სახეცვლილი შეფასებები და მიმოხილვები

უფრო ინფორმაციული გვერდი შეფასებების გადანაწილებით, დახარისხების ფუნქციითა და არა მხოლოდ.
ავტორი: Airbnb (8 ნოე, 2023)
1‑წუთიანი საკითხავი
განახლების თარიღი: 27 თებ, 2024

სტუმრობის მსურველები სწორედ შეფასებებისა და მიმოხილვების საფუძველზე ხვდებიან, რამდენად შესაფერისია მათთვის ესა თუ ის საცხოვრებელი. ამის მიუხედავად, სტუმრების თქმით, მათთვის საინტერესო მიმოხილვების პოვნა ადრე საკმაოდ რთული იყო.

სწორედ ამიტომ, გადავწყვიტეთ, შეფასების გვერდში გარკვეული ცვლილებები შეგვეტანა და დაგვემატებინა სამი ახალი ფუნქცია, მიმოხილვების წაკითხვა უფრო მარტივი და სასარგებლო რომ ყოფილიყო.

შეფასებების გადანაწილება

განცხადების გვერდის „მიმოხილვების“ სექციაში ამიერიდან ნაჩვენები იქნება, როგორ ნაწილდება ერთიდან ხუთ ვარსკვლავამდე მიღებული შეფასებები. ეს საშუალებას მისცემს სტუმრობის მსურველებს, სწრაფად შეიტყონ, ჯამში რამდენი დადებითი და უარყოფითი მიმოხილვა აქვს მიღებული თქვენ მიერ განთავსებულ საცხოვრებელს მთელი დროის განმავლობაში.

მიმოხილვების დალაგება

სტუმრობის მსურველებს ამიერიდან შეუძლიათ მიმოხილვების დალაგება იმგვარად, რომ, პირველ რიგში, ყველაზე მაღალი შეფასების მქონე ან ბოლოდროინდელ გამოხმაურებას გაეცნონ. ეს გაუმარტივებს სტუმრობის მსურველებს მათთვის მნიშვნელოვანი ცნობების მიღებას, რადგან შესაძლებელი იქნება ყველა ხუთვარსკვლავიანი მიმოხილვის ერთ სივრცეში თავმოყრა, ანდა თქვენ მიერ მიღებული გამოხმაურების ახლიდან ძველისკენ გაცნობა.

ცნობები მიმომხილველისა და სტუმრობის შესახებ

თითოეული მიმოხილვის გვერდით ამიერიდან მოცემული იქნება ვარსკვლავებით დაფიქსირებული შეფასება, რაც სტუმრებისგან მიღებულ გამოხმაურებას ერთგვარ კონტექსტში ჩასვამს. თუ, ვთქვათ, სტუმარი საცხოვრებელს ოთხი ვარსკვლავით შეაფასებს, მაგრამ ბრწყინვალე მიმოხილვას დაგიტოვებთ, სტუმრობის მსურველები უკეთ აღიქვამენ საერთო შეფასების მნიშვნელობას.

ამას გარდა, მიმოხილვებს დართული ექნება მეტი ცნობა როგორც მიმოხილვის ავტორზე, ისე მის სტუმრობაზე, მათ შორის, ინფორმაცია იმის შესახებ, თუ საიდან არის ის, რამდენი ხანი გსტუმრობდათ და ვისთან ერთად (ოჯახთან, შინაურ ცხოველებთან თუ სხვებთან). სტუმრობის მსურველები ამგვარად უფრო მარტივად იპოვიან მიმოხილვებს, რომლებიც შეესაბამება თავიანთი სტუმრობის ტიპს.

თუ, მაგალითად, სტუმარი ბავშვებთან ერთად იყო, მისი მიმოხილვის თავზე მოცემული იქნება წარწერა „ბავშვებთან ერთად სტუმრობა“, ხოლო თუ ვინმე შვიდი ღამით დარჩა — „ერთი კვირით სტუმრობა“.*

სახეცვლილი შეფასებები და მიმოხილვები, „განცხადებების“ ახალი ჩანართი და სხვა სიახლეები მასპინძლებისთვის შემოთავაზებულია Airbnb‑ს 2023 წლის ზამთრის განახლების ფარგლებში.

*ხელსაწყოები და ფუნქციები, შესაძლოა, განსხვავდებოდეს მდებარეობის მიხედვით.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.

Airbnb
8 ნოე, 2023
სასარგებლო იყო?

სხვა საინტერესო

სხვა საინტერესო

გაეცანით სხვა თემებს