Airbnb და მასპინძლები ხელს უწყობენ კოლუმბიელ ქალებსა და ახალგაზრდებს

„ეს სუპერემპანადაა. ის შიმშილსა და სიღარიბეს ებრძვის“, — გვიხსნის იული, მასპინძელი და „True Heroes Foundation“‑ის დამფუძნებელი ბოგოტიდან (კოლუმბია), რომელსაც ხელში უკავია ხელნაკეთი თოჯინა, ორგანიზაციის სიმბოლო.

თოჯინა გამოწყობილია სუპერგმირის ყვითელ კოსტიუმში, წითელ ლაბადასა და თვალის ლურჯ ნიღაბში, თუმცა აქ სუპერგმირი მხოლოდ იულია. თავისი ფონდის საშუალებით ის ეხმარება ქალებს, კერვით მიიღონ დამატებითი შემოსავალი ოჯახების სარჩენად.

„True Heroes Foundation“ ატარებს მასტერკლასებს, რომლებზეც ქალები სწავლობენ თოჯინების კერვას. თოჯინები შემდეგ იულის არაკომერციული ორგანიზაციის დახმარებით იყიდება. 2012 წლიდან ამ საქმიანობაში ათობით დედა ჩაერთო. ამას გარდა, იულის ფონდი დედებსა და მათ შვილებს სთავაზობს უსაფრთხო სივრცეს, რომელშიც შესაძლებელია ფსიქოლოგიური დახმარების მიღება, თანამოაზრეების პოვნა და საკუთარი თავის რეალიზება ხელოვნებასა თუ შემოქმედებაში.

იულიმ, როგორც ბოგოტის მასპინძელთა კლუბის წევრმა, თავისი ფონდის კანდიდატურა წარადგინა, Airbnb‑ს საზოგადოებრივი ფონდიდან დაფინანსება რომ მიეღო. მასპინძელთა კლუბების წევრებს ყოველწლიურად ეძლევათ საშუალება, დაეხმარონ ადგილობრივებს საზოგადოებრივი ფონდის მეშვეობით. კანდიდატურის წარდგენის შემდეგ „True Heroes Foundation“‑ს 10 000 აშშ დოლარი ერგო.

არაკომერციული ორგანიზაციის მიერ მიღებული თანხა მოხმარდება დამატებითი საკერავი მანქანების შეძენას, არასრულ განაკვეთზე ფსიქოლოგის დაქირავებას, ასევე, ფართის გაზრდას. ამას გარდა, თანხა უზრუნველყოფს დამატებით შემოსავალს მინიმუმ ოთხი ოჯახისთვის ნახევარი წლის განმავლობაში.

„Airbnb‑სგან მიღებული გრანტის წყალობით, 2024 წელს ჩვენი ორგანიზაცია დიდი პროექტებითა და ახალი შესაძლებლობებით დაიწყებს“, — ამბობს იული და დასძენს: „Airbnb‑ს მსგავსი მსხვილი კომპანიის მხარდაჭერა ჩვენთვის უაღრესად მნიშვნელოვანია“.

2023 წელს Airbnb‑ს საზოგადოებრივი ფონდიდან დაფინანსების მისაღებად არაკომერციული ორგანიზაციების კანდიდატურები მასპინძელთა 50‑ზე მეტმა კლუბმა წარადგინა მსოფლიო მასშტაბით. 2024 წლისთვის განაცხადების მიღება უკვე დაწყებულია. დამატებითი ინფორმაციისთვის მიმართეთ მასპინძელთა ადგილობრივ კლუბს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.