ოთახების სტუმრებმა თავი ადგილობრივივით რომ იგრძნონ…

Airbnb‑ს შექმნის თავდაპირველი მიზანი იყო, მოგზაურებს საშუალება მისცემოდათ, ხელმისაწვდომ ფასად გაეთიათ ღამე სხვა ადამიანის საცხოვრებელში. მიზანმა გაამართლა და ახლა უამრავ მასპინძელსა თუ სტუმარს მთელი მსოფლიოს გარშემო აქვს აქტიური კონტაქტი ერთმანეთთან.

„ოთახები“ აგრძელებს ამ ტრადიციას. სულ უფრო მეტი მასპინძელი აგრძნობინებს სტუმრებს თავს ადგილობრივივით: ისინი ურჩევენ მათ, რომელი ადგილები მოინახულონ, ან უწყობენ პატარა სიურპრიზებს, რომლებიც სტუმრებს ახალი შთაბეჭდილებების მიღებაში ეხმარება.

ამ სტატიაში მოგიყვებით, რა ხერხებს მიმართავს ზოგიერთი მასპინძელი სტუმრებთან დროის შინაარსიანად გასატარებლად.

სტუმრებისთვის საინტერესო ადგილების მარტივად რეკომენდება შეგიძლიათ განცხადებისთვის გზამკვლევის შექმნის მეშვეობით. გზამკვლევების მქონე მასპინძლები, როგორც წესი, მეტ ჯავშანს იღებენ.

მრავალი მასპინძელი სტუმრებს სხვადასხვა ადგილს პირადადაც ურჩევს. რიდი და თავისი მეუღლე, რომლებიც სტუმრებს ოთახს ფილადელფიაში (აშშ) სთავაზობენ, გვიყვებიან, რომ ისინი პერიოდულად იწვევენ სტუმრებს საკვირაო ვახშამზე. რიდი სტუმრებს რაგუს უმზადებს, პარალელურად კი ინტერესდება, რისი გაკეთება სურთ ქალაქში. ამის შემდეგ ის ცდილობს, სტუმრებს ურჩიოს არასტანდარტული ადგილები, მაგალითად, ახლომდებარე კაფე, სადაც წიგნებით სავსე კედლებია.

ზოგჯერ რიდი სტუმრებს საცეკვაოდ წასვლასაც სთავაზობს. „ერთი ადგილი ვიცი, სადაც ლათინოამერიკულ მუსიკას უკრავენ და იქ დავდივართ ხოლმე სტუმრებთან ერთად განწყობის ასამაღლებლად“, — გვიყვება ის და დასძენს: „ზოგიერთი სტუმარი ახლა ჩვენთვის შვილივით არის“.

ზოგჯერ სტუმრები ოთახს მხოლოდ მასპინძლის გაცნობითი ბარათის დამსახურებით ჯავშნიან: მათ ეუფლებათ შეგრძნება, რომ მასპინძელს გარკვეულწილად უკვე იცნობენ და მასთან ერთად საცხოვრებელი სივრცის გაზიარება პრობლემას არ შეუქმნით.

ნიკოლა, რომელიც სტუმრებს ოთახს ფიცროიში (ავსტრალია) სთავაზობს, სიამოვნებით ეცნობა სხვადასხვა ქვეყნის კულტურასა და სამზარეულოს. მან აღმოაჩინა, რომ ზოგიერთ სტუმარს განსაკუთრებით მოსწონს მასპინძელთან ერთად დროის შინაურულად გატარება.

ნიკოლა და მისი ძმა, მელბურნში სახელგანთქმული შეფ‑მზარეული, ზოგჯერ სთავაზობენ სტუმრებს კერძების ერთად მომზადებას. „კომერციული სამზარეულო გვაქვს, სადაც საკუთარი ხელით არის შესაძლებელი პასტისა და პანინის მომზადება“, — გვიყვება ის.

სტუმრების ერთ‑ერთმა ჯგუფმა თავი ისე კომფორტულად იგრძნო, რომ იოგით პირდაპირ ნიკოლას მისაღებ ოთახში დაკავდა. „მიხარია, რომ ჩემთან ასე ძალიან მოეწონათ“, — აღნიშნავს ნიკოლა. როგორც კი ნიკოლამ შეამჩნია, რომ სტუმრებს ვარჯიში მოსწონდათ, მან ისინი წაიყვანა ახლომდებარე პარკში, სადაც მათ ნახევარი დღე გაატარეს ხეებზე ძრომიალსა და იმ სხვა ადგილების განხილვაში, რომლებიც მათ შეეძლოთ მოენახულებინათ.

დაფიქრდით, რა ინტენსივობით გირჩევნიათ სტუმრებთან ურთიერთობა, შემდეგ კი აცნობეთ მათ ამის შესახებ. თუ ხშირი კომუნიკაცია მოგწონთ, არ არის გამორიცხული, ბევრი საინტერესო მეგობარი გაიჩინოთ.

გართი, რომელიც სტუმრებს ოთახს ოკლენდში (ახალი ზელანდია) სთავაზობს, ამბობს, რომ სტუმრებთან დროის გატარება მას საშუალებას აძლევს, მოგზაურობის გარეშე გაეცნოს სხვა ქვეყნების კულტურას. „ჯობს, ჩემთან ჩამოვიდნენ“, — გადაწყვიტა მან.

გართს განსაკუთრებით დაამახსოვრდა საფრანგეთიდან ჩამოსული ოჯახი. ერთ დღეს დედამ ჰკითხა გართს, შეეძლო თუ არა მის ვაჟს ეყურებინა, როგორ მუშაობს გართი თავის ავტოფარეხში მოწყობილ სახელოსნოში. „ბავშვს მოსწონდა ყველაფერი, რასაც ვაკეთებდი“, — იხსენებს გართი.

გართმა მოიფიქრა პროექტი, რომელზეც ისინი ერთად შეძლებდნენ მუშაობას. „პატარა გემი ავაწყვეთ და ერთად შევღებეთ“, — გვიყვება ის და დასძენს: „ცოტა გულის ამაჩუყებელიც კი იყო, რადგან ბავშვი ინგლისურად არ საუბრობდა, თუმცა საერთო ენა მაინც გამოვნახეთ“.

მასპინძელთა სხვა ამბების და რჩევების გასაცნობად შეგიძლიათ გაწევრიანდეთ მასპინძელთა ადგილობრივ კლუბში. კლუბები მასპინძელთა მიერ მასპინძლებისთვის იქმნება, წევრები კი პერიოდულად ხვდებიან ერთმანეთს როგორც ფიზიკურად, ისე ვირტუალურად, მუდმივად ეხმარებიან ერთმანეთს და აზიარებენ სიახლეებს Airbnb‑ს პროდუქტებისა თუ მომსახურებების შესახებ.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.