ეს კონტენტი თქვენ მიერ არჩეულ ენაზე მიუწვდომელია, ამიტომაც ამჟამად იმ ენაზე გთავაზობთ, რომელიც მასთან ყველაზე ახლოსაა.

სტუმრებთან კომუნიკაციის საფუძვლები

დაიხმარეთ რჩევები და შაბლონები სტუმრობის მსურველებთან კომუნიკაციისთვის.
ავტორი: Airbnb (8 იან, 2020)
2‑წუთიანი საკითხავი
განახლების თარიღი: 3 მაი, 2023

სტუმრებთან ეფექტური კომუნიკაცია შესანიშნავი სტუმრობისკენ გადადგმული პირველი ნაბიჯია. თუ დაჯავშნით დაინტერესების მომენტიდან საცხოვრებლიდან გასვლამდე სტუმრებთან ღია და ოპერატიული კომუნიკაცია გექნებათ, ისინიც თავს კომფორტულად იგრძნობენ და, დიდი ალბათობით, ამისთვის თქვენც დადებით მიმოხილვებს დაიმსახურებთ.

რჩევები ეფექტური კომუნიკაციისთვის

იმოქმედეთ ღიად: დანიელი, მასპინძელი სან‑ფრანცისკოდან (აშშ), აღნიშნავს, რომ ის ყოველთვის გულახდილად აზიარებს ინფორმაციას საცხოვრებლის შესახებ. „ის, თუ რას უყვებით სტუმრებს საცხოვრებელთან დაკავშირებით და რეალურად რა დახვდებათ, თანხვედრაში უნდა იყოს“, — ამბობს ის და დასძენს: „ჯობს, ზედმეტად შელამაზებულად არ აღწეროთ საცხოვრებელი და მან სტუმრების მოლოდინს გადააჭარბოს, ვიდრე პირიქით“.

გამოიჩინეთ გულისხმიერება: გადადგით ნაბიჯი ინკლუზიურობისკენ და, უბრალოდ, ჰკითხეთ სტუმრებს, რა სჭირდებათ იმისთვის, რომ სტუმრობისას თავი კომფორტულად და შინაურულად იგრძნონ. გირჩევთ, წინასწარ არაფერი დაასკვნათ და გამოხატოთ თანაგრძნობა.

იყავით კავშირზე: ანეტი, სუპერმასპინძელი სან‑ფრანცისკოდან (აშშ), ყოველთვის ახსენებს სტუმრებს: „გთხოვთ, ნუ შეეცდებით რაიმეს დამოუკიდებლად შეკეთებას, თუნდაც პრობლემა უმნიშვნელო იყოს. დაგვიკავშირდით და ყველაფერზე ჩვენ ვიზრუნებთ“. რუტინული საკითხებისთვის გამოცდილი მასპინძლები სარგებლობენ მზა პასუხების ფუნქციით, რომელიც უმარტივებს მათ სტუმრებთან კომუნიკაციას.

გამოიჩინეთ ყურადღება: სიკეთის უმნიშვნელო გამოვლენამაც კი შეიძლება სტუმრობა დაუვიწყარ მოგონებად აქციოს თქვენთვისაც და სტუმრებისთვისაც. სტუმრების თქმით, როცა პრობლემა წამოიჭრება, ძალიან მნიშვნელოვანია, როგორ რეაგირებს მასპინძელი.

გამოიყენეთ ტექნოლოგიები: თუ სტუმრებთან კომუნიკაცია Airbnb‑ს აპის მეშვეობით გექნებათ, უფრო დაცული იქნებით, რადგან თქვენი მიმოწერები ინახება იმ შემთხვევისთვის, თუ ოდესმე პრობლემა შეგექმნებათ და მხარდაჭერის გუნდის დახმარება დაგჭირდებათ. აპი, ასევე, გაგიმარტივებთ საჭირო ინფორმაციის პოვნას თქვენი ყველა სტუმრის შესახებ.

სტუმრებთან კომუნიკაციის მნიშვნელოვანი ეტაპები

დაჯავშნით დაინტერესება: როცა სტუმრობის მსურველები საცხოვრებლის დაჯავშნასთან დაკავშირებით მოგმართავენ, ისინი ოპერატიულ პასუხს მოელიან. შეეცადეთ, გამოეხმაუროთ სტუმრების ყველა მოთხოვნას 24 საათის განმავლობაში.

ოპერატიულობა მნიშვნელოვანია არა მხოლოდ სტუმრების კმაყოფილებისთვის, არამედ ერთ‑ერთი კრიტერიუმია იმისთვის, რომ სუპერმასპინძელი გახდეთ. ისარგებლეთ დაგეგმილი შეტყობინებების ფუნქციით, რომ დროულად გაუზიაროთ სტუმრებს საჭირო ინფორმაცია.

ჯავშნის გაფორმების მომენტი: როგორც წესი, სტუმრებს სიამოვნებთ, როცა მასპინძლები შეტყობინებას უგზავნიან და ჯავშნის გაფორმებისთვის მადლობას უხდიან.

მისასალმებელ შეტყობინებას ინდივიდუალური ელფერი რომ შემატოთ, დაიხმარეთ სტუმრის პროფილში მითითებული გარკვეული ინფორმაცია. მაგალითად, შეგიძლიათ დაუსვათ სტუმარს შეკითხვები თავისი ინტერესების, მშობლიური ქალაქისა თუ ჰობის შესახებ. ამავე ეტაპზე გაქვთ საშუალება, დაინტერესდეთ დამატებითი ინფორმაციით, როგორიცაა სტუმრობის მიზანი თუ სტუმრის თანმხლები პირების ვინაობა.

დაბინავებამდე: სტუმრებისთვის განსაკუთრებით მნიშვნელოვანია, ჰქონდეთ ზუსტი ინფორმაცია საცხოვრებლამდე მისასვლელი გზისა და დაბინავების შესახებ.

ხშირად დასმულ შეკითხვებს მარტივად უპასუხებთ, თუ „განცხადებების“ ჩანართის სექციაში „ინფორმაცია სტუმრებისთვის“ შეავსებთ ყველა ველს, მათ შორის, მიუთითებთ საცხოვრებლამდე მისასვლელ გზას, დაბინავების ინსტრუქციასა და Wi‑Fi ქსელის მონაცემებს. აღნიშნული ცნობები სტუმრებთან გაზიარდება დაბინავებამდე 48 საათით ადრე, „სტუმრობების“ ჩანართში.

დაბინავება: სტუმრები (განსაკუთრებით კი, ისტორიულად მარგინალიზებული ჯგუფების წარმომადგენლები) ჩვენთან აღნიშნავენ, რომ დამოუკიდებლად დაბინავებას ამჯობინებენ. ამას გარდა, შეგიძლიათ შექმნათ სტუმრის ცნობარი, რომელშიც შეიტანთ საცხოვრებელში არსებული სხვადასხვა სისტემისა თუ მოწყობილობის გამოყენების წესს.

სტუმრობის პირველი ღამის შემდეგ: მრავალი მასპინძლის თქმით, ისინი უპირატესობას ანიჭებენ სტუმრებთან რეგულარულ კომუნიკაციას. სასურველია, პერიოდულად მოიკითხოთ ხოლმე სტუმრები.

გასვლამდე: მიუთითეთ, რა უნდა შეასრულონ სტუმრებმა საცხოვრებლიდან გასვლამდე. სტუმრობის დასრულებამდე ერთი დღით ადრე მათ შესაბამის ინსტრუქციას მივაწვდით და გასვლის დროს შევახსენებთ.

გასვლის შემდეგ: უმჯობესია, სტუმრებს მიმოხილვა დაუყოვნებლივ დაუტოვოთ. მიმოხილვისას იყავით თავაზიანი. ყველა სტუმრის მიმართ ერთი სტანდარტით იხელმძღვანელეთ. ზოგიერთი მასპინძელი სტუმრებს უგზავნის შეტყობინებასაც, რომლითაც მადლობას უხდის სტუმრობისთვის.

Airbnb
8 იან, 2020
სასარგებლო იყო?

გაეცანით სხვა თემებს