საგანგებო მეტეოროლოგიური მოვლენებისთვის წინასწარ მომზადება

მძიმე მეტეოროლოგიური პირობებისთვის მზადყოფნა მნიშვნელოვანია როგორც თქვენი, ისე სტუმრებისა და საცხოვრებლის უსაფრთხოებისთვის.

ქვემოთ გაგაცნობთ რჩევებს, რომლებსაც გვთავაზობს Americares, დახმარების აღმოჩენისა და განვითარების სფეროში ჯანდაცვაზე ორიენტირებული ორგანიზაცია. რჩევები დაგეხმარებათ ქარიშხლების, ტორნადოებისა და უკიდურესი სიცხის დროს სტუმრებისთვის სათანადო მხარდაჭერის უზრუნველყოფასა და მატერიალური ზარალის შემცირებაში.

შესაძლოა, სტუმრებმა არ იცოდნენ, როგორია ადგილობრივი კლიმატი და როგორ მოიქცნენ საგანგებო მეტეოროლოგიური მოვლენების დროს. აი, რას გვირჩევს Americares:

დაწერეთ ან ამობეჭდეთ მნიშვნელოვანი ინფორმაცია და განათავსეთ ის შესამჩნევ ადგილას.

• საგანგებო ვითარებაში საკონტაქტო სამსახურები: მოამზადეთ პოლიციის, სახანძროსა და სასწრაფო-სამედიცინო დახმარების ნომრების სია, საგანგებო დახმარების ადგილობრივი ცხელი ხაზის ჩათვლით (როგორიცაა, მაგალითად, 112, 911 ან 999).
• საცხოვრებლის მისამართი: მიუთითეთ საცხოვრებლის ქუჩა და სახლის ნომერი, მთავარი გზაჯვარედინები ან ორიენტირები, ასევე, უბნის, რაიონის ან ზონის სახელწოდება.
• თავშესაფარი შტორმის შემთხვევაში: მიუთითეთ, სად არის შესაძლებელი თავის შეფარება ტორნადოს ან ქარიშხლის დროს. ეს შეიძლება იყოს სარდაფი ან შიდა ოთახი ფანჯრებისა თუ მინის გადახურვის გარეშე.
• რეგიონის რუკა: აღნიშნეთ პოტენციური საევაკუაციო მარშრუტები, ადგილობრივი საევაკუაციო თავშესაფრები და გაგრილების ცენტრები. მიუთითეთ, სად დაიშვებიან შინაური ცხოველები.

გაითვალისწინეთ სეზონური ამინდი თქვენს განცხადებაში, შეტყობინებებსა და გაუქმების წესებში.

• სახლის წესები: მიუთითეთ ძირითადი ცნობები სეზონური ამინდის შესახებ. მაგალითად, „ქარიშხლების სეზონი, როგორც წესი, ივნისიდან ნოემბრამდე გრძელდება. ყურადღება მიაქციეთ ამინდის პროგნოზს და დაიცავით ადგილობრივი უწყებების მითითებები“.
• მზა პასუხები და დაგეგმილი შეტყობინებები: გამოიყენეთ „შეტყობინებების“ ჩანართში არსებული ხელსაწყოები, რომ წინასწარ მოამზადოთ რჩევები და გააზიაროთ ისინი, როცა ამინდის პროგნოზი მკვეთრად გაუარესდება. მაგალითად, შეგიძლიათ შექმნათ მზა პასუხი, რომელშიც მიუთითებთ, სად არის შესაძლებელი გაგრილება უკიდურესი სიცხის დროს.
• გაუქმების წესები: მძიმე მეტეოროლოგიურმა პირობებმა, შესაძლოა, დამატებითი საფრთხეები შექმნას საცხოვრებლებში, რომლებშიც არ არის კონდიციონერი, ასევე, უნიკალურ საცხოვრებლებში — მაგალითად, ავტოფურგონებში, კარვებსა და საცხოვრებლებში ხეზე. გაუქმების მოქნილი წესები სტუმრებს მეტ თავისუფლებას მისცემს გეგმების ამინდის მიხედვით დაწყობისას.

ჯავშნის გაუქმების შემთხვევაში სტუმრისთვის დასაბრუნებელი თანხის ოდენობა, როგორც წესი, განისაზღვრება გაუქმების თქვენ მიერ დადგენილი წესების მიხედვით, თუ სტუმართან სხვაგვარად არ შეთანხმდებით. თუ მასშტაბური ადგილობრივი ინციდენტის გამო, სტუმრობის დასრულება ვერ მოხერხდება ან უკანონო აღმოჩნდება, შესაძლოა, ამოქმედდეს Airbnb‑ს „მნიშვნელოვნად შემაფერხებელი გარემოებების დებულება“.

„მნიშვნელოვნად შემაფერხებელი გარემოებების დებულების“ მოქმედების შემთხვევაში, ჯავშნის გაუქმებას შეძლებთ გადასახადისა თუ სხვა სახის სანქციების გარეშე, ხოლო შესაბამისი თარიღები დაბლოკილი დარჩება განცხადების კალენდარში. აღნიშნულ შემთხვევაში სტუმრებიც შეძლებენ ჯავშნების გაუქმებასა და თანხის სრულად დაბრუნებას. თუ თქვენ ან სტუმრები გააუქმებთ ჯავშანს, რომელსაც დებულება ითვალისწინებს, ანაზღაურება არ გერგებათ.

Americares გირჩევთ, მისწეროთ სტუმრებს რეკომენდაციები ამინდთან დაკავშირებით. მაგალითად, შეგიძლიათ, შეახსენოთ მათ ადგილობრივი რესურსების შესახებ და ურჩიოთ, როგორ დაიცვან თავი სტუმრობისას.

მეტეოროლოგიურ პირობებთან საცხოვრებლის ადაპტირება დაგეხმარებათ, შეამციროთ მატერიალური ზარალი ქარიშხლის ან ტორნადოს შემთხვევაში და უფრო კომფორტული გარემო შეუქმნათ სტუმრებს უკიდურესი სიცხის დროს. ქვემოთ გთავაზობთ Americares‑ის რეკომენდაციებს საცხოვრებლის უსაფრთხოებისთვის.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.