მეტი სტუმრის დაინტერესების 3 ხერხი

რაც უფრო მოქნილი გექნებათ პირობები, მით უფრო დიდი ალბათობით მოხვდება თქვენი განცხადება ძიების შედეგებში. მიიპყარით სტუმრობის მაქსიმალურად მეტი მსურველის ყურადღება — განავრცეთ თქვენი მომსახურების ზონა, მოამზადეთ განსხვავებული შეთავაზებები სხვადასხვა ბიუჯეტისთვის და დეტალურად მიუთითეთ თქვენი სამუშაო საათები.

აუცილებლად მიუთითეთ ყველა დრო, როცა მასპინძლობა შეგიძლიათ. ხელმისაწვდომობის ჩასწორებისას მიუთითეთ სამუშაო საათები და აირჩიეთ ხელმისაწვდომი პერიოდი. სტუმრობის მსურველები მხოლოდ იმ მომსახურებების პოვნას შეძლებენ, რომლებისთვისაც ორივე პარამეტრი განსაზღვრულია.

„განცხადებების“ ჩანართიდან:

• მიუთითეთ სამუშაო საათები. აღნიშნული გულისხმობს დროს, რომელიც სტუმრობის მსურველებისთვის დასაჯავშნად ხელმისაწვდომად აისახება. სურვილისამებრ, ყოველი შეთავაზებისთვის შეგიძლიათ როგორც იდენტური, ისე განსხვავებული საათების განსაზღვრა. ყურადღება მიაქციეთ განსაკუთრებულად მოთხოვნად პერიოდებს. მაგალითად, პირადი ინსტრუქტორებისთვის ეს შეიძლება იყოს დილა, ხოლო შეფმზარეულებისთვის — საღამო.
• დააყენეთ ხელმისაწვდომი პერიოდი. აირჩიეთ, რა პერიოდი იყოს დასაჯავშნად ხელმისაწვდომი სტუმრობის მსურველთათვის, მაგალითად, დღეიდან მომდევნო 3, 6, 9, 12 ან 24 თვე. აღნიშნულის ცვლა სხვადასხვა შეთავაზების მიხედვითაც შეგიძლიათ.

კალენდრიდან:

• უფრო დეტალურად განსაზღვრეთ ხელმისაწვდომობა. მაგალითად, შეგიძლიათ დაამატოთ საათები, რომლებიც თქვენი სტანდარტული სამუშაო დროის მიღმაა, ასევე, დაბლოკოთ დროები, როცა არ გცალიათ. დაბლოკილი დრო აისახება თქვენს ყველა შეთავაზებაზე.
• დაასინქრონეთ კალენდრები. დააკავშირეთ ერთმანეთს Airbnb‑კალენდარი და Google Calendar. Google Calendar‑ში დაფიქსირებული მოვლენები დაბლოკავს შესაბამის პერიოდებს თქვენს კალენდარში Airbnb‑ზე.

როცა დაასრულებთ, გადახედეთ თქვენს განცხადებას, რომ შეამოწმოთ დასაჯავშნად ხელმისაწვდომობა და გაიგოთ, რას დაინახავენ სტუმრობის მსურველები.

კონკურენტუნარიანობის შესანარჩუნებლად და სტუმრობის მეტი მსურველის დასაინტერესებლად კარგი იქნება, თუ დაამატებთ მინიმუმ 3 შეთავაზებას სხვადასხვა (საწყის, სტანდარტულ და პრემიუმ) ფასად. ფასების მრავალფეროვნება, შესაძლოა, შემოსავლის გაზრდასა და მეტი მიმოხილვის მიღებაში დაგეხმაროთ. მაგალითად, სტუმრებისთვის, როგორც წესი, მისაღები ფასია 52‑დან 95 აშშ დოლარამდე 3‑კერძიანი სადილისთვის/ვახშმისთვის, 54‑დან 96 აშშ დოლარამდე სპა‑პროცედურისთვის და 46‑დან 75 აშშ დოლარამდე ფოტოგადაღებისთვის.*

• დაამატეთ საწყისი შეთავაზება. სტუმრობის მსურველები ძიების შედეგებში თქვენს ყველაზე დაბალი ფასის მქონე შეთავაზებას დაინახავენ. საწყისი შეთავაზება, შესაძლოა, დაგეხმაროთ ახალი სტუმრების მოზიდვასა და თქვენი სხვა შეთავაზებებით მათ დაინტერესებაში.
• გაუკეთეთ სტუმრებს ინდივიდუალური შეთავაზებები. სტუმრისთვის ინდივიდუალური შეთავაზებისა და შესაბამისი თანხის გადახდის მოთხოვნის გაგზავნა შეგიძლიათ „შეტყობინებების“ ჩანართიდან, ჯავშნის გაფორმებამდე. მაგალითად, თუ ინდივიდუალურ ვარჯიშებს ატარებთ, სტუმრობის მსურველმა შეიძლება გკითხოთ, შეძლებთ თუ არა ვარჯიშის ჩატარებას დილით უფრო ადრე ან მომსახურების ზონის მიღმა.
• შეიტანეთ საჭირო ცვლილებები. ფასის ცვლილების მოთხოვნის „შეტყობინებების“ ჩანართიდან გაგზავნა შეგიძლიათ ჯავშნის გაფორმების შემდეგაც. მაგალითად, თუ სტუმარი მოისურვებს კერძში განსაკუთრებული ინგრედიენტის დამატებას ან საბაზისო მანიკიურის დაგვირგვინებას ფრანგულით.
• დაამატეთ მინიმალური ფასი. თუ თანხას სტუმრების რაოდენობის მიხედვით იღებთ, შეგიძლიათ ჯავშნის მინიმალური ღირებულების განსაზღვრაც. აღნიშნული მოსახერხებელია, თუ ძირითადად ჯგუფებს სთავაზობთ ხოლმე მომსახურებას, მაგალითად, საღონისძიებო ან მზა კერძებით მომსახურების შემთხვევაში. მაგალითად, თუ ვინმე 2 სტუმრისთვის მოისურვებს თქვენი იმ შეთავაზების დაჯავშნას, რომელიც ერთ სტუმარზე 50 აშშ დოლარი ღირს, ჯავშნის მინიმალურ ღირებულებად კი 120 აშშ დოლარი გექნებათ განსაზღვრული, ჯავშნის გასაფორმებლად მას 120 აშშ დოლარის გადახდა მოუწევს.
• შესთავაზეთ სტუმრობის მსურველებს ფასდაკლებები. სტუმრობის მსურველთა ყურადღების მისაქცევად შეგიძლიათ დააწესოთ ფასდაკლებები კონკრეტულ პერიოდზე, ასევე, ადრეულ დაჯავშნასა და დიდი ჯგუფებისთვის. თუ ფასდაკლებას დააწესებთ, სტუმრობის მსურველები დაინახავენ გადახაზულ თავდაპირველ ფასს ძიების შედეგებსა და განცხადების გვერდზე.

დაფიქრდით, რა უფრო ხელსაყრელია თქვენთვის: თავად იაროთ სტუმრებთან, სტუმრებმა იარონ თქვენთან თუ ორივე ვარიანტი. თუ სტუმრებმა უნდა იარონ თქვენთან, გაითვალისწინეთ, რომ ისინი მხოლოდ იმ შემთხვევაში იპოვიან თქვენს განცხადებას, თუ მასში მითითებულ მდებარეობასთან ახლოს მოძებნიან მომსახურებებს.

თუ თქვენ ივლით სტუმრებთან:

• განსაზღვრეთ თქვენი მომსახურების ზონა. თქვენი განცხადება ძიების მაქსიმალურად მეტ შედეგში რომ მოხვდეს, დაამატეთ თქვენს მომსახურების ზონას ყველა შესაბამისი ქალაქი, უბანი თუ საფოსტო ინდექსი.
• მიუთითეთ, რა ტიპის გამონაკლისების დაშვება შეგიძლიათ. განცხადების აღწერილობის სექციაში შეგიძლიათ აღნიშნოთ ის ადგილები, სადაც შეძლებთ მისვლას გამონაკლისის სახით, ანდა ის, რომ სტუმრების მსურველებს შეუძლიათ მოგმართონ დეტალების დასაზუსტებლად, თუ ისინი თქვენი მომსახურების ზონის მიღმა იმყოფებიან.

თუ სტუმრები ივლიან თქვენთან:

• დაადასტურეთ თქვენი მისამართი. სტუმრობის მსურველები, რომლებიც თქვენს განცხადებაზე გადავლენ, დაინახავენ თქვენს მდებარეობამდე მანძილსა და მგზავრობის დროს.
• დაურთეთ თქვენი ბიზნესსუბიექტის დასახელება. ის დაეხმარება ადგილზე მოსულ სტუმრებს თქვენ პოვნაში.
• დაამატეთ პროფესიონალური ფოტოები. მნიშვნელობა არ აქვს, სად მასპინძლობთ სტუმრებს — სპა‑ცენტრში, სპორტდარბაზში, სალონში თუ სხვაგან — მდებარეობის ფოტოები წარმოაჩენს მომსახურების ხარისხს და გაუმარტივებს სტუმრებს თქვენ პოვნას.

* ეფუძნება 2025 წლის მარტში ჩატარებულ ონლაინგამოკითხვას, რომელში მონაწილეობაც მიიღო 700‑ზე მეტმა სტუმარმა, რომლებიც უკვე სარგებლობდნენ Airbnb‑თი, და პოტენციურმა ახალმა მომხმარებლებმა აშშ‑ში.

ხელსაწყოები და ფუნქციები, შესაძლოა, განსხვავდებოდეს მდებარეობის მიხედვით. სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.