მსგავსი საცხოვრებლების საშუალო ფასების შედარება

მასპინძლებისგან შევიტყვეთ, რომ ფასთან დაკავშირებით გადაწყვეტილების მიღება ზოგჯერ რთულია. სწორედ ამიტომ, თქვენთვის შევიმუშავეთ ხელსაწყო, რომელიც საშუალებას გაძლევთ, გაარკვიოთ, საშუალოდ რას აფასებენ სხვა მასპინძლები თქვენ მიერ განთავსებულის მსგავს საცხოვრებლებს ახლომახლო.

„ყოველთვის ვამოწმებ, კვლავ კონკურენტუნარიანი ფასები მაქვს დაწესებული თუ არა, ამიტომ მაინტერესებს, სხვა ადგილობრივი მასპინძლები, რას აფასებენ საცხოვრებლებს ერთ ღამეზე“, — გვიზიარებს ფელისიტი, მრჩეველ მასპინძელთა საბჭოს წევრი და სუპერმასპინძელი ახალი სამხრეთ უელსიდან (ავსტრალია), და დასძენს: „ეს ფუნქცია საგრძნობლად მიმარტივებს საქმეს“.

მსგავსი საცხოვრებლების შესადარებლად:

1. გადადით ფასების ჩანართზე თქვენი განცხადების კალენდარში.
2. აირჩიეთ მაქსიმუმ 31‑დღიანი დიაპაზონი.
3. შეხებით აირჩიეთ მსგავსი საცხოვრებლების ჩვენება.

ამის შემდეგ გამოჩნდება თქვენი რეგიონის რუკა, რომელზეც მითითებული იქნება მსგავსი საცხოვრებლების საშუალო ფასები ახლომახლო. რუკაზე არსებული ღილაკების მეშვეობით საშუალება გექნებათ, აირჩიოთ, რომელი საცხოვრებლები იყოს გათვალისწინებული — უკვე დაჯავშნილი თუ ჯერ კიდევ დაუჯავშნელი.

თითოეული საცხოვრებლისთვის (როგორც დაჯავშნილისთვის, ისე დაუჯავშნელისთვის) რუკაზე აღინიშნება საშუალო ფასები არჩეულ თარიღებში. საცხოვრებლების მსგავსებას განაპირობებს სხვადასხვა ფაქტორი — მაგალითად, მდებარეობა, ფართობი, თავისებურებები, საყოფაცხოვრებო პირობები, შეფასებები, მიმოხილვები და ის, თუ სხვა რომელ ვარიანტებს ეცნობიან სტუმრობის მსურველები თქვენი განცხადების პარალელურად.

ამ ინფორმაციის ცოდნა დაგეხმარებათ, უკეთ გაერკვეთ ადგილობრივ ფასებში. ფუნქციით სარგებლობა შეგიძლიათ ყოველთვის, როცა ფასის დაწესებას ან ჩასწორებას გადაწყვეტთ.

ფასებს ზოგჯერ დიდი გავლენა აქვს ძიების შედეგებზე. კერძოდ, უფრო მაღალ პოზიციებზე ხვდება ხოლმე განცხადებები იმ საცხოვრებლების შესახებ, რომელთა ფასიც სხვა, სტუმრების ტევადობისა და საყოფაცხოვრებო პირობების კუთხით მსგავსი, ახლომდებარე ვარიანტებისაზე დაბალია. ფასის კორექტირება შესაძლოა, სტუმრობის მსურველთა დაინტერესებასა და მეტი შემოსავლის მიღებაში დაგეხმაროთ.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.