ეს კონტენტი თქვენ მიერ არჩეულ ენაზე მიუწვდომელია, ამიტომაც ამჟამად იმ ენაზე გთავაზობთ, რომელიც მასთან ყველაზე ახლოსაა.

როგორ ფორმდება ჯავშნები Airbnb-ზე?

გაეცანით დეტალურ ინფორმაციას დაჯავშნით დაინტერესებების, დაჯავშნის მოთხოვნების, მომენტალური დაჯავშნებისა და სხვა საკითხების შესახებ.
ავტორი: Airbnb (9 თებ, 2021)
2-წუთიანი ვიდეო
განახლების თარიღი: 18 აგვ, 2022

ყველაზე მნიშვნელოვანი

  • სტუმრებისგან დაჯავშნის დაინტერესება შეიძლება მიიღოთ იმ შემთხვევაში, თუ მათ საცხოვრებლის შესახებ დამატებითი ინფორმაცია სჭირდებათ

  • შეგიძლიათ აირჩიოთ მომენტალური დაჯავშნის ფუნქცია ან დაჯავშნის მოთხოვნის მიღება

  • ინკლუზიური მასპინძლობა წარმატებული მასპინძლობის გარდაუვალი წინაპირობაა

Airbnb-ს მეშვეობით დაჯავშნის პროცესი სრულიად მარტივია, მაგრამ თქვენ, როგორც ახალ მასპინძელს, მისი მუშაობის პრინციპებთან დაკავშირებით შეიძლება შეკითხვები გაგიჩნდეთ.

მას შემდეგ, რაც გაერკვევით დაჯავშნის მოთხოვნების მიღებისა და მათზე პასუხის გაცემის პროცესში, მომენტალური დაჯავშნის ჩართვასა და გამორთვაში, ჯავშნების კონტროლსა და კალენდრის წინასწარ დაგეგმვაში, პირველი სტუმრების მიღებას შეძლებთ.

დაჯავშნით დაინტერესებების მიღება

ზოგიერთ სტუმარს შეიძლება შეკითხვები ჰქონდეს, მაგალითად, განსაზღვრულ დროზე ადრე დაბინავებასთან ან საცხოვრებლის ზუსტ მდებარეობასთან დაკავშირებით. ასეთმა სტუმარმა დაჯავშნამდე შეიძლება გამოგიგზავნოთ დაჯავშნით დაინტერესება. დაინტერესების შემთხვევაში (პარამეტრებში მითითებულის შესაბამისად) მიიღებთ ელწერილს ელფოსტაში, შეტყობინებას Airbnb-ს შემომავალ შეტყობინებებში ან ორივეს.

სტუმრებს, რომლებსაც ჯავშნის გასაფორმებლად კონკრეტული ინფორმაცია სჭირდებათ, დაჯავშნით დაინტერესება შეუძლიათ იმ შემთხვევაშიც კი, თუ მომენტალური დაჯავშნის ფუნქცია გაქვთ გააქტიურებული. შეტყობინებაზე პასუხის გასაცემად 24 საათი გექნებათ. მათ შეკითხვებზე პასუხის გაცემის შემდეგ შეგიძლიათ, გაუგზავნოთ:

  • წინასწარი დასტური, რომელიც საშუალებას მისცემს სტუმრებს, 24 საათის განმავლობაში პირდაპირ დაჯავშნონ თქვენ მიერ მათთვის შეთავაზებული საცხოვრებელი, თქვენი მხრიდან ჩარევის საჭიროების გარეშე
  • სპეცშეთავაზება, რომლითაც სტუმრებს ფასდაკლებას სთავაზობთ (ძირითადად, გრძელი ვადით სტუმრობისას გამოიყენება)
  • უარყოფა, თუ მასპინძლობას ვერ ახერხებთ (ამ შემთხვევაში მნიშვნელოვანია, არ არღვევდეთ ჩვენს ანტიდისკრიმინაციულ პოლიტიკას)

დაჯავშნით დაინტერესების ფანჯარა სამ ვარიანტს გთავაზობთ: წინასწარ დადასტურება, სპეცშემოთავაზება ან უარყოფა.
თუ სუპერმასპინძლის სტატუსის მოპოვებას აპირებთ, გამოხმაურების სიხშირის 90%-იანი მაჩვენებელი დაგჭირდებათ (სხვა ფაქტორებთან ერთად), ამიტომაც შეეცადეთ, სტუმრებს 24 საათის განმავლობაში უპასუხოთ.

სტუმრების მიერ საცხოვრებლის დაჯავშნის პროცესი

სტუმრებს, რომელთაც შეკითხვები არ აქვთ, ჯავშნის გაფორმება შეუძლიათ მომენტალური დაჯავშნის ფუნქციის გამოყენებით, როცა ის ჩართულია. წინააღმდეგ შემთხვევაში, შეუძლიათ დაჯავშნის მოთხოვნა.

  • მომენტალური დაჯავშნა ჯავშნის გაფორმების ნაგულისხმევი მეთოდია ყველა განცხადებისთვის. ამ ფუნქციის გამოყენების შემთხვევაში სტუმრები, რომლებიც თქვენ მიერ დაწესებულ ყველა მოთხოვნას აკმაყოფილებენ და სახლის წესებსაც ეთანხმებიან, მომენტალურად შეძლებენ საცხოვრებლის დაჯავშნას ხელმისაწვდომ თარიღებში. ამასთანავე, მომენტალური დაჯავშნის მეშვეობით მიანიშნებთ, რომ მზად ხართ, კრიტერიუმების დაკმაყოფილების შემთხვევაში ყველას უმასპინძლოთ, რაც ინკულუზიური მასპინძლობისთვის მნიშვნელოვანია.
  • დაჯავშნის მოთხოვნა საშუალებას გაძლევთ, 24 საათში გაეცნოთ დაჯავშნის მიღებულ მოთხოვნას და თქვენი შეხედულებისამებრ დააკმაყოფილოთ ან უარყოთ ის. თქვენ შეძლებთ სტუმრების მიმოხილვებსა და პროფილებზე წვდომას. ზოგიერთ მასპინძელს — განსაკუთრებით მათ, ვინც სტუმრებს უნიკალურ საცხოვრებლებს სთავაზობს ან ვისი გეგმებიც ხშირად იცვლება — დაჯავშნის მოთხოვნების ინდივიდუალურად მიღება ურჩევნია.
დაჯავშნის მოთხოვნის მიღების შემდეგ გადადით ქვედა ნაწილში, რომ სტუმრის პროფილსა და უახლეს მიმოხილვებზე წვდომა მიიღოთ.
ვცდილობთ, სტუმრებს მაქსიმალურად სწრაფად ვუპასუხოთ და რაც შეიძლება ბევრ მოთხოვნას დავეთანხმოთ. ძიების შედეგებში განცხადების პოზიცია ამ გზით ნამდვილად უმჯობესდება.
Superhosts Danielle and Eli,
ტანერსვილი, ნიუ‑იორკი

კალენდრის მუდმივი განახლება

ფასი და პარამეტრები შეგიძლიათ წელიწადის სხვადასხვა დროს არსებულ მოთხოვნას მოარგოთ. გაითვალისწინეთ რამდენიმე მარტივი რჩევა კალენდრისთვის:

შეიტყვეთ მეტი კალენდრისა და დაჯავშნის პარამეტრების შესახებ

როცა სტუმრების მიერ საცხოვრებლის დაჯავშნის პროცესში გაერკვევით, დაჯავშნის პარამეტრების მართვა გაცილებით მარტივი იქნება. ამის შემდეგ შეგიძლიათ მასპინძლობის სახალისო ასპექტზე — სტუმრების მიღებაზე კონცენტრირება.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.

ყველაზე მნიშვნელოვანი

  • სტუმრებისგან დაჯავშნის დაინტერესება შეიძლება მიიღოთ იმ შემთხვევაში, თუ მათ საცხოვრებლის შესახებ დამატებითი ინფორმაცია სჭირდებათ

  • შეგიძლიათ აირჩიოთ მომენტალური დაჯავშნის ფუნქცია ან დაჯავშნის მოთხოვნის მიღება

  • ინკლუზიური მასპინძლობა წარმატებული მასპინძლობის გარდაუვალი წინაპირობაა

Airbnb
9 თებ, 2021
სასარგებლო იყო?

გაეცანით სხვა თემებს