ახალი ხელსაწყო შეადარებს სხვა მსგავსი საცხოვრებლების ფასებს

რედაქტორის შენიშვნა: სტატია გამოქვეყნდა Airbnb‑ს 2023 წლის ზაფხულის განახლების ფარგლებში. ინფორმაცია, შესაძლოა, შეცვლილიყო მისი გამოქვეყნების შემდეგ. შეიტყვეთ ვრცლად ჩვენი პროდუქტის უახლესი ვერსიის შესახებ.

პირველად Airbnb‑ის ისტორიაში საშუალება გაქვთ, შეადაროთ თქვენ მიერ დაწესებული ფასი ახლომახლო დაჯავშნილი საცხოვრებლების საშუალო ფასებს.

მასპინძლებისგან შევიტყვეთ, რომ დასაწესებელი ფასის განსაზღვრა ზოგჯერ რთულია. ჩვენ გავითვალისწინეთ თქვენი გამოხმაურება და ამიერიდან საშუალებას გაძლევთ, უფრო მარტივად გაარკვიოთ, რა ფასებია თქვენს რეგიონში.

ახალი რუკიდან მყისიერად შეიტყობთ, რას აფასებენ თქვენ მიერ განთავსებული საცხოვრებლის მსგავს დაჯავშნილ და დაუჯავშნელ ვარიანტებს სხვები. რუკა ხელმისაწვდომი იქნება ყოველთვის, როცა ფასის დაწესებას ან ჩასწორებას გადაწყვეტთ.

„ჩვენ მიერ განთავსებულ საცხოვრებელს, როგორც წესი, რამდენიმე თვით ადრე ჯავშნიან ხოლმე, თუმცა მაინც მაინტერესებს, სხვა ადგილობრივ მასპინძლებს რა ფასები აქვთ დაწესებული ერთ ღამეზე“, — გვიზიარებს ფელისიტი, მრჩეველ მასპინძელთა საბჭოს წევრი და სუპერმასპინძელი ახალი სამხრეთ უელსიდან (ავსტრალია), და დასძენს: „ყოველთვის ვცდილობ, კონკურენტუნარიანი ფასები მქონდეს. ვფიქრობ, ახალი ფუნქცია ბევრი მასპინძლისთვის რადიკალურად შეცვლის ყველაფერს“.

ფასების შესადარებლად:

• კალენდარში აირჩიეთ ნებისმიერი ცალკეული თარიღი ან მაქსიმუმ 31 ღამისგან შემდგარი დიაპაზონი.
• შეხებით ან დაწკაპუნებით აირჩიეთ თქვენ მიერ ერთ ღამეზე დაწესებული ფასი. უშუალოდ ფასის ქვემოთ მოცემული იქნება ღილაკი რუკის ხატულათი და ტექსტით „ფასის შედარება“.
• შეეხეთ ან დააწკაპუნეთ აღნიშნულ ღილაკს, რის შემდეგაც გაიხსნება რუკა, რომელზეც მოცემული იქნება თქვენ მიერ განთავსებული საცხოვრებლის მსგავსი ვარიანტების საშუალო ფასები. რუკიდან საშუალება გექნებათ, აირჩიოთ, უკვე დაჯავშნილი საცხოვრებლების ფასები გაინტერესებთ თუ დაუჯავშნელის.

რუკაზე აღნიშნული იქნება თითოეული საცხოვრებლის (როგორც დაჯავშნილი, ისე დაუჯავშნელი) საშუალო ფასი არჩეული თარიღებისთვის. საცხოვრებლის მსგავსებას განსაზღვრავს სხვადასხვა ფაქტორი, მაგალითად, მდებარეობა, ფართობი, თავისებურებები, საყოფაცხოვრებო პირობები, შეფასებები, მიმოხილვები და ის, თუ სხვა რომელ ვარიანტებს ეცნობიან სტუმრობის მსურველები თქვენი განცხადების პარალელურად.

ახალი ხელსაწყოები შემოთავაზებულია Airbnb‑ს 2023 წლის ზაფხულის განახლების ფარგლებში, რომელიც მასპინძელთათვის 25 სიახლეს მოიცავს. მოითხოვეთ ადრეული წვდომა, რომ დღესვე დაიწყოთ ახალი ხელსაწყოებით სარგებლობა.