვთ.
იყავით კავშირზე დაბინავების პერიოდში: თუ სტუმრებს რაიმე პრობლემა შეექმნებათ, უმჯობესია, თქვენ ან თქვენი თანამასპინძელი ხაზზე იყოთ, დაუყოვნებლივ რომ დაეხმაროთ მათ.
რეგულარულად შეამოწმეთ, რომ ყველა სისტემა გამართულად მუშაობს და იქონიეთ სათადარიგო გეგმა: მნიშვნელობა არ აქვს, სტუმრებს პირადად ხვდებით თუ მათ დამოუკიდებლად დაბინავების საშუალებას აძლევთ, კარგი იქნება, თუ გექნებათ მინისეიფი სათადარიგო გასაღებით.
თქვენ მიერ მომზადებულ მითითებებზე წვდომას სტუმრები შეძლებენ როგორც დაბინავების გზამკვლევიდან, ისე „სტუმრობების“ ჩანართიდან, დაბინავების დაგეგმილ დრომდე 48 საათით ადრე (ან 24 საათით ადრე, თუ გაუქმების მოქნილი წესები გაქვთ არჩეული).
5 ვარსკვლავზე მასპინძლობა
ის, თუ როგორ იგრძნობენ სტუმრები თავს საცხოვრებელში შესვლის მომენტში, უაღრესად მნიშვნელოვანია, ამიტომ იზრუნეთ სისუფთავეზე და სტუმრებთან სათანადო კომუნიკაციაზე.
საგულდაგულოდ დაასუფთავეთ საცხოვრებელი: შეიმუშავეთ დასუფთავების პროცედურა, რომელიც მოიცავს ყველა ზედაპირის, იატაკისა და ქსოვილის გასუფთავებასა თუ გადაწმენდას, ასევე, ლაქების, ჭუჭყისა და თმების მოშორებას.
დაახვედრეთ სტუმრებს მნიშვნელოვანი ინფორმაცია თვალსაჩინო ადგილას: Wi‑Fi ქსელის სახელი და პაროლი, ასევე, სტუმრის ცნობარი და გზამკვლევი შეგიძლიათ ამობეჭდოთ და სტუმრებს ადვილად შესამჩნევ ადგილას დაუტოვოთ, რომ მათ მარტივად შეძლონ თქვენი მითითებებისა თუ რეკომენდაციების გაცნობა. აღნიშნული ცნობები განცხადების გვერდზეც მიუთითეთ.
მოუმზადეთ სტუმრებს პატარა საჩუქარი: შემოქმედებითად მიუდექით სტუმრების დახვედრას — ხელით დაწერილი უბრალო წერილი ან ადგილობრივი წარმოების ნუგბარიც კი საკმარისია სასიამოვნო შთაბეჭდილების მოსახდენად.
აცნობეთ სტუმრებს, რომ ხელმისაწვდომი ხართ: მოამზადეთ დაგეგმილი შეტყობინება, რომელიც სტუმრებს დაბინავების შემდეგ მიუვათ და მათ ამცნობს, რომ ნებისმიერ საკითხთან დაკავშირებით შეუძლიათ მოგმართონ თქვენ ან თქვენს თანამასპინძელს.
დაბინავების ინსტრუქციის ჩასასწორებლად გადადით „განცხადებების“ ჩანართზე.
სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.