განახლებები, რომლებიც კალენდრის მობილურით მართვას გაგიმარტივებთ
რედაქტორის შენიშვნა: სტატია გამოქვეყნდა Airbnb‑ს 2023 წლის ზაფხულის განახლების ფარგლებში. ინფორმაცია, შესაძლოა, შეცვლილიყო მისი გამოქვეყნების შემდეგ. შეიტყვეთ ვრცლად ჩვენი პროდუქტის უახლესი ვერსიის შესახებ.
მასპინძლებისთვის განკუთვნილი კალენდარი Airbnb‑ს აპის ყველაზე ხშირად გამოყენებადი კომპონენტია. თქვენგან შევიტყვეთ, რომ მარტივი ამოცანების შესრულებას დიდი დრო მიჰქონდა — მაგალითად, რამდენიმე კვირის ასარჩევად საჭირო იყო თითოეულ თარიღზე ცალ‑ცალკე შეხება.
მობილურ მოწყობილობებზე კალენდრის მართვის გასამარტივებლად თქვენთვის ორი სიახლე გვაქვს.
თარიღების არჩევა თითის გასმით: თარიღების დიაპაზონის ასარჩევად საკმარისია, შეყოვნდეთ პირველ თარიღზე, შემდეგ კი გაუსვათ თითი შესაბამის თარიღებს შვეულად ან თარაზულად. მაგალითად, თუ მომდევნო კვირა კვლავ ხელმისაწვდომია დასაჯავშნად, შესაბამის თარიღებზე დაწესებული ფასების შეცვლას კალენდრის დახურვის ან სხვა ეკრანზე გადასვლის გარეშე შეძლებთ.
მთელი წლის ხედი: ივნისიდან საშუალება გექნებათ, ერთ ეკრანზე განსაზღვროთ როგორც მთელი წლის ხელმისაწვდომობა, ისე თითოეული თვის ფასი. 12‑ვე თვე ერთდროულად რომ ასახოთ, კალენდრის ზედა ნაწილში მოცემული ჩამოსაშლელი მენიუდან აირჩიეთ „წელი“. მიმდინარე, მომავალი და მომლოდინე ჯავშნების თარიღები გამოყოფილი იქნება იმავე ფერებით, რომლებიც მოცემულია ხოლმე თვის ხედში. ერთი ღამის ფასი მთელი თვისთვის რომ შეცვალოთ, შეეხეთ შესაბამის თვეს.
ფასების დაწესების ყველა ხელსაწყომ მეტი მოხერხებულობისთვის კალენდარში გადაინაცვლა. მათ გამოსაყენებლად საკმარისია, შეეხოთ პარამეტრების ხატულას, რომელიც ეკრანის ზედა მარჯვენა ნაწილში იქნება მოცემული. ამას გარდა, თქვენ მიერ დაწესებული ფასის ქვემოთ მოცემული იქნება ღილაკები, რომელთა მეშვეობითაც, საჭიროებისამებრ, გაარკვევთ, საშუალოდ რა ფასებია დაწესებული ახლომახლო დაჯავშნილ საცხოვრებლებზე, ასევე, რა თანხის გადახდა მოუწევს სტუმარს და თქვენ რამდენი გერგებათ.
ახალი ფუნქციები შემოთავაზებულია Airbnb‑ს 2023 წლის ზაფხულის განახლების ფარგლებში, რომელიც მასპინძელთათვის 25 სიახლეს მოიცავს. მოითხოვეთ ადრეული წვდომა, რომ დღესვე დაიწყოთ ახალი ხელსაწყოებით სარგებლობა.