თანამშრომლობის დამყარება
როდესაც თანამასპინძელთა ქსელის მეშვეობით მოთხოვნების მიღებას დაიწყებთ, დაფიქრდით, რა საკითხების განხილვა გირჩევნიათ მასპინძლებთან პირველ მიმოწერებში. სათანადო მოლოდინის თავიდანვე შექმნა თანამშრომლობის შესახებ გადაწყვეტილების მიღებას გაამარტივებს და წარმატებული თანამშრომლობის საწინდარი გახდება.
ძირითადი საკითხები
დაიწყეთ მასპინძლისა და მისი საცხოვრებლის გაცნობით. შეგიძლიათ განიხილოთ შემდეგი საკითხები:
- რა სჭირდება მასპინძელს და როგორ შეგიძლიათ დახმარება
- რა თანხას ითხოვთ და როგორ გსურთ ანაზღაურების მიღება
- რა ოდენობის შემოსავლის მიღებას მოელის მასპინძელი
- როგორ გსურთ კომუნიკაცია
ამა თუ იმ საკითხისადმი თქვენი და მასპინძლის მიდგომა თანხვედრაში უნდა იყოს. მაგალითად, ჯონი, თანამასპინძელი სკოტსდეილიდან (არიზონა, აშშ), პოტენციურ პარტნიორებს უგზავნის თითოეული ოთახის ავეჯის, თეთრეულისა და სხვადასხვა საშუალების საკონტროლო სიას.
სტუმრებთან კომუნიკაცია
სტუმრებთან და სხვებთან დროული, მკაფიო კომუნიკაცია თანამშრომლობის უმთავრესი ასპექტია. განიხილეთ, ვისი პასუხისმგებლობა იქნება:
- დაჯავშნის მოთხოვნებზე გამოხმაურება, თუ საცხოვრებლისთვის არ არის გააქტიურებული მომენტალური დაჯავშნის ფუნქცია
- ყოველდღიური მიმოწერა (შეკითხვებზე პასუხის გაცემისა და სტუმრების დახმარების ჩათვლით)
- დამლაგებლების, ტექმომსახურების სპეციალისტებისა და სხვა თანამასპინძლების მართვა
- ანაზღაურების მოთხოვნების წარდგენა
- Airbnb‑ს მხარდაჭერის გუნდთან დაკავშირება დახმარების მისაღებად
მომდევნო ეტაპები
თანამშრომლობის შესახებ გადაწყვეტილების მიღების შემდეგ სასურველია, ყველაფერი ოფიციალურ შეთანხმებაში დააზუსტოთ.
მასპინძელს შეუძლია, განცხადებაში თანამასპინძლად მოგიწვიოთ და განსაზღვროს თქვენი ნებართვები, Airbnb‑ს ფარგლებში რომ ითანამშრომლოთ. მოსაწვევს ელფოსტით ან SMS‑ით მიიღებთ. მისი დადასტურებისთვის ან უარყოფისთვის 14 დღე გექნებათ.
მას შემდეგ, რაც მოწვევაზე თანხმობას განაცხადებთ, მასპინძელს საშუალება ექნება, აირჩიოს თითოეული ჯავშნისთვის კუთვნილი ანაზღაურებიდან კონკრეტული წილის თქვენთან გაყოფა პირდაპირ Airbnb‑ს მეშვეობით.* თანამასპინძლობის ხელსაწყოები და ნებართვები განმარტებულია დახმარების ცენტრის შემდეგ სტატიებში:
*მოქმედებს გარკვეული შეზღუდვები მასპინძლის, თანამასპინძლისა და განთავსებული საცხოვრებლის მდებარეობის მიხედვით.
თანამასპინძელთა ქსელი ამჟამად ხელმისაწვდომია ავსტრალიაში, საფრანგეთში, გერმანიაში, იტალიაში, იაპონიაში, მექსიკაში, პუერტო‑რიკოში, სამხრეთ კორეაში, ესპანეთსა და გაერთიანებულ სამეფოში (უზრუნველყოფს Airbnb Global Services); კანადაში, აშშ‑ში (უზრუნველყოფს Airbnb Living LLC); ასევე, ბრაზილიაში (უზრუნველყოფს Airbnb Plataforma Digital Ltda).
სრული წვდომის მქონე ნებისმიერ თანამასპინძელს შეუძლია დაზიანებულ ან დაკარგულ ნივთებთან დაკავშირებული ანაზღაურების მოთხოვნების ინიციირება, მართვა ან მოგვარება მასპინძლების სახელით, საკითხების გადაწყვეტის ცენტრის მეშვეობით ან მასპინძელთა ზარალისგან დაცვის ფარგლებში.
მასპინძელთა ზარალისგან დაცვა არ არის დაზღვევა. ის არ ეხება იაპონიაში მოღვაწე მასპინძლებს (მათზე ვრცელდება იაპონიაში მასპინძელთა დაზღვევა). გაითვალისწინეთ, რომ დაფარვის ყველა ლიმიტი მითითებულია აშშ დოლარში.
ვაშინგტონის შტატში განთავსებული განცხადებების შემთხვევაში, მასპინძელთა ზარალისგან დაცვის პროგრამის ფარგლებში Airbnb‑ს სახელშეკრულებო ვალდებულებებს ფარავს Airbnb‑ს მიერ შეძენილი სადაზღვევო პოლისი.
მასპინძელთა ზარალისგან დაცვის პროგრამა ექვემდებარება გარკვეულ წესებს, პირობებსა და შეზღუდვებს, ხოლო მასპინძლებისთვის, რომელთა საცხოვრებელი ან იურიდიულ პირად რეგისტრაციის ქვეყანა არის ავსტრალია, პროგრამა ექვემდებარება აქ განმარტებულ წესებს, პირობებსა და შეზღუდვებს.
სტატიაში მოცემული ინფორმაცია, შესაძლოა, შეცვლილიყო მისი გამოქვეყნების შემდეგ.