ერთ ღამეზე ფასის განსაზღვრა

სტუმრობის მსურველთა დასაინტერესებლად ერთი ღამის ოპტიმალური ფასის მიგნებას, შესაძლოა, გარკვეული დრო და ძალისხმევა დასჭირდეს. ფასი მხოლოდ თქვენი გადასაწყვეტია, მის შეცვლას კი ნებისმიერ დროს შეძლებთ.

თავდაპირველ ფასს Airbnb‑ზე საცხოვრებლის განთავსებისას აწესებთ. „Airbnb სტარტერის“ ფარგლებში შემოთავაზებული ფასი ეფუძნება სხვადასხვა ფაქტორს — მაგალითად, საცხოვრებლის მდებარეობასა და საყოფაცხოვრებო პირობებს, ასევე, არსებულ მოთხოვნასა და მსგავს ვარიანტებს.

კარგად შეადარეთ თქვენი ხარჯები თანხას, რომლის გადასახდელადაც მზად არიან სტუმრები. მაგალითად, გაითვალისწინეთ:

• მასპინძლობის ხარჯები (მათ შორის, იპოთეკა, ტექნიკური მომსახურება და გადასახადები).
• ფასის ხარისხთან შეფარდება (მაგალითად, პოპულარული საყოფაცხოვრებო პირობები ან ადგილობრივ ღირსშესანიშნაობებთან სიახლოვე).
• სტუმრების მიერ გადასახდელი ჯამური ფასი (იმ გადასახადების ჩათვლით, რომელთა დაწესებასაც გეგმავთ).

საცხოვრებლის აღწერილობა, ფოტოები და საყოფაცხოვრებო პირობები ყოველთვის უნდა შეესაბამებოდეს მიმდინარე სიტუაციას — ამგვარად, უკეთ წარმოაჩენთ ფასის ხარისხთან შეფარდებას და სტუმრებს სათანადო მოლოდინს შეუქმნით.

ფასის ყოველი განახლების შემდეგ შეგიძლიათ შეხებით აირჩიოთ სტუმრის მიერ გადასახდელი (უმოსაკრებლებოდ), რომ გაეცნოთ საბაზისო ფასისა და სტუმართა მომსახურების გადასახადის დეტალიზაციას. შეხებით აირჩიეთ თქვენ გერგებათ, რომ ნახოთ საბაზისო ფასი, მასპინძელთა მომსახურების გადასახადის გამოკლებით.

მსგავსი ახლომდებარე საცხოვრებლების ფასების შედარება კონკურენტუნარიან ფასზე შეჯერებასა და შედარებით მეტი ჯავშნის მიღებაში დაგეხმარებათ. თუ ყოველ ღამეზე ერთი და იგივე ფასი გაქვთ დაწესებული, შეგიძლიათ განასხვაოთ სამუშაო დღეებისა და შაბათ‑კვირების ტარიფები. ღამეების მიხედვით ფასის ცვლა მაქსიმალურად მეტი ჯავშნის მიღებაში შეგიწყობთ ხელს.

მსგავსი საცხოვრებლების შესადარებლად:

• გადადით ფასების ჩანართზე თქვენი განცხადების კალენდარში.
• აირჩიეთ 31 დღემდე დიაპაზონი.
• შეხებით აირჩიეთ მსგავსი საცხოვრებლების ჩვენება.

ამის შემდეგ გამოჩნდება თქვენი რეგიონის რუკა, რომელზეც მითითებული იქნება მსგავსი ახლომდებარე საცხოვრებლების საშუალო ფასები. რუკაზე არსებული ღილაკების მეშვეობით საშუალება გექნებათ, აირჩიოთ, რომელი საცხოვრებლები იყოს გათვალისწინებული — უკვე დაჯავშნილი თუ ჯერ კიდევ დაუჯავშნელი. საცხოვრებლების მსგავსებას განაპირობებს სხვადასხვა ფაქტორი — მაგალითად, მდებარეობა, ფართობი, თავისებურებები, საყოფაცხოვრებო პირობები, შეფასებები, მიმოხილვები და ის, თუ სხვა რომელ ვარიანტებს ეცნობიან სტუმრობის მსურველები თქვენი განცხადების პარალელურად.

„როდესაც მსგავს განცხადებებში უფრო დაბალ ფასებს ვპოულობ, ჩემი კალენდარი კი სავსე არ არის, სხვაობის მიზეზებს ვიკვლევ. ვაანალიზებ ჩემს დეკორს, საყოფაცხოვრებო პირობებს, გაუქმების წესებსა თუ დასუფთავების გადასახადებს — ყველაფერს, რის გამოც ჯავშანი, შესაძლოა, ჩემ ნაცვლად სხვამ მიიღოს“, — გვიზიარებს კეიტი, მრჩეველ მასპინძელთა საბჭოს წევრი და სუპერმასპინძელი პალმ‑სპრინგზიდან (კალიფორნია, აშშ).

ფასებსა და სხვა პარამეტრებს ყოველთვის თავად აკონტროლებთ. თქვენი შედეგები, შესაძლოა, განსხვავდებოდეს სხვა მასპინძლების შედეგებისგან.

ინტერვიუებში მონაწილეობისთვის მასპინძლებმა კომპენსაცია მიიღეს.

სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.