შემოთავაზებულ შედეგებზე წვდომისთვის გადადით წინ
    ეს კონტენტი თქვენ მიერ არჩეულ ენაზე მიუწვდომელია, ამიტომაც ამჟამად იმ ენაზე გთავაზობთ, რომელიც მასთან ყველაზე ახლოსაა.

    სტუმრებთან კომუნიკაციის მნიშვნელოვანი ეტაპები

    Airbnb მასპინძლების საკონტროლო სია სტუმრებთან ეფექტურ კომუნიკაციასთან დაკავშირებით
    ავტორი: Airbnb (8 იან, 2020)
    2-წუთიანი საკითხავი
    განახლების თარიღი: 28 ივლ, 2021

    ყველაზე მნიშვნელოვანი

    • მნიშვნელოვან მომენტებში კომუნიკაცია აგრძნობინებს სტუმრებს, რომ მათზე ზრუნავთ

    • Airbnb გთავაზობთ შეტყობინებების მიმოცვლის ხელსაწყოებს, რომლებიც კომუნიკაციის ავტომატიზაციაში დაგეხმარებათ

    • დაიხმარეთ ჩვენი სრული გზამკვლევი პირველი სტუმრების სასიამოვნოდ გასაოცებლად

    ეფექტური კომუნიკაცია შესანიშნავი სტუმრობის წინაპირობაა. თუ საცხოვრებლით დაინტერესების მომენტიდან საცხოვრებლიდან გასვლამდე სტუმრებთან მკაფიო და ოპერატიული კომუნიკაცია გექნებათ, მათ სტუმრობა სასიამოვნოდ დაამახსოვრდებათ (და ამისთვის დადებით მიმოხილვებსაც დაიმსახურებთ).

    რჩევები ეფექტური კომუნიკაციისთვის

    იმოქმედეთ ღიად: აბჰაი, მასპინძელი სან‑ფრანცისკოდან, ამბობს, რომ ის ყოველთვის განსაკუთრებული გულახდილობით აზიარებს ინფორმაციას საცხოვრებლის შესახებ. მაგალითად, ის პირდაპირ ეუბნება სტუმრებს, რომ ჰყავს დიდი ძაღლი, რომელსაც ბეწვი ცვივა და, ასევე, რომ ორ ოთახს აქირავებს, ამიტომ საცხოვრებელში, შესაძლოა, სხვებიც იყვნენ. „მთავარია სწორი მოლოდინის შექმნა და საბოლოოდ სტუმრებზე დადებითი შთაბეჭდილების მოხდენა“, — ამბობს ის.

    იყავით კონტაქტზე: „ყოველთვის მზად ვარ, შეკითხვებს ოპერატიულად ვუპასუხო“, — ამბობს კრისი, რომელიც კლივლენდში მასპინძლობს, და დასძენს: „თუ რაიმე პრობლემა წამოიჭრება, მაშინვე ვაგვარებთ“. სტუმრებთან სწრაფად და მარტივად ურთიერთობაში გამოცდილ მასპინძლებს სწრაფი პასუხებისა და დაგეგმილი შეტყობინებების ხელსაწყოები ეხმარება.

    გამოიჩინეთ ყურადღება: სიკეთის უმნიშვნელო გამოვლენამაც კი შეიძლება სტუმრობა დაუვიწყარ მოგონებად აქციოს თქვენთვისაც და სტუმრებისთვისაც. „უსაზღვრო სიხარული მოაქვს უცხო ადამიანებისთვის სიკეთის კეთებას. შეეცადეთ, დაეხმაროთ სხვებს“, — გვირჩევს აბჰაი. სტუმრების თქმით კი, როცა პრობლემა წამოიჭრება, ძალიან მნიშვნელოვანია, როგორ რეაგირებს მასპინძელი.

    გამოიყენეთ ტექნოლოგიები: სტუმრებთან Airbnb‑ს აპის მეშვეობით კომუნიკაციის შემთხვევაში დაცული იქნებით, რადგან თქვენი ყველა მიმოწერა ინახება იმ შემთხვევებისთვის, თუ ოდესმე მომხმარებელთა მხარდაჭერის გუნდისთვის მიმართვა დაგჭირდებათ. ის, ასევე, გაგიმარტივებთ სტუმრების შესახებ საჭირო ინფორმაციის პოვნას.

    სტუმრებთან კომუნიკაციის მნიშვნელოვანი ეტაპები

    დაინტერესების ეტაპი: „ვცდილობ, სტუმრებს ისეთი სიამოვნება მივანიჭო, როგორსაც თვითონ ვისურვებდი მოგზაურობისას“, — ამბობს აბჰაი და დასძენს: „სწორედ ამიტომ, ოპერატიულად ვპასუხობ მათ შეკითხვებს“.

    ოპერატიულობა მხოლოდ სტუმრების კმაყოფილებისთვის კი არ არის მნიშვნელოვანი, ის სუპერმასპინძლის სტატუსის მიღებისთვის საჭირო კრიტერიუმებიდან ერთ‑ერთია. 5‑ვარსკვლავიან სტუმრობაზე ზრუნვის დაწყება პირველივე მომენტიდან შეგიძლიათ — მაგალითად, გამოეხმაურეთ სტუმრების მხრიდან მიღებულ ყველა დაინტერესებას 24 საათის განმავლობაში მოთხოვნის დაკმაყოფილების, უარყოფის ან შეტყობინების გაგზავნის მეშვეობით. ამას გარდა, საშუალება გაქვთ, დრო დაზოგოთ და წინასწარ მოამზადოთ სწრაფი პასუხები სტუმრების მიერ ყველაზე ხშირად დასმულ შეკითხვებზე.

    თუ სტუმრებს მომენტალურად დაჯავშნის შესაძლებლობას სთავაზობთ, მათგან პირველ შეტყობინებას მხოლოდ ჯავშნის დადასტურების შემდეგ მიიღებთ (თუ მომენტალური დაჯავშნის პარამეტრებიდან დაჯავშნისწინა შეტყობინების გამოგზავნას არ ითხოვთ).

    დაჯავშნის დროს: სტუმრებს სიამოვნებთ, როცა მასპინძლები შეტყობინებას უგზავნიან და დაჯავშნისთვის მადლობას უხდიან. აღნიშნული რომ გაგიმარტივოთ, დაგეგმილი შეტყობინებების ფუნქცია შევიმუშავეთ. მისი საშუალებით, თქვენ მიერ წინასწარ მომზადებული შეტყობინება ავტომატურად გაეგზავნება სტუმარს ჯავშნის გაფორმების მომენტში. ამას გარდა, ამ ეტაპზე შეგიძლიათ დაინტერესდეთ სტუმრობის მიზნით, სტუმრის თანმხლები პირების ვინაობითა და თქვენთვის საინტერესო სხვა დამატებითი საკითხებით.

    მთავარია, სწორი მოლოდინის შექმნა და საბოლოოდ სტუმრებზე დადებითი შთაბეჭდილების მოხდენა.
    Abhay,
    სან‑ფრანცისკო

    დაბინავებამდე: მოგზაურობისას ყველაზე რთული, ხშირად, დანიშნულების ადგილამდე მისვლაა, ამიტომაც მკაფიო ინსტრუქცია სტუმრებს უპრობლემო დაბინავებაში დაეხმარება. მას შემდეგ, რაც განცხადებების ჩანართის სექციიდან „ინფორმაცია სტუმრებისთვის“ დაბინავების ინსტრუქციას დაამატებთ, ის სტუმრებისთვის ავტომატურად გახდება ხელმისაწვდომი დაბინავების დრომდე 3 დღით ადრე, თავთავიანთ „სტუმრობების“ ჩანართებზე.ინსტრუქცია დაერთვება დაბინავების გზამკვლევსაც, რომელიც სტუმრებისთვის ხელმისაწვდომი ხდება დაბინავების დრომდე 48 საათით ადრე და დამატებით შეიცავს ინფორმაციას საცხოვრებლამდე მისასვლელი გზისა და Wi‑Fi ქსელის შესახებ.

    დაბინავებისას: თუ სტუმრების პირადად დახვედრას ვერ ახერხებთ, რომ საცხოვრებელი დაათვალიერებინოთ, დაახვედრეთ მათ სტუმრის ცნობარი, რომელშიც მითითებული გექნებათ ინფორმაცია საცხოვრებლის შესახებ, მაგალითად, კონდიციონერით, ბუხრით, Wi‑Fi ქსელით, სახლის კინოთეატრით ან სხვა ნივთითა თუ მოწყობილობით სარგებლობის წესები.

    სტუმრობის პირველი ღამის შემდეგ: მრავალი მასპინძელი უპირატესობას ანიჭებს სტუმრებთან რეგულარულ კომუნიკაციას. სასურველია, სტუმრებს ჰკითხოთ ხოლმე, ყველაფერი წესრიგში აქვთ თუ არა.

    გასვლამდე: შეახსენეთ სტუმრებს გასვლის დრო, სად დატოვონ გასაღები და კიდევ რა უნდა გააკეთონ (მაგალითად, ნაგავი გაიტანონ).

    გასვლის შემდეგ: ზოგიერთი მასპინძელი სტუმრებს უგზავნის შეტყობინებას და მადლობას უხდის სტუმრობისთვის. სასურველია, გასვლის შემდეგ მალევე მიმოიხილოთ სტუმრები, რაც, თავის მხრივ, სტუმრებსაც უბიძგებს, დაგიწერონ მიმოხილვა, სანამ ყველა დეტალი კარგად ახსოვთ.

    ყველაზე მნიშვნელოვანი

    • მნიშვნელოვან მომენტებში კომუნიკაცია აგრძნობინებს სტუმრებს, რომ მათზე ზრუნავთ

    • Airbnb გთავაზობთ შეტყობინებების მიმოცვლის ხელსაწყოებს, რომლებიც კომუნიკაციის ავტომატიზაციაში დაგეხმარებათ

    • დაიხმარეთ ჩვენი სრული გზამკვლევი პირველი სტუმრების სასიამოვნოდ გასაოცებლად
    Airbnb
    8 იან, 2020
    სასარგებლო იყო?

    სხვა საინტერესო

    სხვა საინტერესო

    გაეცანით სხვა თემებს