დაბინავების მარტივი და ეფექტიანი პროცესის ორგანიზება

მასპინძლებისთვის მოქმედი ძირითადი წესების თანახმად, სტუმრებს უნდა მიაწოდოთ ის ინფორმაცია, რომელიც მათ დასჭირდებათ როგორც დაბინავებისას, ისე სტუმრობის განმავლობაში. წარმატებული მასპინძლები სტუმრებს, ხშირ შემთხვევაში, სთავაზობენ დამოუკიდებლად დაბინავების შესაძლებლობას ისეთი მოწყობილობების მეშვეობით, როგორიცაა, მაგალითად, გონიერი საკეტი, ღილაკებიანი პანელი ან მინისეიფი. ზოგიერთ მასპინძელს სათადარიგო გეგმაც აქვს იმ შემთხვევისთვის, თუ დაბინავებისას რაიმე პრობლემა შეიქმნება.

იზრუნეთ დაბინავების პროცედურის გამარტივებაზე და დააკვირდით, გამოდგება თუ არა ის ყველა სტუმრისთვის.

• ისარგებლეთ Airbnb‑ს აპით, განცხადებას დაბინავების დეტალური ინსტრუქცია რომ დაამატოთ. აპი შემოგთავაზებთ, ატვირთოთ დაბინავების პროცესის ამსახველი ფოტოები და დაურთოთ მოკლე მითითებები, რომლებიც მარტივად იქნება ხელმისაწვდომი სტუმრებისთვის.

• მიუთითეთ საცხოვრებლის სწორი მისამართი და შეამოწმეთ ნიშნულის მდებარეობის სიზუსტე. თუ საცხოვრებელი ძირითადი გზიდან მოშორებით მდებარეობს, ან იმ შემთხვევაში, თუ ახალო რადიუსში სატელეფონო კავშირი შეფერხებით მუშაობს, დაურთეთ ზედმიწევნით ზუსტი მითითებები, გაუგებრობები თავიდან რომ აიცილოთ.

• გაუგზავნეთ სტუმრებს დაბინავების ინსტრუქცია 3 დღით ადრე. დააზუსტეთ, მიიღეს თუ არა ის სტუმრებმა და ჰკითხეთ, რაიმე შეკითხვა ხომ არ აქვთ.

• იყავით კავშირზე დაბინავების პერიოდში. თუ სტუმრებს რაიმე პრობლემა შეექმნებათ, უმჯობესია, ხაზზე იყოთ, დაუყოვნებლივ რომ დაეხმაროთ მათ.

დაბინავების პროცედურის გამარტივების ერთ‑ერთი ხერხია, დაამონტაჟოთ გონიერი საკეტი ან ღილაკებიანი პანელი, რომლის მეშვეობითაც სტუმრები კოდით გააღებენ მთავარ კარს. ყოველი ახალი სტუმრის დაბინავებამდე შეგიძლიათ შეცვალოთ კოდი, შემდეგ კი მას უნიკალური კომბინაცია მისწეროთ.

რეგულარულად შეამოწმეთ, რომ ყველა სისტემა გამართულად მუშაობს. მნიშვნელობა არ აქვს, მოწყობილობების იმედად ხართ თუ სტუმრებს პირადად ხვდებით, კარგი იქნება, თუ იქონიებთ მინისეიფს, რომელშიც სათადარიგო გასაღებს შეინახავთ.